完整藏文原文 · 德格版页 当前仅加载第 86 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་རྗེ་ཅན་དད་པ་ཆེ་བ་ཆོས་ཟབ་མོ་ལ་གནས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་ལ་མཁས་པ་སྒྱུ་རྩལ་རྣམས་ལ་མཁས་ཤིང་བཟོ་བ་གཙང་ཞིང་བག་ཡོད་པ། གསང་སྔགས་སྤྱད་པ་དག་དང་ནི། །ཕྱག་རྒྱ་དཀྱིལ་འཁོར་ལས་ལ་བསླབས། །དཀྱིལ་འཁོར་
D494.086.0244a01.01བྱ་བའི་ལས་བྱ་བར། །བླ་མ་ལས་ནི་ལུང་ཐོབ་པ། །སངས་རྒྱས་ཆོས་དང་ཚོགས་མཆོག་ལ། །གང་ཞིག་ཡིད་གཉིས་མེད་གྱུར་ཅིང་། །སེམས་ཅན་ཁམས་ནི་མ་ལུས་པ། །ཡོངས་སུ་བསྐྱབ་པའི་ཕྱིར་བརྩོན་པ། །མཁས་པ་དེས་ནི་སངས་རྒྱས་ཀྱི། །དཀྱིལ་འཁོར་དག་
D494.086.0244a02.01ནི་བྲི་བར་འོས། །མཚན་རྣམས་ཐམས་ཅད་ཡོངས་རྫོགས་བརྟན། །ཡིད་གཞུངས་པ་ལ་དཔའ་སྙིང་ཅན། །བདག་གང་སློབ་མ་རྣམས་ཀྱིའང་རུང་། །བགེགས་ནི་ཞི་བར་བྱེད་པར་ནུས། །ཡང་དག་བདེན་པའི་དོན་རྟོགས་ལ། །གང་གི་མོས་པ་རྒྱ་ཆེ་ཞིང་། །བཟོད་དང་ལྡན་
D494.086.0244a03.01ལ་ང་རྒྱལ་མེད། །རླབས་པོ་ཆེ་ཡི་ལས་བྱེད་ཅིང་། །དེ་ནི་རླབས་པོ་ཆེ་ལ་དད། །བྱང་ཆུབ་སེམས་དཔའ་སྐྱོབ་པ་དང་། །སངས་རྒྱས་རྣམས་ཀྱི་སྨོན་ལམ་དག །ཐོས་ནས་ཕྱི་ཕྱིར་དགའ་བ་དང་། །རྟག་ཏུ་མགུ་བར་འགྱུར་བ་དང་། །གསང་སྔགས་སྤྱོད་ལ་བརྩོན་པ་དང་། །
D494.086.0244a04.01བཟླས་བརྗོད་བརྗོད་ལ་གང་འབད་དང་། །གཅམ་སྒྱུ་ཐམས་ཅད་མི་སེམས་ལ། །འཇིག་རྟེན་ཆོས་ལ་མི་ལྟ་ཞིང་། །སྔགས་ལ་གཞོལ་བའི་སྔགས་པ་ནི། །ཡོན་ཏན་དེ་ལ་སོགས་ལྡན་ན། །སློབ་དཔོན་སྟོན་པས་བཀུར་བ་ཡིན། །ཡང་ན་ཆོས་རྣམས་ཐམས་ཅད་ནི། །
D494.086.0244a05.01རྣམ་པར་དབེན་ལ་གང་གནས་པ། །དེ་ཡང་སངས་རྒྱས་ཐམས་ཅད་ཀྱི། །སངས་རྒྱས་འབྱུང་བ་སྟོན་པར་འོས། །ཡང་ན་རྫོགས་པའི་སངས་རྒྱས་ཀྱིས། །བསྔགས་པའི་དམ་ཚིག་གསུམ་ཤེས་སམ། །ཉེས་པ་ཐམས་ཅད་རྣམ་སྤངས་པ། །དེ་ལ་གནས་པའི་སྔགས་
D494.086.0244a06.01པ་ནི། །ཡོན་ཏན་ཀུན་དང་མི་ལྡན་ཡང་། །དེ་ཡང་དཀྱིལ་འཁོར་འདྲི་བར་འོས། །དེ་ལྟའི་ཡོན་ཏན་ཀུན་ལྡན་ན། །ལས་ཀྱི་ཆོ་ག་མཐོང་བ་ཡིས། །འཇིག་རྟེན་པ་ཡི་དཀྱིལ་འཁོར་དང་། །འཇིག་རྟེན་འདས་ཀུན་བྱ་བར་འོས། །དེ་སློབ་དཔོན་ལ་གཞན་གྱིས་བསྐུལ་
D494.086.0244a07.01