完整藏文原文 · 德格版页 当前仅加载第 86 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དུ་ལྷུང་བར་གྱུར་པ་ནི། །དེ་བཞིན་དེ་ལས་གྲུབ་པར་འགྱུར། །ཤེས་རབ་ཕ་རོལ་ཕྱིན་ལ་སོགས། །མདོ་སྡེའི་ཆོས་ནི་ཉན་དུ་གཞུག །སློབ་མ་སྐྱོ་བར་བྱ་བའི་ཕྱིར། །ཆོས་གཏམ་ཤིན་ཏུ་བཟང་པོ་བྱ། །གལ་ཏེ་རྨི་ལམ་བཟང་པོའམ། །ངན་པ་
D494.086.0246a01.01དག་ནི་མཐོང་གྱུར་ན། །བདག་གི་སྐལ་བ་བརྟག་པའི་ཕྱིར། །བླ་མ་ལ་ནི་དེ་དག་བསྙད། །མཆོད་རྟེན་ཀུན་དགའ་གཙུག་ལག་ཁང་། །གླེགས་བམ་དང་ནི་ལྷ་རྣམས་དང་། །ཡིད་བཞིན་ནོར་བུ་རིན་ཆེན་གོས། །ཡང་ན་མེ་ཏོག་འབྲས་བུ་རྙེད། །རལ་གྲི་འཁོར་ལོ་
D494.086.0246a02.01པི་བང་དང་། །གྲུབ་པའི་རྫས་ནི་སྣ་ཚོགས་རྣམས། །གང་གིས་རྨི་ལམ་ཐོབ་གྱུར་རྨིས། །དེ་ཡི་དངོས་གྲུབ་ཡིད་བཞིན་འགྱུར། །ཉི་ཟླ་མེ་དང་མཚོན་དག་གམ། །དེ་བཞིན་རྒྱ་མཚོ་རྒལ་བ་དང་། །གླང་པོ་ཆེ་དག་ཞོན་མཐོང་བ། །དེ་ནི་དངོས་གྲུབ་འཐོབ་མི་དཀའ། །
D494.086.0246a03.01དེ་ལ་སོགས་པའི་རྨི་ལམ་ནི། །བཟང་པོས་འགྲུབ་པ་དམ་པ་བརྟག །རྨི་ལམ་བཟློག་པ་མི་བཟད་པ། །འཇིགས་པ་མཐོང་ན་མི་འགྲུབ་པོ། །བོང་བུ་རྔ་མོང་ཁྱི་དང་ནི། །ཆུ་བྱ་སྟག་དང་བྱི་ལ་ཝ། །མི་ནི་འབྲུ་མར་ལུས་བསྐུས་དང་། །གཅེར་བུ་རྩུབ་ལ་མི་སྡུག་
D494.086.0246a04.01པ། །དེ་ལ་སོགས་པའི་རྨི་ངན་རྣམས། །བློ་ལྡན་མི་ཡིས་སྤང་བར་བྱ། །ཡང་ན་དངོས་རྣམས་རྨི་ལམ་དང་། །དྲི་ཟའི་གྲོང་ཁྱེར་བཞིན་ཤེས་ནས། །བློ་དང་ལྡན་པས་རྨི་ལམ་རྣམས། །སྙིང་པོ་མེད་པར་བཤད་པར་བྱ། །དེ་ནས་བཅོམ་ལྡན་འདས་ལ་ཕྱག་ན་
D494.086.0246a05.01རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས། འདི་ལྟ་བུའི་ཆོས་རྣམས་ལ་དང་པོ་ཉིད་ནས་བློ་བརྟན་པར་འགྱུར་བ་དེའི་རྒྱུ་ནི་གང་རྐྱེན་ནི་གང་ལགས། བཅོམ་
D494.086.0246a06.01ལྡན་འདས་ཀྱིས་བཀའ་སྩལ་པ། འདི་ལྟར་རིགས་ཀྱི་བུ་དེ་དག་ནི་སྙིང་རྗེ་ཆེན་པོ་དང་ལྡན་ཞིང་ཆོས་ཐམས་ཅད་ཤིན་ཏུ་ཡོངས་སུ་མྱ་ངན་ལས་འདས་པར་ལྟ་ལ། སོ་སོའི་སྐྱེ་བོ་རྣམས་ཀྱི་མཚན་ཉིད་ཀྱང་ཕྱིན་ཅི་ལོག་ཅིང་མཚན་ཉིད་དང་བྲལ་བ་གཅིག་ཏུ་ཤེས་ཏེ་དེས་ན་
D494.086.0246a07.01