完整藏文原文 · 德格版页 当前仅加载第 86 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱི་དཀྱིལ་འཁོར་འདི། །རྒྱལ་བའི་གཙོ་བོ་རྣམས་ཀྱིས་གསུངས། །མཱ་མ་ཀཱི་དང་ལུ་གུ་རྒྱུད། །དེ་བཞིན་རྡོ་རྗེའི་རིགས་ལས་བྱུང་། །རྡོ་རྗེ་ལྕགས་ཀྱུ་རྡོ་རྗེ་རྩེ། །གསང་སྔགས་རྒྱལ་པོ་མཐུ་ཆེན་དག །དཀྱིལ་འཁོར་ཆེན་པོའི་ནང་དུ་ནི། །ཀུན་ཀྱང་ཁོངས་སུ་ཆུད་པར་བྱ། །ལས་
D494.086.0210b01.01རྣམས་ཤིན་ཏུ་འགྲུབ་བྱའི་ཕྱིར། །ཕྱག་རྒྱ་དཀྱིལ་འཁོར་ས་བོན་དང་། །ཁ་དོག་ཁྱད་པར་{གོ་རིམས་,གོ་རིམ་}བཞིན། །དེ་དག་ཅི་ལྟར་རིགས་པར་བྱའོ། །དེ་ནས་གཞན་ཡང་རྡོ་རྗེ་འཛིན། །ཆེན་པོ་གཙོར་བཤད་འདི་རྣམས་ཏེ། །ནམ་མཁའ་དྲི་མེད་རྡོ་རྗེས་འཁོར། །རྡོ་རྗེ་མཆེ་བ་དེས་པ་དང་། །
D494.086.0210b02.01རྣམ་པར་གྲགས་པ་སྐལ་ཆེན་དང་། །རྡོ་རྗེ་མགོན་པོ་མཆོག་འཛིན་དང་། །རྡོ་རྗེ་ཞི་བ་རྡོ་རྗེ་ཆེ། །རྡོ་རྗེ་མཐིང་ག་རྡོ་རྗེ་གཞན། །རྡོ་རྗེ་པདྨ་ཡངས་པའི་མིག །རྡོ་རྗེ་བཟང་པོ་རྡོ་རྗེ་ཉིད། །སྤྲོས་པ་མེད་པར་གནས་པ་དང་། །ནམ་མཁའ་མཐའ་ཡས་འགྲོ་བའོ། །དེ་རྣམས་དཀྱིལ་
D494.086.0210b03.01འཁོར་བཤད་པ་ནི། །དཀར་པོ་སེར་པོ་དམར་པོ་དང་། །ནག་པོ་ཡིན་པར་ཡང་དག་བཤད། །དེ་ནས་གཞན་ཡང་ཕྱག་རྒྱའི་གཟུགས། །རྩེ་གསུམ་པ་དང་རྩེ་གཅིག་པ། །གཞན་ཡང་གཉིས་དང་གཉིས་མ་ཡིན། །ཕྲེང་བ་ལྟ་བུ་དེ་བཞིན་གཞན། །ཁ་དོག་བྱེ་བྲག་ལས་ཤེས་བྱ། །
D494.086.0210b04.01འདི་རྣམས་ཀུན་ཀྱང་མཐུ་ཆེན་ཏེ། །རྣམ་པར་རྒྱལ་དང་ལྡན་པའོ། །མི་གཡོ་མགོན་གྱི་དཀྱིལ་འཁོར་ནི། །རླུང་དང་མེ་ཡི་ཡིན་པར་འདོད། །ང་ཡི་དྲུང་གི་འོག་ལོགས་སུ། །བདེན་བྲལ་གྱི་ནི་ཕྱོགས་ཆར་བྲི། །རང་གི་ས་བོན་མཚན་མར་ལྡན། །རལ་གྲི་ཕྱག་རྒྱ་ལེགས་པར་སྦྱར། །
D494.086.0210b05.01ཡང་ན་ཞགས་པ་བྱ་ཡང་རུང་། །བློ་ལྡན་དེ་ཡིས་བྲི་བར་བྱ། །འཇིག་རྟེན་གསུམ་ལས་རྣམ་རྒྱལ་གྱིའང་། །བྱེ་བྲག་ཏུ་ནི་རླུང་གི་དབུས། །རྡོ་རྗེ་ཅན་གྱི་མཚན་དང་ལྡན། །གནས་གསུམ་དག་ལ་འདུག་པའོ། །གསང་བ་པའི་བདག་པོ་གཞན་ཡང་བྱང་ཆུབ་སེམས་དཔའ་རྣམས་ཀྱི་ཡུམ་
D494.086.0210b06.01གྱི་གཟུགས་ཀྱི་དཀྱིལ་འཁོར་དགོད་པ་འབྱུང་སྟེ། དེ་ལ་རེ་ཞིག་དཀྱིལ་འཁོར་ནི། །གསེར་གྱི་ཁ་དོག་གྲུ་བཞི་པ། །རྡོ་རྗེའི་མཚན་མས་མཚན་པ་སྟེ། །འདི་ནི་དཀྱིལ་འཁོར་དམ་པ་ཡིན། །དེ་ནས་གཞན་ཡང་ལྷ་མོའི་གཟུགས། །དེ་ཡི་དབུས་སུ་པདྨ་ཆེ། །ཐམས་ཅད་སེར་པོ་འབར་
D494.086.0210b07.01