完整藏文原文 · 德格版页 当前仅加载第 86 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བར་བྱེད་པའི་ནི་ལག་པ་མཆོག་སྦྱིན་པའི་སོར་མོ་རྣམས་ལས་ཆུའི་རྒྱུན་འཛག་པའོ། །བློ་གྲོས་བསམ་གྱིས་མི་ཁྱབ་པ་དང་ལྡན་པའི་ལག་པ་ནི་ཡིད་བཞིན་གྱི་ནོར་བུ་ཐོགས་པའོ། །དེ་དག་ཐམས་ཅད་ཀྱང་པདྨ་ལ་གནས་ཤིང་དཀྱིལ་འཁོར་གྱི་ནང་དུ་ཆུད་པར་བྱའོ། །བྱང་ཕྱོགས་སུ་སའི་
D494.086.0212b01.01སྙིང་པོའི་ཕྱག་རྒྱ་ནི། དབང་ཆེན་དཀྱིལ་འཁོར་ནང་གནས་པ། །སྟན་ནི་སྔ་མ་བཞིན་དུ་གཞག །དེའི་སྟེང་པདྨ་ཆེན་པོ་སྟེ། །ཁ་དོག་ཀུན་ལྡན་འབར་དང་བཅས། །དེའི་སྟེང་བ་དན་ཆེན་པོ་སྟེ། །རྩེ་ལ་རིན་ཆེན་ཆེན་པོ་གཞག །དེ་ནི་གཟུགས་ཀྱི་མཆོག་ཡིན་ཏེ། །ཕྱག་རྒྱའི་གཟུགས་
D494.086.0212b02.01སུ་འདིར་བཤད་དོ། །དེ་ཡི་འཁོར་ནི་གྲངས་མེད་པ། །གཙོ་བོའི་ཡོན་ཏན་མཐའ་ཡས་ཏེ། །དེ་ལ་དེ་རྣམས་ཕྱག་རྒྱ་ཡང་། །ནན་ཏན་བསྐྱེད་དེ་བྲི་བ་ནི། །རིན་ཆེན་འབྱུང་གནས་ཀྱི་ཕྱག་རྒྱ་ནི། རྡོ་རྗེ་རྩེ་གསུམ་པ་རིན་པོ་ཆེའི་སྟེང་ན་འདུག་པའོ། །རིན་ཆེན་ལག་གི་ནི་རྡོ་རྗེ་རྩེ་གཅིག་
D494.086.0212b03.01པ་རིན་པོ་ཆེའི་སྟེང་ན་འདུག་པའོ། །ས་འཛིན་གྱི་ནི་རྡོ་རྗེ་ཁ་གཉིས་པ་རིན་པོ་ཆེའི་སྟེང་ན་འདུག་པའོ། །ཕྱག་ན་རིན་ཆེན་ཕྱག་རྒྱ་ནི་རྡོ་རྗེ་རྩེ་ལྔ་པ་རིན་པོ་ཆེའི་སྟེང་ན་འདུག་པའོ། །བསམ་པ་བརྟན་པའི་ནི་རྡོ་རྗེ་རྒྱ་གྲམ་རིན་པོ་ཆེའི་སྟེང་ན་འདུག་པ་སྟེ། ཕྱག་རྒྱ་ཐམས་ཅད་ཀྱང་དཀྱིལ་
D494.086.0212b04.01འཁོར་གྱི་ནང་དུ་ཆུད་པར་བྱའོ། །ནུབ་ཕྱོགས་སུ་ནམ་མཁའི་སྙིང་པོའི་ཕྱག་རྒྱ་ནི། ཆུ་ཡི་དཀྱིལ་འཁོར་ཡིད་འོང་བར། །པདྨ་དཀར་པོ་སྟན་ཆེན་ལ། །དེའི་དབུས་རལ་གྲི་ཞགས་པ་ནི། །སོ་ནི་ཤིན་ཏུ་རྣོ་བའི་མཆོག །རང་གི་ས་བོན་རྣམས་ཀྱིས་བཏབ། །མཁས་པས་དེར་ནི་
D494.086.0212b05.01གཞག་པར་བྱ། །དེ་ཡི་འཁོར་རྣམས་བྲི་བ་ནི། །ཕྱག་རྒྱའི་གཟུགས་རྣམས་{གོ་རིམས་,གོ་རིམ་}བཞིན། །དེ་ལ་ནམ་མཁའ་དྲི་མེད་ཀྱི་ཕྱག་རྒྱ་ནི། རླུང་གི་དཀྱིལ་འཁོར་གྱི་དབུས་སུ་འཁོར་ལོ་མཚན་དང་བཅས་པའོ། །ནམ་མཁའི་བློ་གྲོས་ཀྱི་ཕྱག་རྒྱ་ནི་དཀྱིལ་འཁོར་གྱི་དབུས་ན་དུང་ངོ་། །
D494.086.0212b06.01རྣམ་པར་དག་པའི་བློ་གྲོས་ཀྱི་ཕྱག་རྒྱ་ནི་པདྨ་དཀར་པོ་རླུང་གི་དཀྱིལ་འཁོར་གྱི་དབུས་ན་འདུག་པའོ། །སྤྱོད་པའི་བློ་གྲོས་ཀྱི་ཕྱག་རྒྱ་ནི་རླུང་གི་དཀྱིལ་འཁོར་གྱི་དབུས་ན་དུང་གི་སྟེང་ན་ཨུཏྤ་ལ་གཞག་པའོ། །བློ་གྲོས་བརྟན་པའི་ཕྱག་རྒྱ་ཡང་རླུང་གི་དཀྱིལ་འཁོར་གྱི་དབུས་ན་རྡོ་རྗེ་པདྨའི་སྟེང་
D494.086.0212b07.01