完整藏文原文 · 德格版页 当前仅加载第 86 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པ་དཀར་པོ་དབུལ་ལོ། །མར་མེ་ཡང་མར་གྱི་མར་མེ་སྣོད་དཀར་པོའི་ནང་དུ་བླུགས་ཏེ་དབུལ་ལོ། །དུང་ལ་སོགས་པ་སྣོད་དཀར་པོའི་ནང་དུ་ཙནྡན་དང་། ག་བུར་དང་། མེ་ཏོག་དཀར་པོ་སྦྱར་བའི་ཆུ་བླུགས་པའི་མཆོད་ཡོན་དབུལ་ལོ། །དེ་ལྟར་ཅི་སྐད་
D494.086.0232a01.01བཤད་པའི་མཆོད་པ་བྱས་ནས། དེ་ནས་ཕྱིར་བྱུང་སྟེ། བདག་ཉིད་སྤྱན་རས་གཟིགས་དབང་ཕྱུག་ཏུ་བྱིན་གྱིས་བརླབས་ལ། ཕྱི་རོལ་དུ་ཕྱོགས་ཀྱི་གཏོར་མ་སྦྱིན་པ་ནི། འབྲས་ཡོས་བཅས་ཤིང་ཏིལ་དང་བཅས། །ཆུ་དང་བཅས་ཤིང་འབྲས་ཆན་བཅས། །མེ་ཏོག་དང་བཅས་སྲན་ཆན་བཅས། །
D494.086.0232a02.01ཀྲི་སར་བཅས་ཤིང་སྣུམ་བག་མང་། །གཏོར་མ་འདི་འདྲ་སློབ་དཔོན་གྱིས། །ལག་པས་བླངས་ནས་དགའ་བཞིན་དུ། །ཕྱོགས་ཀུན་ཏུ་ནི་གཏོར་བྱ་ཞིང་། །བདུག་སྤོས་མཆོད་ཡོན་དག་ཀྱང་དབུལ། །ཐོག་མར་དབང་ལྡན་ཕྱོགས་སུ་ནི། །གཞུ་
D494.086.0232a03.01ཅན་ཚོགས་དང་བཅས་ལ་དབུལ། །དེ་ནས་དབང་པོའི་ཕྱོགས་སུ་ཡང་། །མཁས་པས་དབང་པོ་ཉིད་ལ་དབུལ། །དེ་ནས་སྔགས་པ་མི་འཇིགས་པས། །མེ་ཡི་ཕྱོགས་སུ་དབུལ་བར་བྱ། །དེ་ནས་སྔགས་པ་འཇིགས་མེད་པས། །གཤིན་རྗེའི་ཕྱོགས་སུ་དབུལ་བར་
D494.086.0232a04.01བྱ། །སྔགས་རིག་བདེན་བྲལ་ཕྱོགས་སུ་ནི། །བདེན་བྲལ་ཚོགས་དང་བཅས་ལ་དབུལ། །ཆུ་ལྷའི་ཕྱོགས་སུ་ཀླུ་རྣམས་ལ། །འཇིགས་མེད་གསང་སྔགས་ཟློས་ཤིང་དབུལ། །བདག་པོར་བཅས་ལ་ཕུལ་ནས་སུ། །རླུང་གི་ཕྱོགས་སུ་འགྲོ་བར་བྱ། །སྔགས་ཤེས་
D494.086.0232a05.01པ་ནི་དེར་སོང་ནས། །རླུང་ལྷ་ཚོགས་དང་བཅས་པ་ལ། །རང་གི་མིང་ནས་སྨོས་ནས་སུ། །རང་གི་སྔགས་ཀྱིས་གཏོར་མ་དབུལ། །བྱང་གི་ཕྱོགས་སུ་སོང་ནས་ནི། །ཡིད་ནི་རབ་ཏུ་དང་བྱས་ཏེ། །བདག་གི་དངོས་གྲུབ་ཐོབ་འདོད་པས། །གནོད་སྦྱིན་རྣམས་ལ་
D494.086.0232a06.01གཏོར་མ་དབུལ། །སྲིན་པོ་རྣམས་དང་ཤ་ཟ་དང་། །འབྱུང་པོ་ཤ་རྗེན་ཅན་རྣམས་དང་། །སེམས་ཅན་རྣམ་པ་སྣ་ཚོགས་ལ། །མཁས་པས་གཏོར་མ་ཕྱོགས་སུ་གཏོར། །ས་ཕྱོགས་དེ་ཡི་སེམས་ཅན་ནི། །ཤིང་དང་གེལ་པ་ལ་གནས་པ། །བློ་ལ་གང་དང་གང་
D494.086.0232a07.01