完整藏文原文 · 德格版页 当前仅加载第 86 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བཀའ་སྩལ་ཏོ། །ཆོས་རྣམས་ནམ་མཁའི་མཚན་ཉིད་དེ། །གཉིས་སུ་མེད་ཅིང་མཚན་ཉིད་གཅིག །གཞི་བཅུས་རྫོགས་པར་སངས་རྒྱས་པ། །དེ་ནི་རྫོགས་སངས་རྒྱས་ཞེས་བྱ། །འདུ་ཤེས་ཙམ་ཡང་སྤངས་པའི་ཕྱིར། །རང་གི་ངོ་བོ་བསྟན་མེད་
D494.086.0251a01.01ཅིང་། །ཡེ་ཤེས་ཀྱིས་ནི་རང་རིག་པ། །དེ་ནི་དེ་བཞིན་གཤེགས་པར་བཤད། །བྱང་ཆུབ་ནམ་མཁའི་མཚན་ཉིད་དེ། །རྟོག་པ་ཐམས་ཅད་སྤངས་པ་ཡིན། །གང་ཞིག་དེ་རྟོགས་འདོད་པ་དེས། །བྱང་ཆུབ་སེམས་དཔའ་ཞེས་བྱའོ། །ས་བཅུ་པོ་དག་བསྒྲུབས་ནས་ནི། །དབང་
D494.086.0251a02.01རྣམས་རྟོགས་པར་ཁོང་དུ་ཆུད། །ཆོས་རྣམས་སྟོང་པ་སྒྱུ་མ་བཞིན། །གང་གིས་འདིར་ནི་ཀུན་རྟོགས་ཤིང་། །འཇིག་རྟེན་ཀུན་གྱི་རྒྱུད་ཤེས་པ། །སངས་རྒྱས་ཞེས་ནི་བྱ་བ་ཡིན། །གསང་བ་པའི་བདག་པོ་དེ་ལྟར་དེ་དག་ནི་བྱང་ཆུབ་སེམས་དཔའི་སེམས་ཀྱི་གནས་སྐབས་
D494.086.0251a03.01རྣམ་པར་གཞག་པ་ཡིན་ནོ། །གསང་བ་པའི་བདག་པོ་རྣམ་གྲངས་དེས་ཀྱང་འདི་ལྟར་བྱང་ཆུབ་སེམས་དཔའ་རྣམས་ཀྱི་རང་གི་སེམས་རྣམ་པར་གཞག་པ་སྒྲུབ་པ་ནི་མེད་པར་རིག་པར་བྱའོ། །དེ་ནས་ཡང་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་
D494.086.0251a04.01གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཐེག་པ་ཆེན་པོ་མངོན་པར་རྟོགས་པའི་ཆོས་ཀྱི་རྣམ་གྲངས་ལེགས་པར་བཤད་པ་ནི་བཅོམ་ལྡན་འདས་ངོ་མཚར་ལགས་
D494.086.0251a05.01སོ། །བདེ་བར་གཤེགས་པ་ཤིན་ཏུ་ངོ་མཚར་ལགས་སོ། །བཅོམ་ལྡན་འདས་རིགས་ཀྱི་བུ་དེ་དག་ནི་འགྲོ་བ་ལྔའི་འཁོར་བ་ན་འཁོར་བའི་ཚེ་ངན་འགྲོ་ངན་སོང་གི་འཇིགས་པའམ་བདུད་ཀྱི་ལས་ཀྱི་འཇིགས་པའམ་མི་ཁོམ་པར་སྐྱེ་བའི་འཇིགས་པ་མཆིས་པར་བདག་མི་སྨྲའོ། །ཅིའི་
D494.086.0251a06.01སླད་དུ་ཞེ་ན། བྱང་ཆུབ་སེམས་དཔའ་ཆེན་པོ་ཐེག་པ་ཆེན་པོ་མངོན་པར་རྟོགས་པ་ལ་གནས་པ་ནི་འཇིག་རྟེན་དང་ལྷན་ཅིག་ཏུ་གནས་ཀྱང་འཇིག་རྟེན་ལས་འདས་པའི་ལམ་མི་གཏོང་ཞིང་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཐབས་ཀྱིས་འཇིག་རྟེན་གྱི་བྱ་བ་ཐམས་ཅད་ཀྱང་སྟོན་ཏོ། །
D494.086.0251a07.01