完整藏文原文 · 德格版页 当前仅加载第 86 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་། །དེ་ཡི་བཀའ་བཞིན་བྱེད་པར་འགྱུར། །སྨན་དང་མི་དང་ལྷ་རྣམས་དང་། །རིག་སྔགས་རྣམས་དང་གསང་སྔགས་ཀུན། །ཅི་དག་བགྱི་ཞེས་ཚིག་སྨྲ་ཞིང་། །དེ་ཡི་དྲུང་དུ་འཁོད་པར་འགྱུར། །བགེགས་དང་ལོག་འདྲེན་མ་རུངས་དང་། །སྲིན་པོ་དང་ནི་མ་མོ་རྣམས། །གསང་
D494.086.0216b01.01སྔགས་འཛིན་པ་མཐོང་བའི་ཚེ། །རྒྱང་རིང་ནས་ནི་ཕྱག་འཚལ་འགྱུར། །རིག་པའི་བརྟུལ་ཞུགས་ལ་གནས་པའི། །སྔགས་ཤེས་གང་ན་འདུག་པ་ཡི། །གནས་དེ་རབ་ཏུ་འཇིག་པ་ཡི། །མེ་ལྟར་འབར་ཞིང་འཇིགས་པར་འགྱུར། །དབང་ཕྱུག་གོ་འཕང་ཐམས་ཅད་འཐོབ། །དེས་
D494.086.0216b02.01པ་རྫོགས་པའི་སངས་རྒྱས་བཞིན། །དཔལ་ལྡན་གདུལ་དཀའ་འདུལ་བ་པོ། །རྡོ་རྗེ་འཛིན་ཆེན་དཀའ་ཐུབ་ཅན། །སེམས་ཅན་ཀུན་ལ་ཕན་བྱེད་པ། །སྙིང་རྗེ་འཇིག་རྟེན་དབང་པོ་བཞིན། །ཟླ་བ་དྲུག་རྣམས་འདས་གྱུར་ན། །འདོད་པའི་དངོས་གྲུབ་འབྲས་བུ་འཐོབ། །
D494.086.0216b03.01བདག་ཉིད་དང་ནི་གཞན་ལ་ཡང་། །རྟག་པར་རྗེས་སུ་ཕན་པར་བྱེད། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། རིག་སྔགས་ཀྱི་བརྟུལ་ཞུགས་རིམ་པར་ཕྱེ་བ་རྒྱས་པའོ།། །།དེ་ནས་ཡང་བཅོམ་ལྡན་འདས་
D494.086.0216b04.01ལ་ཕྱག་ན་རྡོ་རྗེས་ཡང་གསང་སྔགས་རྣམས་དང་། དཀྱིལ་འཁོར་རྣམས་ཀྱི་སྙིང་པོ་ཞུས་པ། གསང་སྔགས་ཀུན་གྱི་སྙིང་པོ་གང་། །ཅི་ཞིག་འཚལ་ན་སློབ་དཔོན་འགྱུར། །དེ་སྐད་གསོལ་ནས་བཅོམ་ལྡན་འདས། །དེའི་ཚེ་རྣམ་སྣང་མཛད་ཆེན་གྱིས། །རྡོ་རྗེ་འཛིན་ལ་བཀའ་སྩལ་
D494.086.0216b05.01པ། །སེམས་དཔའ་ཆེན་པོ་ལེགས་སོ་ལེགས། །ཡེ་ཤེས་གསང་བས་ཆེས་གསང་ཞིང་། །གསང་སྔགས་ཡེ་ཤེས་ཆེར་འབྱུང་བ། །བུ་ཁྱོད་ལ་ནི་བཤད་པར་བྱ། །མ་ཡེངས་ཡིད་ཀྱིས་མཉན་པར་གྱིས། །ཨ་ནི་གསང་སྔགས་ཐམས་ཅད་ཀྱི། །སྙིང་པོ་ཡིན་པར་ཡང་དག་
D494.086.0216b06.01བཤད། །འདི་ལས་བྱུང་བའི་གསང་སྔགས་ནི། །གྲངས་མེད་རྣམས་ཀྱང་འབྱུང་བར་འགྱུར། །སྤྲོས་པ་ཐམས་ཅད་ཞི་བ་ཡི། །ཡེ་ཤེས་མཐའ་དག་སྐྱེ་བར་འགྱུར། །གསང་བ་པའི་བདག་པོ་ཅི་ལྟར་ན་ཨ་ཞེས་བྱ་བ་གསང་སྔགས་ཐམས་ཅད་ཀྱི་སྙིང་པོ་ཡིན་ཞེ་ན། རྫོགས་པའི་
D494.086.0216b07.01