完整藏文原文 · 德格版页 当前仅加载第 86 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུགས་དང་ཅོད་པན་ཅན། ལག་ན་ཡིད་བཞིན་གྱི་ནོར་བུ་ཐོགས་པ་དེའི་ཕྱག་རྒྱའམ་ཡི་གེར་བྲིའོ། །དེ་ལ་ཡི་གེའི་འབྲུ་ནི་འདིའོ། །ཨཱ། དེ་ནས་བྱང་ཕྱོགས་སུ་བྱང་ཆུབ་སེམས་དཔའ་སའི་སྙིང་པོ་ཞེས་བྱ་བ་སྐུ་མདོག་ལྗང་གུ། ལག་ན་པདྨ་ཐོགས་པ། རྒྱན་ཐམས་ཅད་ཀྱིས་
D494.086.0194b01.01བརྒྱན་པ། དེའི་ཕྱག་རྒྱའམ་ཡི་གེར་བྲིའོ། །དེ་ལ་ཡི་གེ་ནི་འདིའོ། །ཨི། ནུབ་ཕྱོགས་སུ་བྱང་ཆུབ་སེམས་དཔའ་ནམ་མཁའི་སྙིང་པོ་ཞེས་བྱ་བ་རྣམ་པ་ཐམས་ཅད་ཀྱི་མཆོག་དང་ལྡན་པ། གོས་དཀར་པོ་གྱོན་པ་འབར་བ་དང་བཅས་པ། ལག་ན་རལ་གྲི་ཐོགས་པ་དེའི་ཕྱག་རྒྱའམ་ཡི་
D494.086.0194b02.01གེར་བྲིའོ། །དེ་ལ་ཡི་གེའི་འབྲུ་ནི་འདིའོ། །ཨཱི། ཆོས་ཀྱི་དབྱིངས་ལ་གཞོལ་བ་ཡི། །སྔགས་པ་དེ་ནས་འདུག་ནས་སུ། །ཆོས་ཀྱི་དབྱིངས་ཀྱི་རང་བཞིན་གྱི། །བྱང་ཆུབ་སེམས་སུ་གྱུར་པའི་ཡིད། །ཤར་ཕྱོགས་ཁ་བལྟས་གནས་ནས་ནི། །རྡོ་རྗེ་ཅན་གྱི་རྒྱ་བཅིངས་ནས། །དེ་ནས་
D494.086.0194b03.01ལས་ཀྱི་རྡོ་རྗེར་གྱུར། །ནན་ཏན་དུ་ནི་མཆོད་པ་བྱ། །ཀུན་ཏུ་ཁྱབ་པའི་ཡིད་ཀྱིས་སུ། །སངས་རྒྱས་སྐྱོབ་པ་ཐམས་ཅད་ཀྱི། །དམ་ཚིག་ཅེས་བྱའི་རྒྱ་བསྟན་ནས། །གསང་སྔགས་ལན་གསུམ་བཟླས་པར་བྱ། །སློབ་མ་གཙང་མ་ཆོ་ག་བཞིན། །བོས་ཏེ་དཀྱིལ་འཁོར་མདུན་དུ་ནི། །དེ་
D494.086.0194b04.01དག་གསུམ་ལ་སྐྱབས་སུ་བཏང་། །དེ་ནས་བྱང་ཆུབ་སེམས་ཀྱང་བསྐྱེད། །ཆོས་ཀྱི་དབྱིངས་ཀྱི་རང་བཞིན་གྱི། །ཕྱག་རྒྱ་དེ་དག་ཀུན་ལ་བཅིང་། །དེ་ནས་ཆོས་ཀྱི་འཁོར་ལོའི་བཅིང་། །ཡིད་ཀྱིས་དེ་ཡི་གཟུགས་བསྒྱུར་ཏེ། །རས་ཀྱིས་གདོང་པ་བཀབ་ནས་སུ། །སྙིང་རྗེར་གྱུར་པའི་ཡིད་
D494.086.0194b05.01ཀྱིས་སུ། །བྱང་ཆུབ་ཚོགས་ནི་རྫོགས་བྱའི་ཕྱིར། །ལག་པ་སྟོང་པར་མི་བྱའོ། །དམ་ཚིག་གི་ནི་དམ་པ་འདི། །དེ་དག་ཀུན་གྱི་རྣ་བར་བསྒྲགས། །སངས་རྒྱས་རྣམས་ཀྱི་དམ་ཚིག་ནི། །དེ་ནས་དེ་ལ་བདག་གིས་བཅིང་། །བྱང་ཆུབ་སེམས་གྱུར་ཡིད་ཀྱིས་སུ། །དེ་ནས་མེ་ཏོག་
D494.086.0194b06.01འདོར་དུ་གཞུག །མེ་ཏོག་གང་དུ་བབ་གྱུར་པ། །དེ་ནི་སྔགས་པས་དེ་ལ་སྦྱིན། །ལུས་ཅན་ཀུན་ལ་དམ་ཚིག་ཕྱིར། །ཆོ་ག་དེ་ལྟར་རབ་ཏུ་བྱ། །དེ་ནས་དཔལ་ལྡན་རྡོ་རྗེ་འཛིན། །གཙོ་བོ་དེ་ལ་ཡང་ཞུས་པ། །མགོན་པོ་སྨྲ་བའི་མཆོག་གྱུར་པས། །དབང་བསྐུར་བ་ཡི་ཆོ་ག་གསུངས། །
D494.086.0194b07.01