完整藏文原文 · 德格版页 当前仅加载第 86 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་རྣམས་དང་ཉན་ཐོས་དང་། །རང་རྒྱལ་སྐྱོབ་པ་རྣམས་དང་ནི། །བྱང་ཆུབ་སེམས་དཔའ་དཔའ་བོ་དང་། །དེ་བཞིན་རྒྱལ་བ་མཆོག་རྣམས་དང་། །སེམས་ཅན་སྣོད་ཀྱི་འཇིག་རྟེན་དག །བཏགས་པ་རིམ་པ་བཞིན་འབྱུང་ཞིང་། །ཆོས་རྣམས་སྐྱེ་དང་གནས་
D494.086.0204b01.01པ་དག །གང་ལས་རྟག་ཏུ་འབྱུང་འགྱུར་བ། །ཤེས་རབ་ཐབས་དང་ལྡན་འགྱུར་ཞིང་། །ཡིད་གཉིས་སོམ་ཉི་དང་བྲལ་བ། །རྫོགས་སངས་རྒྱས་ཀྱིས་རབ་བཤད་པའི། །ལམ་འདི་ཁྱེད་ཀྱིས་བསྒོམ་པར་གྱིས། །དེ་ནས་དེ་བཞིན་གཤེགས་པའི་སྐུ་ཆོས་ཀྱི་
D494.086.0204b02.01དབྱིངས་ལས་བྱུང་བ་དེ་དག་གིས་ཆོས་ཀྱི་དབྱིངས་ཐམས་ཅད་རང་གི་སྐུ་རྣམ་པར་རིག་པར་བྱེད་པ། སྤྲུལ་པའི་སྤྲིན་གྱིས་ཡོངས་སུ་བཀང་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀྱི་དབང་ཙམ་གྱིས་བ་སྤུའི་བུ་ག་ཐམས་ཅད་ནས་སངས་རྒྱས་འབྱུང་བ་གཅིག་ནས་གཅིག་
D494.086.0204b03.01ཏུ་བརྒྱུད་པ་བྱིན་གྱིས་བརླབས་ཏེ། རང་རང་གི་ཆོས་ཀྱི་དབྱིངས་ཀྱི་གནས་སུ་ཞུགས་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ་གསང་བའི་དཀྱིལ་འཁོར་རྣམ་པར་དགོད་པ་ལྷ་རྣམས་ཀྱི་
D494.086.0204b04.01གནས་ཡང་དག་པར་གནས་པར་བསམ་པ་ས་བོན་དང་བཅས་པས་མཚན་པ་ཡོད་ཀྱིས། དེ་ཉོན་ལ་ལེགས་པར་རབ་ཏུ་ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ། །དེ་སྐད་ཅེས་བཀའ་སྩལ་པ་དང་། གསང་བ་པའི་བདག་པོ་ཕྱག་ན་རྡོ་རྗེ་བཅོམ་ལྡན་འདས་ལ་ཉན་ཏོ། །བཅོམ་ལྡན་
D494.086.0204b05.01འདས་ཀྱིས་དེ་ལ་འདི་སྐད་ཅེས་བཀའ་སྩལ་པ། དང་པོར་སྔགས་པས་དཀྱིལ་འཁོར་དེ། །རང་གི་ལུས་ལ་དགོད་བྱས་ཏེ། །རྐང་པ་ནས་ནི་ཆུ་སོ་ལ། །ཐུག་གི་བར་དུ་ས་ཡིར་བསམ། །དེ་ནས་གྲོང་དུ་སྙིང་གའི་བར། །སྡོམ་བརྩོན་ཅན་གྱིས་ཆུ་ཡིར་བསམ། །ཆུ་ཡི་ཡན་ཅད་
D494.086.0204b06.01མེ་ཡི་སྟེ། །མེ་ཡི་ཡན་ཅད་རླུང་ཡིན་ནོ། །བསམས་ནས་དེ་ནས་མཁས་པ་ཡིས། །ས་ལ་གཟུགས་བརྙན་གཞག་པར་བྱ། །དེ་ནས་ཕྱག་ན་རྡོ་རྗེ་བཅོམ་ལྡན་འདས་རྣམ་པར་སྣང་མཛད་ཀྱི་སྐུ་དང་གསུང་དང་ཐུགས་ཀྱི་ས་ལ་ཞུགས་ནས་ཆོས་མཉམ་པ་ཉིད་ལ་བལྟས་ཏེ། མ་འོངས་པའི་
D494.086.0204b07.01