完整藏文原文 · 德格版页 当前仅加载第 67 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་མེད་སྟོང་པའི་ཆོས། །བདག་དང་འཐུན་པའི་གཏམ་དག་བསྟན་དུ་གསོལ། །སྟོན་མཁན་མི་ཡི་གཙོ་བོ་འདི་ལ་མཆོག །མཆོག་ཏུ་ཡིད་དུ་འོང་ཞིང་མཛེས་པ་སྟོན། །སྟོང་པ་ཉིད་ཀྱིས་ཉོན་མོངས་དགྲ་ཟིལ་གནོན། །རྟག་པ་དང་ནི་ཆད་པ་ཐལ་བར་བྱས། །དཔའ་དང་
D263.067.0136a01.01རྟུལ་ཕོད་གང་ཟག་དམ་པ་མཆོག །སྲིད་པ་ཞི་བ་གང་ཟག་དམ་པ་མཆོག །སྲེད་པ་ཞི་ཞིང་ཞི་གནས་རབ་ཏུ་སྟོན། །རྒྱལ་བ་རབ་ཏུ་ཞི་བ་འདི་ལ་འཇུག །རྒྱལ་བ་སྟོང་པ་ཉིད་ཞི་རབ་བསྟན་གསོལ། །རྒྱལ་བ་སྟོང་པ་ཉིད་འདི་ལ་ཡང་འཇུག །ཁ་དོག་དུང་དང་ཁ་བ་འདྲ་བ་ཡི། །ཞི་བ་
D263.067.0136a02.01མཛེས་པའི་སྟོང་པ་ཉིད་བསྟན་གསོལ། །ཉན་ཐོས་ཀྱི་ནི་འདི་ལ་ཚོགས་རྣམས་སྤངས། །སྟོན་གྱི་ཉི་མ་ཟླ་བའི་དཀྱིལ་འཁོར་ལྟར། །གཙོ་བོ་དག་གིས་ཤིན་ཏུ་གསལ་ཤིང་མཛེས། །འདིར་ནི་ལམ་ཞི་སྟོང་པ་ཉིད་བསྟན་གསོལ། །བརྒྱ་བྱིན་ཚངས་པའི་སྐད་ལྟར་སྒྲ་དབྱངས་སྙན། །
D263.067.0136a03.01སེམས་ཅན་དམའ་ལ་ཐུགས་བརྩེ་ཆེན་པོ་ཡིས། །ཐུབ་པ་འདི་ནི་སྟོང་པ་ཉིད་ལ་འཇུག །མྱ་ངན་དང་བྲལ་འགྲོ་བ་འདི་ལ་ཚིམ། །དམའ་བ་སྤྱོད་པ་རྟག་ཏུ་བྱིན་བརླབས་པས། །ཤེས་རབ་མང་གཟིགས་སྟོང་པ་ཉིད་ཞི་གསུངས། །སྡིག་པ་བཅོམ་ཞིང་ཉེས་ཚོགས་དྲི་མ་མེད། །
D263.067.0136a04.01འདི་ནི་འགྲོ་ལ་ཐེག་པ་ངན་པ་སྤངས། །དགེ་བའི་མཚན་ཉིད་སྤྱོད་ཡུལ་རབ་ཉམས་པས། །ཀྱེ་མའོ་ད་ལྟར་སྟོང་པ་ཉིད་ཞི་གསུངས། །རྨ་བྱ་ངང་པ་ནེ་ཙོ་སྐེ་ཀ་དབྱངས། །ཉམས་པའི་ཕྱོགས་ཆ་ཅན་གྱི་སྒྲ་རྣམས་འཇིག །ཚིགས་སུ་བཅད་པ་འདི་དག་གིས་མངོན་པར་བསྟོད་ནས་
D263.067.0136a05.01ལྷ་རྫས་ཀྱི་མེ་ཏོག་ཨུད་པལ་དང་། པད་མོ་དང་། ཀུ་མུ་ད་དང་། པུན་ད་རཱི་ཀས་མངོན་པར་གཏོར་ཏོ། །འཕགས་པ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ། །ལེའུ་བཞི་པའོ།། །།
D263.067.0136a06.01དེ་ནས་བྱང་ཆུབ་སེམས་དཔའ་བློ་གྲོས་མཐའ་ཡས་པའི་ཚོགས་ཀྱི་རྒྱལ་པོས་བཅོམ་ལྡན་འདས་ཇི་ཙམ་དུ་ཁང་པ་བརྩེགས་པ་ན་མི་བཞུགས་པ་དེ་ཙམ་གྱིས་བཅོམ་ལྡན་འདས་ཀྱི་དོན་གྱི་སླད་དུ་ལྷ་རྫས་ཀྱི་གསེར་དང་། ལྷ་རྫས་ཀྱི་བཻ་དཱུརྱ་སྔོན་པོའི་སྐས་མངོན་པར་སྤྲུལ་ཏེ། སྐས་དེ་
D263.067.0136a07.01