完整藏文原文 · 德格版页 当前仅加载第 86 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་པ་སྟེ། །ས་ཡི་དབང་ཕྱུག་གཅིག་པུ་ལགས། །དོན་གྲུབ་ཚོགས་ཀྱང་གྲུབ་པ་སྟེ། །ཁུར་ལས་རྒལ་ཞིང་སྲིད་མཐར་ཕྱིན། །སྨན་པའི་རྒྱལ་ཆེན་དེ་ཉིད་མཁྱེན། །འགག་པ་མི་མངའ་ཆད་མི་མངའ། །མཐའ་གཉིས་རྣམ་པར་སྤངས་པ་ལགས། །
D494.086.0243a01.01དེ་བཞིན་ཉིད་དང་ཡང་དག་མཐའ། །སྤྲོས་མེད་རྟོགས་པར་ཐུགས་སུ་ཆུད། །སྐྱབས་དང་གནས་དང་གླིང་དང་ནི། །མྱ་ངན་འདས་དང་ཞི་བའང་ལགས། །ཐར་པ་རིམས་ནད་མི་མངའ་དག །རྡུལ་སྐྱོན་དང་ནི་བྲལ་བ་ལགས། །བརྗོད་དང་ཀུན་བརྗོད་བྲལ་བ་དེ། །དངོས་
D494.086.0243a02.01པོ་ཐམས་ཅད་རྣམ་པར་འཇིག །དེ་ལྟར་རྡོ་རྗེ་འཛིན་དེ་ཀུན། །རྟག་ཏུ་ཡིད་རབ་དགའ་བ་ཡིས། །མཚན་ནི་ཡང་དག་བསྒྲགས་བྱས་ནས། །རྣམ་པར་འདྲེན་ལ་གསོལ་བ་འདེབས། །ཀུན་མཁྱེན་དཔའ་ཆེན་སྙུན་བྲལ་གྱིས། །དེ་དག་གིས་གསོལ་ཐུགས་ཆུད་ནས། །
D494.086.0243a03.01སྙིང་རྗེ་ཆེན་པོའི་སྙིང་པོ་ནི། །འབྱུང་བའི་དཀྱིལ་འཁོར་བཤད་ཅེས་གསུངས། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དཀྱིལ་འཁོར་
D494.086.0243a04.01འདིའི་མིང་ཅི་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་དཀྱིལ་འཁོར་འདིའི་མིང་ནི་སངས་རྒྱས་མེད་པའི་འཇིག་རྟེན་གྱི་ཁམས་རྣམས་སུ་སངས་རྒྱས་འབྱུང་བ་ཀུན་དུ་སྟོན་པའོ། །
D494.086.0243a05.01དེ་ནས་ཡང་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ནམ་མཁའ་ལྟ་བུའོ་ཞེས་གསུངས་པ་མ་ལགས་སམ། ནམ་
D494.086.0243a06.01མཁའ་ལ་ནི་སྐྱེ་བ་ཡང་མ་མཆིས་འགག་པ་ཡང་མ་མཆིས་སོ། །བཅོམ་ལྡན་འདས་དེ་བཞིན་དུ་དེ་བཞིན་གཤེགས་པ་རྣམས་ལ་ཡང་སྐྱེ་བ་ཡང་མ་མཆིས་འགག་པ་ཡང་མ་མཆིས་ན། བཅོམ་ལྡན་འདས་དེ་ཅིའི་སླད་དུ་འདི་སྐད་དུ་འདི་ནི་སངས་རྒྱས་མེད་པའི་འཇིག་རྟེན་གྱི་
D494.086.0243a07.01