完整藏文原文 · 德格版页 当前仅加载第 86 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྟེ། །ཆུ་ཡི་དཀྱིལ་འཁོར་རྡོ་རྗེས་མཚན། །གཉེར་བའི་ལག་པ་མེ་ཡི་སྟེ། །དྲང་སྲོང་རྣམས་དང་བཅས་པར་བྲི། །འོད་སྲུང་དང་ནི་གཽ་ཏ་མ། །མརྐྐ་ཎ་དང་གརྒྒ་དང་། །བསིསྠ་དང་ཨངྒི་རས། །མེ་ཡི་གནས་ཀྱི་ནང་ན་འདུག །རིག་བྱེད་ལག་པར་ནན་ཏན་དུ། །དེ་དག་{གོ་རིམས་,གོ་རིམ་}
D494.086.0211b01.01བཞིན་དུ་བྲི། །གཤིན་རྗེའི་བེ་ཅོན་བྲི་བ་ནི། །རླུང་གི་དཀྱིལ་འཁོར་ནང་ན་འདུག །འཆི་བདག་གི་ནི་དྲིལ་བུ་ཡིན། །དུས་མཚན་ཕྱག་རྒྱ་བ་དན་ནོ། །དྲག་པོའི་ཆུང་མའི་མདུང་རྩེ་གསུམ། །ཚངས་པའི་ཆུང་མའི་པདྨར་དྲན། །གཞོན་ནུའི་ཆུང་མའི་མདུང་ཐུང་ཡིན། །ཁྱབ་འཇུག་ཆུང་
D494.086.0211b02.01མའི་འཁོར་ལོ་ཉིད། །གཤིན་རྗེའི་ཆུང་མའི་ཐོ་བར་ཤེས། །འཇིགས་བྱེད་ཆུང་མའི་མི་ཐོད་ཡིན། །དེ་དག་རླུང་གི་དཀྱིལ་འཁོར་གྱི། །ནང་དུ་ཆུད་པར་བྱ་བ་ནི། །བྱ་རྒོད་བྱ་རོག་དེ་བཞིན་ཁྱི། །ཝ་རྣམས་ཀྱིས་ཀྱང་ཡོངས་བསྐོར་བར། །ལས་རྣམས་གྲུབ་པར་འདོད་པ་ཡིས། །ཅི་
D494.086.0211b03.01ལྟར་རིགས་པར་བྲི་བར་བྱ། །བདེན་བྲལ་གྱི་ནི་རལ་གྲིར་བྲི། །ཁྱབ་འཇུག་གི་ནི་འཁོར་ལོར་བྱ། །སྐེམ་བྱེད་ཀྱི་ནི་མདུང་ཐུང་ཡིན། །དགའ་བོ་ཉེ་དགའ་གཉིས་ཀྱི་སྤྲིན། །གཉིས་ཀའི་གློག་དང་བཅས་པར་ཏེ། །གཟུགས་ནི་མདོག་སྔོ་ཆུ་དང་བཅས། །ཤཱཀྱ་སེང་གེའི་དཀྱིལ་འཁོར་
D494.086.0211b04.01གྱི། །སྒོ་ཡི་ཕྱོགས་ནི་གཉིས་སུ་དགོད། །བདེ་བྱེད་ཀྱི་ནི་མདུང་རྩེ་གསུམ། །དཀའ་ཟློག་རྩེ་གསུམ་གདེངས་པོར་བཤད། །བུམ་པ་དཀར་པོ་པདྨར་བཅས། །ཟླ་བའི་ཕྱག་རྒྱ་ཡིན་པར་དྲན། །ཉི་མའི་དབང་ཆེན་དཀྱིལ་འཁོར་ལ། །གནས་པའི་ཤིང་རྟ་ཡིན་ཞེས་བྱ། །རྒྱལ་
D494.086.0211b05.01དང་རྣམ་པར་རྒྱལ་བ་ཡི། །དབང་ཆེན་མཚན་མའི་གཞུ་ཅན་ནོ། །རླུང་གི་ཕྱོགས་སུ་རླུང་རྣམས་ཀྱི། །བ་དན་ཕྱག་རྒྱ་བྲི་བར་བྱ། །དབྱངས་ཅན་གྱི་ནི་པི་བང་ཡིན། །ཆུ་ནི་ཞགས་པ་འཛིན་པར་བྲི། །བདག་ཉིད་ཆེན་པོ་དེའི་དཀྱིལ་འཁོར། །ཆུ་ཡི་ཡིན་པར་ཤེས་པར་བྱ། །ས་བོན་
D494.086.0211b06.01རྣམས་ཀྱིས་བཏབ་པ་དང་། །མཚན་མ་རྣམས་ཀྱིས་མཚན་པར་བྱའོ། །ཤཱཀྱ་ཏོག་གི་དཀྱིལ་འཁོར་དུ། །དེ་ལ་སོགས་པའི་མཚན་རྣམས་ཀྱིས། །དཀྱིལ་འཁོར་རྣམས་ནི་{གོ་རིམས་,གོ་རིམ་}བཞིན། །དེ་དབུས་ཕྱག་རྒྱ་གཞག་པ་ནི། །ས་བོན་རྣམས་དང་བཅས་པར་བྱ། །གཞན་ཡང་
D494.086.0211b07.01