完整藏文原文 · 德格版页 当前仅加载第 86 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་རྣམས་ཀྱིས་བསྟན་ཏོ། །བཅོམ་ལྡན་འདས་དེ་ལྟ་ལགས་པས་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་ན་ཆོས་ཀྱི་དབྱིངས་དབྱེར་མེད་པ་རྟོགས་པར་ཁོང་དུ་ཆུད་པར་བགྱི་འཚལ་ལོ། །དེ་སྐད་ཅེས་གསོལ་པ་
D494.086.0185a01.01དང་། བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ་ལེགས་སོ་ལེགས་སོ། །གསང་བ་པའི་བདག་པོ་གང་ཁྱོད་དེ་བཞིན་གཤེགས་པ་ལ་དོན་འདི་ཡོངས་སུ་དྲི་བར་སེམས་པ་དེ་ནི་ཡང་ལེགས་སོ། །དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུང་
D494.086.0185a02.01ཤིག་དང་ངས་ཁྱོད་ལ་བཤད་དོ། །བཅོམ་ལྡན་འདས་ལེགས་སོ་ཞེས་གསོལ་ནས། གསང་བ་པའི་བདག་པོ་ཕྱག་ན་རྡོ་རྗེ་བཅོམ་ལྡན་འདས་ལ་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ་དེ་ལ་ཨ་ཞེས་བྱ་བའི་སྒྲུབ་པ་འབྱུང་
D494.086.0185a03.01སྟེ། གཙུག་ལག་ཁང་ངམ་ཕུག་གམ། གནས་གང་ཡང་རུང་སྟེ་ཡན་ལག་ཐམས་ཅད་དུ་ཨ་ཞེས་བྱ་བ་གཞག་ལ་བཟླས་བརྗོད་སུམ་འབུམ་བྱའོ། །དེ་ནས་ཟླ་བ་ཉ་བའི་ཚེ་ཅི་འབྱོར་པས་མཆོད་པ་བྱས་ལ་ཅི་སྲིད་དུ་བྱང་ཆུབ་སེམས་དཔའ་ཀུན་ཏུ་བཟང་པོའམ། འཇམ་དཔལ་ལམ། རྡོ་རྗེ་འཛིན་
D494.086.0185a04.01ཆེན་པོ་གང་ཡང་རུང་བ་ཞིག་འོངས་ཏེ། མགོ་ལ་ཉུག་གམ་ལེགས་སོ་ཞེས་ཟེར་གྱི་བར་དུ་བཟླས་བརྗོད་བྱའི། དེ་ནས་ཕྱག་བྱས་ཏེ་མཆོད་ཡོན་ཕུལ་ན་བྱང་ཆུབ་ཀྱི་སེམས་མི་བརྗེད་པའི་ཏིང་ངེ་འཛིན་ཐོབ་པར་འགྱུར་རོ། །དེ་བཞིན་དུ་སེམས་ཡང་བ་དང་། ལུས་ཡང་བ་གོམས་པར་བྱ་ཞིང་བཟླས་བརྗོད་
D494.086.0185a05.01བྱས་ན་དེའི་ལུས་རྣམ་པར་དག་པ་དང་། སེམས་རྣམ་པར་དག་པར་འགྱུར་རོ། །ཨ་ཞེས་བྱ་བ་རྣམ་པར་བཞག་སྟེ། བཟླས་བརྗོད་བྱས་ན་རྣ་བ་རྣམ་པར་དག་པར་འགྱུར་རོ། །འོན་ཏེ་སྲོག་གཟུང་བར་འདོད་ན་ཨ་ཞེས་བྱ་བ་སྲོག་དང་ལྷན་ཅིག་ཏུ་བྱས་ལ་དུས་གསུམ་དུ་བསམ་པ་བྱས་ན་ཡུན་རིང་
D494.086.0185a06.01དུ་གནས་པར་འགྱུར་རོ། །དེ་ཉིད་ཀྱི་སྟེང་དུ་ཀླད་ཀོར་གཞག་ན་གནས་པ་དང་འགྲོ་བའི་དུག་ཐམས་ཅད་འབྱིན་ཏོ། །དེ་ནས་གཟི་ཅན་དབང་དུ་བྱ་བར་འདོད་ན། ཨ་ཞེས་བྱས་པ་བདག་ཏུ་བྱས། །པ་ལས་དེ་བཞིན་མི་དབང་པོ། །གཅིག་ལ་པདྨ་གཞག་པར་བྱ། །གཞན་ལ་ཡང་ནི་དུང་བཞག་
D494.086.0185a07.01