完整藏文原文 · 德格版页 当前仅加载第 86 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
མོ། །དེ་ནས་ཟླ་བའི་དཀྱིལ་འཁོར་ལ་རང་གི་རིག་སྔགས་བཞག་སྟེ། རང་གི་ལྷའི་ཕྱག་རྒྱ་བཅིངས་ལ། རང་གི་ལྷའི་གཟུགས་སུ་བསྒོམ་མོ། །དེ་ནས་ཡང་སྔ་མ་བཞིན་དུ་དགང་བླུགས་གསུམ་ལ་སོགས་པ་ཕུལ་ཏེ། བསྐོར་བའི་ཐབ་ཏུ་བསང་གཏོར་ཡང་
D494.086.0233b01.01བྱས་ལ། བདག་གི་རྒྱུད་ལས་བྱུང་བའི་རྫས་རྣམས་ཅི་སྲིད་མི་སྐྱོ་བའི་བར་དུ་སྦྱིན་སྲེག་བྱའོ། །སྐྱོ་བར་གྱུར་ན། རྫོགས་པའི་སངས་རྒྱས་ཀྱི་སྐུར་བལྟས་ཏེ། ཡང་བྱང་ཆུབ་ཀྱི་སེམས་བསྒོམ་མོ། །དེ་ནས་མཆོད་ཡོན་ཕུལ་ལ། ལྷ་རྣམས་ལ་
D494.086.0233b02.01ཕྱག་བྱས་ཏེ། སླར་གཤེགས་སུ་གསོལ་ལོ། །ལྷ་ཐམས་ཅད་སླར་གཤེགས་སུ་གསོལ་ནས། ཕྱག་རྒྱའི་ཚོགས་རྣམས་གོས་སར་པས་གཡོགས་ལ། ཕྱི་དེ་ཉིན་ཡང་སྔ་མ་བཞིན་དུ། ལྷ་རྣམས་སོ་སོའི་དཀྱིལ་འཁོར་ལ་གནས་པར་བསམས་ཏེ།
D494.086.0233b03.01ཆོ་གའི་རིམ་པ་དེ་ཉིད་ནམ་ཞི་བར་གྱུར་གྱི་བར་དུ་བྱའོ། །ཆོ་ག་ཤེས་པའི་སྔགས་གྲུབ་པ། །གང་ཞིག་ཆོ་ག་འདི་ཡིས་སུ། །ལེ་ལོ་མེད་པར་ཞི་བྱས་ན། །ཞི་བ་ཉིད་དུ་འཐོབ་པར་འགྱུར། །ཟླ་བ་ཕྱེད་ཀྱི་ཁམས་རིས་གཅིག །ངེས་པ་ཉིད་དུ་ཞི་བར་འགྱུར། །
D494.086.0233b04.01རྒྱལ་པོ་ལ་ནི་ཞག་བཅུ་གཉིས། །ཡུལ་ཕྱོགས་སུ་ནི་ཞག་བཅུས་སོ། །དེ་ལ་ཞི་བའི་ཆོ་གའི་ལས་བྱེད་པས་ཆོ་ག་འདི་ལྟར་སྤྱད་པར་བྱའོ། །གོས་དཀར་བགོས་ཤིང་གཙང་ལ་ཞི། །བྱང་ཆུབ་སེམས་ལ་རབ་ཏུ་གཞོལ། །ཀུ་ཤ་བཏིང་བའི་སྟན་ལ་ཉལ། །དེ་ལས་
D494.086.0233b05.01བྱས་པའི་བསང་བྱེད་ཐོགས། །ནས་བཙོས་པའམ་འོ་མ་འཐུང་། །ཡིད་ནི་སྦྱིན་སྲེག་བྱེད་ལ་འཇུག །དུས་གསུམ་སྦྱིན་སྲེག་བཟླས་བརྗོད་ཀྱིས། །ཞི་བའི་ཆོ་ག་སྤྱད་པར་བྱའོ། །ཞབས་བསིལ་རྡོ་རྗེ་མཆོག་སྦྱིན་གྱིས། །བསང་གཏོར་མི་གཡོ་མགོན་
D494.086.0233b06.01གྱིས་སོ། །འདིར་ནི་རེ་ཞིག་མདོར་བསྡུས་ན། །སྦྱིན་སྲེག་ཆོ་གར་བསྒྲགས་པ་ཡིན། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཞི་བའི་སྦྱིན་སྲེག་གི་ཆོ་ག་རིམ་པར་ཕྱེ་བའོ།། །
D494.086.0233b07.01