完整藏文原文 · 德格版页 当前仅加载第 86 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ཆེན་པོ་མངོན་པར་རྟོགས་པ་ལས་ཡོངས་སུ་ཉམས་པར་ཡང་མི་འགྱུར་རོ། །དེ་ནས་ཡང་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་གསོལ་བ་བཏབ་པ། བཅོམ་ལྡན་འདས་གསང་བ་ཆེན་པོའི་སྙིང་པོའི་དཀྱིལ་འཁོར་བཤད་དུ་གསོལ། དེ་ནི་སྐྱེ་
D494.086.0251b01.01བོ་མང་པོ་ལ་ཕན་པ་དང་བདེ་བར་འགྱུར་ལགས་སོ། །དེ་སྐད་ཅེས་གསོལ་པ་དེང་། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ་དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུང་ཤིག་དང་ངས་ཁྱོད་
D494.086.0251b02.01ལ་གསང་བའི་སྙིང་པོའི་དཀྱིལ་འཁོར་བཤམ་པ་བཤད་པར་བྱའོ། །དེ་ལ་རེ་ཞིག་སློབ་དཔོན་དམ་ཚིག་གསུམ་རྣམ་པར་དབྱེ་བ་ལ་མཁས་ཤིང་བདག་ཀྱང་དམ་ཚིག་གསུམ་ལ་གནས་པ་ཡིན་ནོ། །གསང་བ་པའི་བདག་པོ། །དེ་ལ་དམ་ཚིག་གསུམ་པོ་དེ་གང་ཞེ་ན་ཆོས་ཀྱི་ཁྱད་
D494.086.0251b03.01པར་གསུམ་སྟེ་ཆོས་ཀྱི་ཁྱད་པར་གང་ལ་དུས་གསུམ་དུ་གཏོགས་པའི་དུས་ན་སྒྲིབ་པ་མེད་པའི་ཚུལ་གྱིས་འཇུག་པ་དེ་ནི་དམ་ཚིག་གསུམ་ཞེས་བྱའོ། །གསང་བ་པའི་བདག་པོ་ཆོས་ཀྱི་ཁྱད་པར་དེ་ཡང་གང་ཞེ་ན། གསང་བ་པའི་བདག་པོ་སེམས་ནི་ཆོས་ཀྱི་ཁྱད་པར་ཏེ། གསང་
D494.086.0251b04.01བ་པའི་བདག་པོ་དེ་ལ་སེམས་ཀྱི་རྣམ་པར་རྟོག་པ་ཐམས་ཅད་མེད་པ་ཡོངས་སུ་ཤེས་པའི་གང་ཡིན་པ་དེ་ནི་རྫོགས་པའི་སངས་རྒྱས་མཐོང་བའོ། །འདིའི་ཆོས་ཀྱི་དབྱིངས་རྟོགས་པའི་རང་རིག་པའི་རྣམ་པ་གང་ཡིན་པ་དེ་ནི་དེ་བཞིན་གཤེགས་པའི་མཚན་ཉིད་ཡིན་ནོ། །གང་ལུས་
D494.086.0251b05.01དང་ངག་དང་ཡིད་འཇུག་པ་དེ་ནི་སྤྲུལ་པའི་མཚན་ཉིད་ཡིན་ནོ། །གསང་བ་པའི་བདག་པོ་དེ་ནི་དམ་ཚིག་གསུམ་ཡིན་ཏེ། ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་མ་རྟོགས་ན་མུ་སྟེགས་ཅན་གཞན་དག་གིས་ལྟ་ཅི་སྨོས། དེ་ནས་བཅོམ་ལྡན་འདས་ཀྱིས་ཚིགས་
D494.086.0251b06.01སུ་བཅད་པ་འདི་དག་གསུངས་སོ། །བྱིས་པ་མི་ཤེས་པས་བསྒྲིབས་པ། །ཚུལ་འདི་ཤེས་པར་མ་གྱུར་རྣམས། །སངས་རྒྱས་གཞན་དུ་ཚོལ་བར་བྱེད། །འདི་ན་གནས་པར་ཡོང་མ་རྟོགས། །འཇིག་རྟེན་ཁམས་གཞན་གང་ནས་ཀྱང་། །སངས་རྒྱས་རྙེད་པར་ཡོད་
D494.086.0251b07.01