完整藏文原文 · 德格版页 当前仅加载第 86 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་འདོན་པར་རབ་ཏུ་བརྩོན། །འཁོར་བ་ན་ཡང་མི་གནས་ཤིང་། །མྱ་ངན་འདས་ལའང་གནས་མ་ཡིན། །ཡང་དག་མཐའ་ལ་ངེས་བྱས་ཤིང་། །སེམས་ཅན་རྣམས་ཀྱི་དོན་བྱེད་པའོ། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་ཐམས་ཅད་དང་ལྡན་པའི་འཁོར་
D494.086.0260a01.01གྱི་དཀྱིལ་འཁོར་ལ་བལྟས་ནས་ཚིག་སྨྲས་པ། ཐམས་ཅད་མཁྱེན་པ་སྡིག་བྲལ་བ། །སྟོན་པ་བཅོམ་པར་ལྡན་པ་འདིས། །བགེགས་རྣམས་འབྱུང་བར་འགྱུར་བའི་གནས། །གཏན་ལ་བབ་པར་བཤད་འགྱུར་བ། །གྲོགས་པོ་ཀུན་གྱིས་མཉན་པར་གྱིས། །བགེགས་ནི་རྣམ་པ་དུ་མ་
D494.086.0260a02.01སྟེ། །ལྷ་དང་ལྷ་མིན་གནོད་སྦྱིན་མི། །དེ་ལ་བགེགས་ནི་རྣམ་གཉིས་ཏེ། །ཕྱི་དང་ནང་གི་སྤྱོད་ཡུལ་ལོ། །གློ་ལུ་དབུགས་བརྣངས་རིམས་དང་སྐྱུག །སྐྱ་རྦབ་ནད་དང་ཡི་ག་འཆུ། །དེ་ལ་སོགས་པའི་རིམས་རྣམས་ནི། །རླུང་གྲང་ཚ་བ་ལ་སོགས་ལས། །མི་བཟད་ངོ་བོ་ཅན་འབྱུང་
D494.086.0260a03.01བ། །ནང་གི་ཡིན་པར་ཤེས་པར་བྱ། །ཕྱི་རོལ་གྱི་ནི་བགེགས་ཆེན་རྣམས། །མི་དང་དེ་བཞིན་མི་མིན་ཏེ། །ཡེ་ཤེས་ཚེར་མ་དེ་དག་ནི། །སྤྱོད་པ་རྣམ་པ་སྣ་ཚོགས་ཀྱིས། །འཇིག་རྟེན་གཞིག་པའི་ཕྱིར་འབྱུང་སྟེ། །དཀའ་ཐུབ་གནས་ན་རྨོངས་པར་བྱེད། །ལས་ཀྱི་ཆོ་ག་མཐོང་བ་ཡིས། །དེ་
D494.086.0260a04.01རྣམས་སླར་ནི་བཟློག་པར་བྱ། །ཚ་བར་གྱུར་ནས་འོངས་པའི་བགེགས། །བསིལ་བས་ཉེ་བར་ཞི་བར་བྱ། །ཤེས་རབ་ཅན་གྱིས་གཉེན་པོ་ཡིས། །དེ་དག་སོ་སོར་གསོ་བར་བྱ། །ཡང་ན་བགེགས་རྣམས་ཐམས་ཅད་ལ། །སྔགས་པས་ངེས་པར་མཚམས་བཅད་པ། །
D494.086.0260a05.01བགེགས་རྣམས་ཀུན་ལ་ཡེ་ཤེས་ནི། །ཞི་བར་བྱེད་པའི་མཆོག་ཏུ་བཤད། །འཕགས་པ་རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པར་སྤྲུལ་པ་བྱིན་གྱིས་རློབ་པ་ཐེག་པ་ཆེན་པོའི་མདོ་སྡེའི་རྒྱལ་པོ་གསང་བ་པའི་མཆོག་རིམ་པར་ཕྱེ་བ་ལས། དེ་བཞིན་
D494.086.0260a06.01གཤེགས་པ་འབྱུང་བ་ཞེས་བྱ་བའི་དཀྱིལ་འཁོར་ཆེན་པོ་བྱིན་གྱིས་རློབ་པ་རྫོགས་སོ།། །།རྒྱ་གར་གྱི་མཁན་པོ་ཤཱི་ལེན་དྲ་བོ་དྷི་དང་། ཞུ་ཆེན་གྱི་ལོཙྪ་བ་བན་དེ་དཔལ་བརྩེགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D494.086.0260a07.01