完整藏文原文 · 德格版页 当前仅加载第 86 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མེའི་ཐབ་ཁུང་སྒོ་ལ་ཕྱོགས་པར་བྱའོ། །དཀྱིལ་འཁོར་གྱི་ཕྱི་རོལ་ཁོ་ར་ཁོར་ཡུག་ཏུ་བ་དན་རྣམས་བྲིའོ། །མེའི་ཐབ་ཁུང་ནི་དབང་གི་ལས་ཀྱི་མེའི་ཐབ་ཁུང་བཞིན་དུ་བྱས་ཏེ། བྱེ་བྲག་ཏུ་ཕྱི་རོལ་གྱི་མུ་རན་ཟླུམ་པོར་བྱས་ལ་བ་དན་མང་པོས་མཚན་པར་བྱའོ། །དཀྱིལ་འཁོར་
D494.086.0238b01.01ཀྱི་ལྷ་རྣམས་སྔ་མ་བཞིན་དུ་སོ་སོའི་གཟུགས་བསམས་ཏེ་མཆོད་པའི་ཆོ་ག་བྱའོ། །དེ་ནས་ལྷ་རྣམས་ཅི་ལྟ་བ་བཞིན་མཆོད་ནས་བདག་ཕྱག་ན་རྡོ་རྗེར་བྱིན་གྱིས་བརླབས་ལ་ཕྱི་རོལ་དུ་ཕྱོགས་ཀྱི་གཏོར་མ་སྔ་མ་བཞིན་དུ་སྦྱིན་ནོ། །དེ་ལ་བྱུག་སྤོས་ལ་སོགས་པའི་ཁྱད་པར་ནི་
D494.086.0238b02.01ཙནྡན་དམར་པོ་དང་དུ་རུ་སྐ་སོལ་བ་དང་བསྲེས་པའི་བྱུག་སྤོས་ནག་པོ་དབུལ་ལོ། །མེ་ཏོག་ཨུཏྤལ་མཐིང་ག་དང་། ཨ་པ་རཱ་ཛི་ཏ་མཐིང་ག་འམ། གཞན་ཡང་མེ་ཏོག་སྔོན་པོ་རྣམས་དབུལ་ལོ། །བདུག་སྤོས་ནི་སྲ་རྩི་པོག་བུ་རམ་དང་སྦྱར་བ་དབུལ་ལོ། །མར་མེ་ནི་ཡུངས་
D494.086.0238b03.01མར་ཚ་བ་སྙིང་པོ་སྔོན་པོ་ཅན་མར་མེའི་སྣོད་ནག་པོའི་ནང་དུ་དབུལ་ལོ། །བཤོས་ནི་ཀྲི་སར་དང་གཞན་ཡང་ཚ་བ་དང་། ཁ་བ་ལ་སོགས་པ་བཟའ་བ་དང་ཚོད་མ་ཁ་དོག་ནག་པོ་རྣམས་དབུལ་ལོ། །སྲན་ཆན་དང་ཀྲི་ས་ར་དང་ཤ་དང་ཉ་བཙོས་པ་དང་རྗེན་པ་རྣམས་ཕྱོགས་ཀྱི་
D494.086.0238b04.01གཏོར་མར་སྦྱིན་ནོ། །གཏོར་མའི་ཆོ་ག་ཅི་ལྟ་བ་བཞིན་དུ་བྱས་ནས་གདོལ་པའི་ཁྱིམ་མམ་དུར་ཁྲོད་ནས་མེ་བླངས་ཏེ་ཁྲོ་བོའི་རྒྱལ་པོས་བསང་གཏོར་བྱས་ལ། དུར་ཁྲོད་ཀྱི་ཤིང་ངམ། ཤིང་བ་ལ་ཏ་ཀའམ། བ་རུ་རའི་ཤིང་གིས་མེ་སྤར་ལ། བདག་ཉིད་རྣམ་
D494.086.0238b05.01པར་སྣང་མཛད་ཆེན་པོར་བྱིན་གྱིས་བརླབས་ཏེ་མེའི་ཐབ་ཁུང་གི་ཞབས་སུ་རླུང་གི་དཀྱིལ་འཁོར་བསམས་ལ་དེར་ཡི་གེ་ཧཱུྃ་གཞག་གོ །ཡི་གེ་ཧཱུྃ་དེ་ལས་མེའི་གཟུགས་སུ་གྱུར་པར་བསམས་པ་ནི་ཁ་དོག་ནག་པོ་ཤིན་ཏུ་མི་བཟད་པ། མིག་གསུམ་པ། གདོང་བཞི་པ་
D494.086.0238b06.01མི་གཡོ་བ་དུད་ཁའོ། །བལྟ་དཀའ་བ། ཁམ་པ་པོ། ཐོར་ཚུགས་དུད་ཁ་ཅན། ཆར་སྤྲིན་སྔོན་པོ་ལྟ་བུའི་འོད་ཟེར་ཅན། གསུས་པོ་ཆེ་གོས་སྔོན་པོ་གྱོན་ལ་སྲད་བུ་སྔོན་པོ་སེ་རལ་ཁར་ཐོགས་པ། ཁ་ནས་མཆེ་བ་བཞི་གཙིགས་པ་ཁྲོ་བ་དང་བཅས་ཤིང་
D494.086.0238b07.01