完整藏文原文 · 德格版页 当前仅加载第 86 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
མགོན་པོ་རྣམས། །ཐབས་དང་ཤེས་རབ་ལྡན་པ་ལ། །བསླབས་ནས་བླ་མེད་བྱང་ཆུབ་ནི། །འདུས་མ་བྱས་པ་དེ་འཐོབ་བོ། །ཐབས་དང་མི་ལྡན་ཡེ་ཤེས་དང་། །བསླབ་པ་དག་ཀྱང་བཤད་པ་ནི། །དཔའ་བོ་ཆེན་པོ་ཉན་ཐོས་རྣམས། །དེ་ལ་གཟུད་པའི་ཕྱིར་བཤད་དོ། །
D494.086.0221a01.01རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། བྱང་ཆུབ་སེམས་དཔའི་བསླབ་པ་ཐབས་དང་ལྡན་པ་རིམ་པར་ཕྱེ་བའོ།། །།བམ་པོ་བདུན་པ། དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་
D494.086.0221a02.01ལྡན་པའི་འཁོར་འདུས་པ་ལ་གཟིགས་ཏེ་བསྟན་པ་དོན་ཡོད་པར་གྲུབ་པར་བཞེད་ནས། གསང་སྔགས་ཐམས་ཅད་ཀྱི་དབང་ཕྱུག །གསང་སྔགས་ཀྱི་རྒྱལ་པོ། གསང་སྔགས་ཐམས་ཅད་ཀྱི་མགོན་པོ། གཟི་བརྗིད་ཆེན་པོ། དམ་ཚིག་གསུམ་ལ་གནས་པ། ལམ་གསུམ་ཡོངས་
D494.086.0221a03.01སུ་རྫོགས་པར་བྱེད་པ་བཤད་པའི་ཕྱིར། ཕྱག་ན་རྡོ་རྗེ་སྟོབས་ཆེན་ལ། །འཇམ་པའི་གསུང་གིས་བཀའ་སྩལ་པ། །གསང་སྔགས་རྣམས་ཀྱི་གསང་སྔགས་མགོན། །དཔའ་བོ་མ་ཡེངས་ཡིད་ཀྱིས་ཉོན། །དེའི་ཚེ་ཡེ་ཤེས་དམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D494.086.0221a04.01ནས་ཡེ་ཤེས་སྣ་ཚོགས་འབྱུང་བ་འོད་ཟེར་བརྒྱ་འཕྲོ་བའི་གསང་སྔགས་འདི་གསུངས་སོ། །ན་མཿས་མནྟ་བུད་དྷཱ་ནཱཾ། ཨྃ། ལག་ན་རྡོ་རྗེ། འདི་ནི་གསང་སྔགས་ཐམས་ཅད་ཀྱི། །མགོན་པོ་གཟི་བརྗིད་ཆེན་པོ་སྟེ། །འདི་ནི་བདག་ཉིད་རྫོགས་སངས་རྒྱས། །ཆོས་ཀུན་དབང་ཕྱུག་ཐུབ་པ་
D494.086.0221a05.01ཡིན། །མི་ཤེས་མུན་ནག་ཀུན་འཇོམས་པ། །ཉི་མ་ཤར་བ་བཞིན་དུ་སྣང་། །ཐུབ་པ་ཆེན་པོའི་བདག་ཉིད་ཀྱིས། །འདི་ལྟ་བུར་ནི་བྱིན་བརླབས་ཏེ། །སེམས་ཅན་རྣམས་ལ་ཕན་བཞེད་ཕྱིར། །སྤྲུལ་པ་རྣམས་ནི་སྤྲུལ་པར་མཛད། །འདི་ནི་སེམས་ཅན་རྣམ་དག་གི །སེམས་
D494.086.0221a06.01དཔའ་འབྱུང་བ་ཅི་སྙེད་པ། །དེ་སྙེད་ཀྱི་ནི་སྤྲུལ་པ་ཡི། །གོ་འཕང་དམ་པ་མཛད་པར་འགྱུར། །དེ་བས་རྣམ་པ་ཐམས་ཅད་དུ། །རྫོགས་སངས་རྒྱས་ཀྱི་ཐབས་འདོད་པས། །ནང་གི་བདག་ཉིད་རྣམ་དག་པས། །རྟག་ཏུ་མངོན་པར་བརྩོན་པར་བྱ། །རྣམ་པར་སྣང་མཛད་ཆེན་པོ་མངོན་
D494.086.0221a07.01