完整藏文原文 · 德格版页 当前仅加载第 86 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
བལྟས་ཏེ་བཞིན་ཅུང་ཟད་འཛུམ་ཞིང་བཅོམ་ལྡན་འདས་ལ་ཡིད་ཀྱིས་ཞུས་པ། ཅི་ལྟར་དེ་བཞིན་གཤེགས་པ་ལགས། །ཅི་ལྟར་རྒྱལ་བ་དམ་པ་ལགས། །ཅི་ལྟར་བྱང་ཆུབ་སེམས་དཔའ་ལགས། །ཅི་ལྟར་སངས་རྒྱས་ཞེས་ཀྱང་བགྱི། །མགོན་པོ་བདག་གི་ཐེ་ཙོམ་འདི། །ཐུབ་
D494.086.0250b01.01པ་ཆེན་པོས་བསལ་དུ་གསོལ། །བྱང་ཆུབ་སེམས་དཔའ་གྲགས་ཆེན་རྣམས། །ཐེ་ཙོམ་ཡིད་གཉིས་སྤངས་ནས་སུ། །སྤྱད་པའི་རྒྱལ་པོ་ཐེག་ཆེན་ལ། །རྒྱལ་བའི་སྲས་ནི་སྤྱོད་པར་འགྱུར། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་
D494.086.0250b02.01རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། །ཁྱོད་དོན་འདི་ལྟ་བུ་འདྲི་བར་སེམས་པ་ནི་ལེགས་སོ་ལེགས་སོ། །གསང་བ་པའི་བདག་པོ་ཆོས་ཀྱི་ཚུལ་སྒྲུབ་པའི་གཞི་འདི་ལྟ་བུ་ཐོས་ནས་སྐྲག་པར་མི་འགྱུར། ཤིན་ཏུ་སྐྲག་པར་མི་འགྱུར་བའི་སེམས་ཅན་དེ་
D494.086.0250b03.01ནི་དཀོན་ནོ། །གསང་བ་པའི་བདག་པོ་རིགས་ཀྱི་བུ་དེ་དག་ནི་སངས་རྒྱས་གཅིག་ལ་བསྙེན་བཀུར་བྱས་པ་མ་ཡིན་གྱི། སངས་རྒྱས་སྟོང་ཕྲག་དུ་མ་ལ་དགེ་བའི་རྩ་བ་བསྐྲུན་པ་ཡིན་པར་རིག་པར་བྱའོ། །གསང་བ་པའི་བདག་པོ་དེ་ལྟ་བས་ན་བྱང་ཆུབ་སེམས་དཔའ་གསང་སྔགས་ཀྱི་
D494.086.0250b04.01སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་ཐོག་མ་ཉིད་དུ་ཐེག་པ་ཆེན་པོ་རྟོགས་པར་ཁོང་དུ་ཆུད་པར་བྱའོ། །དེ་ཅིའི་ཕྱིར་ཞེ་ན། གསང་བ་པའི་བདག་པོ་ཐེག་པ་ཆེན་པོ་རྟོགས་པར་ཁོང་དུ་ཆུད་པའི་བྱང་ཆུབ་སེམས་དཔའ་ནི་ཚེགས་ཆུང་ངུ་ཁོ་ནས་གསང་སྔགས་ཀྱི་སྒོ་ནས་བྱང་ཆུབ་
D494.086.0250b05.01སེམས་དཔའི་སྤྱོད་པ་སྒྲུབ་པར་འགྱུར་རོ། །འདི་ལྟར་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་འདི་ནི་མངོན་པར་ཤེས་པ་ཆེན་པོ་ཡོངས་སུ་སྦྱོང་བ་ཡིན་ནོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་
D494.086.0250b06.01བཀའ་སྩལ་པ། གསང་བ་པའི་བདག་པོ་དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུང་ཤིག་དང་ངས་ཁྱོད་ལ་བཤད་པར་བྱའོ། །དེ་སྐད་ཅེས་བཀའ་སྩལ་པ་དང་། གསང་བ་པའི་བདག་པོ་ཕྱག་ན་རྡོ་རྗེ་བཅོམ་ལྡན་འདས་ལ་ཉན་ཏོ། །དེ་ལ་བཅོམ་ལྡན་འདས་ཀྱིས་འདི་སྐད་
D494.086.0250b07.01