完整藏文原文 · 德格版页 当前仅加载第 86 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་མོ་གཞོན་ནུས་བཀལ་བ་ཡི། །སྲད་བུ་སྔོན་པོ་དེར་བླངས་ནས། །དཀྱིལ་འཁོར་ནན་ཏན་ཐིག་གདབ་པ། །གྲུ་གསུམ་ཕྱི་རོལ་ཟླུམ་པོར་བྱ། །ཁྲུ་བཞི་ཁྲུ་ལྔ་ཁྲུ་བརྒྱད་དམ། །དེ་བཞིན་བཅུ་གཉིས་ཁྲུ་བཅུ་དྲུག །ཅི་ལྟར་ལས་ཀྱི་རྗེས་མཐུན་པར། །
D494.086.0238a01.01མཁས་པས་ཚད་ནི་བརྟག་པར་བྱ། །དེ་ནས་དུར་ཁྲོད་ཐལ་བའམ། །མཁས་པས་ཚོན་རྩི་ནག་པོ་ལ། །ཡི་གེ་ཧ་ནི་དེར་བཞག་པ། །མེ་ལྕེ་འབར་བའི་ཕྲེང་བ་འཕྲོ། །དུས་མཐའི་མེ་ལ་འཇིགས་པའི་གཟུགས། །དབྱར་གྱི་ཆར་སྤྲིན་འདྲ་བའི་མདོག །ཁ་ནི་མཆེ་བ་གཙིགས་
D494.086.0238a02.01པ་ལ། །ལག་ན་རྡོ་རྗེ་ཅོད་པན་ཅན། །བདུད་ཀྱི་སྡེ་ནི་ཐམས་ཅད་དང་། །སྡང་བ་ཐམས་ཅད་སྡིགས་བྱེད་པ། །ཚོན་ལ་མཁས་པས་ཚོན་དེ་དག །དེ་འདྲའི་ཡི་གེ་བཞག་ནས་ནི། །ཤེས་རབ་ཅན་གྱིས་དཀྱིལ་འཁོར་བྲི། །བ་དན་མང་པོ་མཚན་མས་མཚན། །རྟ་བབས་དང་ནི་
D494.086.0238a03.01སྒོ་ཁྱུད་བཅས། །སྒོ་ཡི་ཆ་ནི་ལེགས་པར་ཕྱེ། །ལྷ་ཡི་གཙོ་བོ་གཞག་པ་ནི། །སྔ་མ་བཞིན་དུ་བརྟག་པར་བྱ། །བྱང་ཕྱོགས་སྒོ་ནི་ཕྱེ་ནས་སུ། །ལྷག་མའི་སྒོ་རྣམས་གཅད་པར་བྱ། །དེ་ནས་འཕགས་པ་ནམ་མཁའི་སྙིང་པོའི་གནས་སུ་ཁྲོ་བོའི་རྒྱལ་པོ་གཤིན་རྗེའི་གཤེད་
D494.086.0238a04.01གསལ་ཤིང་གི་ཕྱག་རྒྱར་བྲིའོ། །མཛོད་སྤུའི་གནས་སུ་ཁྲོ་བོའི་རྒྱལ་པོ་འཕགས་པ་གཞན་གྱིས་མི་ཐུབ་པ་ཞེས་བྱ་བར་རྡོ་རྗེ་དང་དགྲ་སྟའི་ཕྱག་རྒྱར་བྲིའོ། །མཐུ་ཆེན་ཐོབ་དང་འཕགས་མ་ཁྲོ་གཉེར་ཅན་དང་འཕགས་མ་སྒྲོལ་མའི་གནས་རྣམས་སུ། དོན་ཡོད་པའི་ཞགས་པ་དང་རལ་པ་
D494.086.0238a05.01གཅིག་མ་དང་། རྟ་མགྲིན་རྣམས་ཞགས་པ་དང་དགྲ་སྟ་དང་རྡོ་རྗེ་བེ་ཅོན་གྱི་ཕྱག་རྒྱ་རྣམས་སུ་{གོ་རིམས་,གོ་རིམ་}བཞིན་དུ་གཞག་པར་བྱའོ། །གནོད་མཛེས་ཀྱི་གནས་སུ་ཁྲོ་ཟླ་གཙོ་བོའི་རྡོ་རྗེའི་ཕྱག་རྒྱར་གཞག་གོ། །འཕགས་པ་མི་གཡོ་བ་ཡང་བེ་ཅོན་གྱི་ཕྱག་རྒྱར་གཞག་གོ། །
D494.086.0238a06.01སྒོ་དྲུང་དུ་ནི་གདུལ་དཀའ་དང་མངོན་དུ་ཕྱོགས་གཉིས་བེ་ཅོན་གྱི་ཕྱག་རྒྱར་གཞག་གོ། །གནས་གཙང་མ་པ་རྣམས་ཀྱི་གནས་སུ། གཤིན་རྗེའི་འཆི་བདག་དང་དུས་མཚན་མོ་དང་ལྷན་ཅིག་ཏུ་གཞག་གོ། །བདེན་བྲལ་ཡང་རལ་གྲིའི་ཕྱག་རྒྱར་གཞག་གོ། །འཁོར་སའི་ནང་
D494.086.0238a07.01