完整藏文原文 · 德格版页 当前仅加载第 86 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་རི་མོ་གྲུ་བཞི་པ་གསུམ་གྱིས་བསྐོར་ལ། དཀྱིལ་འཁོར་དུ་ལྷ་རྣམས་དགོད་པ་སྔ་མ་བཞིན་དུ་བྱའོ། །དེ་ལ་ཁྱད་པར་ནི་འདི་ཡོད་དེ། འཕགས་པ་ནམ་མཁའི་སྙིང་པོའི་གནས་སུ་ཀུན་དུ་བཟང་པོ་རིན་པོ་ཆེའི་རྒྱལ་མཚན་གྱི་ཕྱག་རྒྱ་ཡི་གེ་ས་དང་བཅས་པ་གཞག་གོ། །ས །མཛོད་སྤུའི་
D494.086.0234b01.01གནས་སུ་འཕགས་པ་རྨུགས་འཛིན་ཤིང་ཏོག་པཱི་ཛ་པུ་རའི་ཕྱག་རྒྱ་དང་ཡི་གེ་ཛཾ་བདུད་རྩིའི་མཚན་ཉིད་ཅན་དང་བཅས་པར་གཞག་གོ །ཛྃ། འཕགས་མ་ཁྲོ་གཉེར་ཅན་གྱི་གནས་སུ་གྲགས་ལྡན་མ་མེ་ཏོག་པྲི་ཡང་ཀུའི་ཕྱག་རྒྱ་ཡི་གེ་ཡ་དང་བཅས་པར་གཞག་གོ། །ཡ། འཕགས་མ་གོས་དཀར་ཅན་
D494.086.0234b02.01གྱི་གནས་སུ་ནི་དཔལ་ཆེན་མོ་འཕགས་མ་དཀར་མོ་ཞེས་བྱ་བ་པདྨའི་ཕྱག་རྒྱ་དང་ཡི་གེའི་འབྲུར་གཞག་གོ །ཤྲཱི། འཕགས་པ་གནོད་མཛེས་ཀྱི་གནས་སུ་ནི་དཔུང་བཟང་རྡོ་རྗེའི་ཕྱག་རྒྱ་དང་ཡི་གེའི་འབྲུར་གཞག་གོ །ཧཱུྃ། བདུད་རྩི་ཐབ་སྦྱོར་གྱི་གནས་སུ་ནི་རྡོ་རྗེའི་སྡེ་རྡོ་རྗེའི་ཕྱག་རྒྱ་
D494.086.0234b03.01དང་ཡི་གེའི་འབྲུར་གཞག་གོ །ས། གནས་གཙང་མ་པ་རྣམས་ཀྱི་གནས་སུ་ནི་བརྒྱ་བྱིན་དང་འཇིག་རྟེན་སྐྱོང་བ་བཞི་དགོད་དོ། །དེ་ནས་ཕྱི་རོལ་གྱི་རི་མོ་གཉིས་ཀྱི་ནང་ལོགས་ཁོ་ར་ཁོར་ཡུག་དང་གྲྭ་ཐམས་ཅད་དུ་རྡོ་རྗེ་བྲིའོ། །དེ་ནས་དཀྱིལ་འཁོར་གྱི་གཡས་ལོགས་འཁོར་སའི་ནང་དུ་མེའི་
D494.086.0234b04.01ཐབ་ཁུང་བྱ་བ་ནི། གྲུ་བཞི་ལྷམ་པ་ཁ་རན་ཅན། །རྒྱར་ནི་ཁྲུ་དོའི་ཚད་དུ་བྱ། །རྡོ་རྗེ་ཡིས་ནི་འཁོར་བར་བསྐོར། །ཟབས་སུ་ཁྲུ་གང་ཙམ་གྱི་ཚད། །ཁ་རན་མཐེའུ་ཆུང་མཐོ་གང་ཚད། །འཇིམ་པ་སེར་པོའི་སྐྱོང་ནུལ་བསྐུ། །པདྨའི་ཕྱག་རྒྱ་མཛུབ་གང་ཚད། །འཕང་དུ་སོར་བཞིའི་
D494.086.0234b05.01ཚད་དུ་བྱ། །དུས་གསུམ་དུ་བ་ལང་གི་ལྕི་བ་ས་ལ་མ་ལྷུང་བས་བསྐུའོ། །དེ་ནས་སྔ་མ་བཞིན་དུ་དཀྱིལ་འཁོར་གྱི་བདག་པོའི་ལྷ་ལ་སོགས་པ་རྣམ་པ་དང་། མཚན་མ་ཅི་ལྟ་བ་བཞིན་དུ་བསམས་ཏེ། བྱུག་སྤོས་དང་མེ་ཏོག་ལ་སོགས་པས་མཆོད་པར་བྱའོ། །དེ་ལ་ཁྱད་པར་ནི་འདི་
D494.086.0234b06.01ཡོད་དེ་གང་གི་ཚེ་བཅོམ་ལྡན་འདས་རྣམ་པར་སྣང་མཛད་གནས་སུ་བཞུགས་སུ་གསོལ་བ་དང་། བྱུག་སྤོས་དང་མེ་ཏོག་ལ་སོགས་པས་མཆོད་པ་བྱེད་པ་དེའི་ཚེ། བདག་ཉིད་རྡོ་རྗེ་དམ་པ་སྦྱིན་དུ་བྱིན་གྱིས་བརླབས་ཏེ་བྱའོ། །འདིར་བྱུག་སྤོས་དང་། མེ་ཏོག་ལ་སོགས་པའི་
D494.086.0234b07.01