完整藏文原文 · 德格版页 当前仅加载第 86 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
ཡན་ལག་གཅད་པ་དང་དགར་བ་དང་སྡང་བར་བྱ་བ་དང་གསད་པ་དང་བསྐམ་པ་ལ་སོགས་པ་མདོར་ན་སེམས་ཅན་རྣམས་ཀྱི་ལུས་ལ་གནོད་པར་བྱ་བ་གང་ཡང་རུང་སྟེ། དེ་དག་ཐམས་ཅད་ནི་དྲག་ཤུལ་སྤྱོད་པ་ཡིན་ནོ་ཞེས་རིག་སྔགས་འཆང་རྣམས་སྨྲའོ། །
D494.086.0230a01.01སྦྱིན་སྲེག་ཚིམ་བྱེད་ལས་རྣམས་ཀྱིས། །གསང་སྔགས་དངོས་གྲུབ་མྱུར་དུ་སྟེར། །ལྷ་རྣམས་ཐམས་ཅད་བྱིན་རློབ་ཅིང་། །དམ་པ་དག་ཀྱང་སྦྱིན་པར་བྱེད། །ཉུང་ངམ་མ་འབྱོར་ཆོ་ག་ཉམས། །ཡི་གེ་གུག་སྐྱེད་ལྷག་གམ་ཆད། །མནན་ཏམ་བགེགས་ཀྱིས་ཟིན་པ་གང་། །
D494.086.0230a02.01དེ་དག་ཐམས་ཅད་སྦྱོང་བར་བྱེད། །སྦྱིན་སྲེག་མེད་པར་ལས་རྣམས་ལས། །དངོས་གྲུབ་པར་ཡང་མི་འགྱུར་རོ། །དེ་ཉིད་ཕྱིར་ན་སྦྱིན་སྲེག་གི། །ལས་ངེས་པ་ལ་བརྩོན་པར་བྱ། །ཞི་བ་དང་རྒྱས་པ་དང་དབང་དུ་བྱ་བ་དང་། དྲག་ཤུལ་སྤྱད་པའི་བྱེ་བྲག་ལས་སྦྱིན་སྲེག་གི་བྱེ་
D494.086.0230a03.01བྲག་དབྱེ་བར་བྱའོ། །དེ་ལ་རེ་ཞིག་ཞི་བའི་ལས་ཀྱི་སྦྱིན་སྲེག་ངེས་པ་ནི། གྲོང་གི་བྱང་ཕྱོགས་སུ་རྒྱང་གྲགས་གཅིག་ཙམ་དུ་སོང་ལ། ས་གཞི་ལེགས་པར་བརྟག་པར་བྱ་སྟེ། ཆུ་བོ་གང་གཱའི་ངོས་སམ། པདྨའི་མཚོ་འགྲམ་མམ། འབབ་ཆུའི་འགྲམ་མམ། མཚོ་གླིང་དུ་ཡང་རུང་
D494.086.0230a04.01ས་གཞི་ཁ་དོག་དཀར་པོ་ལ་བདག་ཉིད་རྡོ་རྗེ་སེམས་དཔར་བྱིན་གྱིས་བརླབས་ཏེ་ས་ལ་བསྐུལ་བ་དང་སྦྱང་བ་ལ་སོགས་པ་བྱས་ལ། ཟླ་བ་ཡར་གྱི་ངོའི་ཚེས་ལྔའམ། བཞི་འམ། བཅུ་འམ། ཟླ་བ་ཉ་ལ་དཀྱིལ་འཁོར་བརྩམ་པ་འདི་ལྟར་བྱའོ། །ཁྲུམས་སྨད་དང་གྲེ་དང་སྐག་དང་།
D494.086.0230a05.01མཆུ་ནི་ཞི་བའི་རྒྱུ་སྐར་ཡིན་པར་བཤད་དོ། །གཟའ་ཟླ་བ་དང་། པ་བ་སངས་དབང་བ་ལ་དང་པོར་ལས་བརྩམ་པར་བྱའོ། །དེ་ནས་བདག་ཉིད་སྤྱན་རས་གཟིགས་དབང་ཕྱུག་གི་སྐུར་བསྒྱུར་ལ། བཅོམ་ལྡན་འདས་རྣམ་པར་སྣང་མཛད་རལ་གྲིའི་ཕྱག་རྒྱའམ་ཡི་གེ་ཨ་ཞེས་བྱ་བའི་
D494.086.0230a06.01འབྲུར་པདྨ་ལ་གཞག་གོ། །ཨ། དེ་ནས་བྱང་ཕྱོགས་སུ་སངས་རྒྱས་ཐམས་ཅད་ཀྱི་ཕྱག་རྒྱ་གྲུ་གསུམ་པོའམ། ཡི་གེའི་འབྲུ་པདྨོའི་སྟེང་དུ་གཞག་གོ། །ཨྃ། སངས་རྒྱས་རྣམས་ཀྱི་ནུབ་ཕྱོགས་སུ་ནམ་མཁའི་སྙིང་པོ་རལ་གྲིའི་ཕྱག་རྒྱའམ་ཡི་གེའི་འབྲུར་གཞག་གོ །ཨཱི། ནམ་
D494.086.0230a07.01