完整藏文原文 · 德格版页 当前仅加载第 86 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གནས། །བདག་གི་དེ་ཉིད་བསྐྱེད་ནས་ནི། །རྟག་ཏུ་ཐེ་ཚོམ་མེད་པའི་ཡིད། །གང་ཚེ་རྟག་ཏུ་མཉམ་བཞག་པ། །དེ་ཚེ་བརྟུལ་ཞུགས་སྤྱད་པ་ཡིན། །བྱང་ཆུབ་སེམས་དང་ཆོས་རྣམས་དང་། །བསླབ་དང་ལས་དང་འབྲས་བུ་གང་། །མཚན་ཉིད་གཅིག་ཏུ་ལྡན་
D494.086.0216a01.01འགྱུར་ཅིང་། །ལས་དང་བྱ་བ་རྣམ་སྤངས་པའི། །ཚུལ་ཁྲིམས་སངས་རྒྱས་བཞིན་ཞེས་བྱ། །ཚུལ་ཁྲིམས་ལྡན་ཞེས་གཞན་མི་བྱ། །ཆོས་རྣམས་ཀུན་ལ་དབང་ཐོབ་ཅིང་། །སེམས་ཅན་དོན་རྟོགས་ཁོང་དུ་ཆུད། །གསེར་དང་བོང་རྡོ་མཉམ་གྱུར་ན། །དེ་ནི་མྱུར་དུ་མ་ཆགས་སྤྱོད། །
D494.086.0216a02.01གསང་སྔགས་ཀྱི་ནི་གྲངས་དག་ལས། །འབུམ་གྲངས་ཅི་སྙེད་བསྟན་གྱུར་པ། །དུས་ནི་དེ་སྲིད་ལོན་གྱུར་ན། །བརྟུལ་ཞུགས་ཡོངས་སུ་རྫོགས་པར་འགྱུར། །དབང་ཆེན་གྱི་ནི་དངོས་པོ་ཡིས། །དབང་ཆེན་དཀྱིལ་འཁོར་ལ་གནས་ཏེ། །རྡོ་རྗེ་ཅན་གྱི་རྒྱ་བཅིངས་ལ། །ཟས་སུ་རྟག་ཏུ་འོ་
D494.086.0216a03.01མ་འཐུང་། །སྲོག་དང་རྩོལ་བ་རབ་བསྡམས་ནས། །སྔགས་པས་ཟླ་བ་གཅིག་ཏུ་བཟླས། །དེ་ནས་ཟླ་བ་གཉིས་པ་ལ། །ཆུ་ཡི་དཀྱིལ་འཁོར་དང་ལྡན་པར། །པདྨའི་ཕྱག་རྒྱ་བཅིངས་ནས་སུ། །དེ་ཚེ་ཟས་སུ་ཆུ་བཏུང་ངོ་། །དེ་ནས་ཟླ་བ་གསུམ་པ་ལ། །མེ་ཡི་ངོས་ལ་གཞོལ་བྱས་ཏེ། །
D494.086.0216a04.01མ་བླངས་པ་ཡི་ཟས་ཟ་ཞིང་། །རལ་གྲི་ཕྱག་རྒྱ་དང་ལྡན་པས། །ལུས་དང་ངག་ཡིད་ལས་བྱུང་བའི། །སྡིག་པ་ཐམས་ཅད་བསྲེག་པར་བྱ། །བཞི་ལ་རླུང་དང་ལྡན་བྱས་ཏེ། །ཟས་སུ་རྟག་ཏུ་རླུང་བཟའོ། །དེ་ནས་འཁོར་ལོའི་ཕྱག་རྒྱ་བཅིང་། །མཉམ་པར་གཞག་སྟེ་གསང་སྔགས་
D494.086.0216a05.01བཟླས། །དབང་ཆེན་དང་ནི་ཆུའི་ངོས་ལ། །རྣལ་འབྱོར་གཞོལ་བ་འདུག་ནས་སུ། །ཟླ་བ་ཡར་གྱི་ངོ་ལ་ནི། །དེ་ནས་ཟླ་བ་ལྔ་པ་ལ། །རྙེད་དང་མ་རྙེད་རྣམ་སྤངས་ཏེ། །སྔགས་པ་ཀུན་ཏུ་ཆགས་མེད་ན། །རྫོགས་པའི་སངས་རྒྱས་བཞིན་དུ་འགྱུར། །རླུང་དང་མེར་ནི་ལྡན་བྱས་ནས། །
D494.086.0216a06.01ཉེས་པ་ཀུན་དང་རྣམ་བྲལ་ཞིང་། །རྙེད་དང་མ་རྙེད་རྣམ་སྤངས་ཏེ། །ཟླ་བ་གཞན་ལ་བཟླས་བརྗོད་བྱ། །བརྒྱ་བྱིན་ཚངས་ལ་སོགས་པའི་ལྷ། །ཤ་ཟ་ལྟོ་འཕྱེ་སྲིན་པོ་རྣམས། །རྒྱང་རིང་ནས་ནི་ཕྱག་འཚལ་ཞིང་། །ཐམས་ཅད་སྲུང་བའང་བྱེད་པར་འགྱུར། །དེ་དག་ཐམས་ཅད་བཀའ་ཉན་
D494.086.0216a07.01