完整藏文原文 · 德格版页 当前仅加载第 86 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཞིག་ཆོ་ག་འདི་ཡིས་སུ། །ཆོ་ག་ཤེས་པས་ལས་བརྩམས་ན། །གཟི་བརྗིད་ཅན་ནམ་དེ་ཡི་བུ། །ཟླ་བ་གཅིག་གིས་དབང་དུ་འགྱུར། །སྦྱིན་སྲེག་ཟླ་བ་གཉིས་བྱས་ན། །ཕྱག་བརྙན་ཕོ་མོས་གནོད་སྦྱིན་མ། །དེ་བཞིན་ས་འོག་བུ་མོ་དག །སྔགས་པས་མྱུར་དུ་ཁུགས་
D494.086.0237b01.01པར་འགྱུར། །འདི་ནི་རེ་ཞིག་མདོར་བསྡུས་ཏེ། །དབང་གི་སྦྱིན་སྲེག་བསྒྲགས་པ་ཡིན། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། དབང་དུ་བྱ་བའི་སྦྱིན་སྲེག་གི་ཆོ་ག་རིམ་པར་ཕྱེ་བའོ།། །།ད་ནི་དྲག་
D494.086.0237b02.01ཤུལ་སྤྱོད་པ་ཡི། །ཆོ་ག་མ་ལུས་བཤད་པར་བྱ། །གནོད་སྦྱིན་ལྟོ་འཕྱེ་{ཡི་དགས་,ཡི་དྭགས་}གཏུམ། །ལྷ་མིན་དྲི་ཟ་མི་འམ་ཅི། །སེམས་ཅན་གནོད་དགའ་སྡང་བ་དང་། །དེ་བཞིན་བགེགས་དང་ལོག་འདྲེན་དང་། །འབྱུང་པོ་མ་མོ་སྲིན་པོ་དང་། །མཁའ་འགྲོ་དང་ནི་ལུས་སྲུལ་
D494.086.0237b03.01དང་། །མི་ཡང་རྒྱགས་དྲེགས་མཐུ་ལྡན་ཞིང་། །དྲག་པོའི་ལས་བྱེད་སྡང་བའང་རུང་། །དེ་དག་འདུལ་ཕྱིར་སྔགས་ཤེས་པས། །དྲག་ཤུལ་ལས་ནི་བརྩམ་པར་བྱ། །ཉེས་པ་ཆུང་ངུ་དག་ལ་ནི། །དྲག་པོའི་ཆོ་ག་མི་བརྩམ་མོ། །གྲོང་གི་ལྷོ་ཡི་ཕྱོགས་སུ་ནི། །སྡོམ་བརྩོན་
D494.086.0237b04.01ས་གཞི་ནག་པོ་ལ། །དུར་ཁྲོད་དབེན་པའང་དགོན་པ་འམ། །སྐྱེད་མོས་ཚལ་རྙིང་ཞི་གནས་སུ། །མར་གྱི་ངོ་ཡི་ཚེས་བརྒྱད་དམ། །ཡང་ན་ཚེས་ནི་བཅུ་བཞི་ལ། །གཟའ་ནི་སྤེན་པ་མིག་དམར་དང་། །རྒྱུ་སྐར་རླུང་ལས་བྱུང་བ་དང་། །མེ་བཞི་དང་ནི་ནག་པ་དང་། །ཐ་
D494.086.0237b05.01སྐར་དང་ནི་དེ་བཞིན་དབོ། །ནབ་སོ་དང་ནི་ས་རི་དང་། །རྒྱུ་སྐར་དེ་དག་དྲག་པོ་སྟེ། །དེ་དག་གང་ཡང་རུང་བ་ལ། །སྔགས་པ་གཤིན་རྗེ་བཞིན་ཁྲོས་པས། །དགྲ་ཡི་སྲོག་ནི་གཅོད་བྱེད་པའི། །དཀྱིལ་འཁོར་འཇིགས་པ་བྲི་བར་བྱ། །སྔགས་པ་བདག་ཉིད་རང་གི་
D494.086.0237b06.01རྒྱས། །རྡོ་རྗེ་སེམས་དཔར་བྱིན་བརླབས་ཏེ། །སྔགས་ལ་འཇིགས་པ་མེད་པ་ཡིས། །ས་གཞི་སྔ་མ་བཞིན་དུ་སྦྱང་། །དེ་ནས་མི་གཡོ་མཐུ་ཆེན་གྱིས། །ཡོངས་སུ་གཟུང་ལ་སོགས་བྱས་ནས། །རང་གི་ཡི་གེའི་ཕྱག་རྒྱ་ཡིས། །དེ་ནས་རྣམ་སྣང་མཛད་དུ་བྱ། །
D494.086.0237b07.01