完整藏文原文 · 德格版页 当前仅加载第 86 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གྱུར་པ། སེམས་ཅན་གྱི་ཁམས་མ་ལུས་པ་བསྒྲལ་བར་ཡི་དམ་བཅས་པ་རྣམས་ཀྱི་དོན་དང་ཕན་པ་དང་བདེ་བའི་ཕྱིར། སྔོན་གྱི་སངས་རྒྱས་རྣམས་ཀྱིས་མངོན་པར་རྫོགས་པར་སངས་རྒྱས་པ་དེ་ཉོན་ལ་ལེགས་པར་རབ་ཏུ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །བཅོམ་
D494.086.0209b01.01ལྡན་འདས་ཇི་ལྟར་འཚལ་ལོ་ཞེས་གསོལ་ནས། ཕྱག་ན་རྡོ་རྗེ་བཅོམ་ལྡན་འདས་ལ་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ་དང་པོར་ཡང་དག་པར་རྫོགས་པའི་སངས་རྒྱས་ཀྱི་དཀྱིལ་འཁོར་དགོད་པ་རིམ་པར་ཕྱེ་བ་གང་
D494.086.0209b02.01ལགས། འཇིག་རྟེན་པ་དང་འཇིག་རྟེན་ལས་འདས་པའི་དཀྱིལ་འཁོར་གྲངས་མེད་པ་བྱུང་བ་གསང་བ་བས་ཀྱང་ཆེས་གསང་བ། སྙིང་རྗེ་ཆེན་པོའི་སྙིང་པོ་འབྱུང་བ་ཞེས་བྱ་བ་ཡོད་ཀྱིས། དེ་བྲི་བའི་ཆོ་ག་ཉོན་ཅིག །ཀུན་ཏུ་གྲུ་བཞི་ལྷམ་པ་ལ། །སྒོ་གཅིག་པ་ནི་སྟེགས་བུར་
D494.086.0209b03.01བཅས། །བཟང་པོ་རྡོ་རྗེ་རྣམས་ཀྱིས་མཚན། །དབུས་སུ་རྡོ་རྗེ་རྩེ་བརྒྱད་པ། །དེའི་སྟེང་པདྨ་བྲི་བ་ནི། །ས་བོན་དང་བཅས་རྒྱས་པར་བྱས། །དེ་ཡི་སྟེང་དུ་པདྨ་ཆེ། །ཕྱག་རྒྱ་ཀླད་ཀོར་གྱིས་མཛེས་བྱས། །འདབ་མ་བརྒྱད་རྣམས་ལེགས་པར་རྫོགས། །ཟེ་བར་བཅས་པ་
D494.086.0209b04.01ཤིན་ཏུ་བཟང་། །འདབ་མ་རྣམས་ནི་ཐམས་ཅད་ལ། །ཡན་ལག་བཅུ་གཉིས་ཚིག་བཀོད་པ། །དེ་རྣམས་དབུས་ན་མགོན་བཞུགས་པ། །རྫོགས་པའི་སངས་རྒྱས་རྐང་གཉིས་གཙོ། །དཀྱིལ་འཁོར་བརྒྱད་ཀྱི་འཁོར་རྣམས་ཀྱིས། །ཁོ་ར་ཁོར་ཡུག་ཡོངས་བསྐོར་བ། །སྙིང་རྗེ་
D494.086.0209b05.01ལས་བྱུང་དཀྱིལ་འཁོར་འདི། །མཆོག་ཏུ་ཤེས་པར་བྱ་བ་སྟེ། །ལུང་བཞིན་དཀྱིལ་འཁོར་རྣམས་དང་ནི། །ལས་དང་ལུས་དང་དངོས་གྲུབ་དང་། །དགོད་པ་རྣམས་ཀྱང་དེས་པ་ཡིས། །འདི་ལས་བྱུང་བ་ཤེས་པར་བྱ། །གསང་བ་པའི་བདག་པོ་གཞན་ཡང་དེ་བཞིན་གཤེགས་པ་རྣམས་
D494.086.0209b06.01ཀྱི་དཀྱིལ་འཁོར་ནི། ཟླ་བའི་དཀྱིལ་འཁོར་འདྲ་ཞིང་མདོག །དུང་ལྟ་བུ་ཡི་དབུས་ན་ནི། །སངས་རྒྱས་ཀུན་གྱི་གྲུ་གསུམ་པ། །པདྨ་དཀར་པོའི་སྟེང་ན་གནས། །ཀླད་ཀོར་བཅས་པའི་མཚན་གྱིས་བཏབ། །རྡོ་རྗེའི་མཚན་མས་མཚན་པ་སྟེ། །དཔྱད་མི་དགོས་པས་ཀུན་ནས་ནི། །
D494.086.0209b07.01