完整藏文原文 · 德格版页 当前仅加载第 86 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། །དེ་ནས་དེའི་ཚེ་ཐམས་ཅད་ཀྱིས། །དེ་བཞིན་གཤེགས་ལ་ཕྱག་འཚལ་ཏེ། །མཆོད་པ་དག་ཀྱང་ལེགས་བྱས་ནས། །སྤྱན་སྔར་འཁོད་ནས་ཐལ་སྦྱར་ཏེ། །འདི་སྐད་ཅེས་ནི་ཚིག་ཏུ་སྨྲས། །ཆོས་ཀྱི་ཚུལ་འདི་འཇིག་རྟེན་ན། །ཅི་ལྟར་ཡུན་རིང་
D494.086.0229a01.01ཀུན་གནས་པར། །མགོན་པོ་བྱིན་གྱིས་བརླབས་ཀྱི་ཚིག །བསྟན་པ་འདི་ལ་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་དེའི་ཚེ་ཆོས་ཀྱི་རྣམ་གྲངས་འདི་ལ་བྱིན་གྱིས་བརླབས་པའི་ཚིག་གསུངས་པ། ན་མཿས་མནྟ་བུད་དྷཱ་ནཱཾ། སརྦྦ་ཐཱ། ཤིཾ་ཤིཾ། ཏྲྃ་ཏྲྃ། གུྃ་གུྃ།
D494.086.0229a02.01དྷ་རཾ་དྷ་རཾ། སྠཱ་པ་ཡ་བུད་དྷཱ་སཏྱ་བཱ་ཀ དྷརྨྨ་སཏྱ་བཱ་ཀ །སཾ་གྷ་སཏྱ་བཱ་ཀ་ཧཱུྃ་ཧཱུྃ་བེ་ད་བི་དི་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། རྡོ་རྗེ་འཛིན་དེ་དག་དང་། བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པ་དེ་དག་ཡི་རངས་ནས། བཅོམ་ལྡན་འདས་
D494.086.0229a03.01ཀྱིས་གསུངས་པ་ལ་མངོན་པར་བསྟོད་དོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ཤིན་ཏུ་རྒྱས་པ་ཆེན་པོའི་མདོ་སྡེའི་རྒྱལ་པོ་ལས། གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པའི་ཆོ་ག་ཇི་སྙེད་པ་
D494.086.0229a04.01རིམ་པར་ཕྱེ་བ་ཉི་ཤུ་རྩ་ལྔ་པ་རྫོགས་སོ།། །།དེ་ནས་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་སྨྲས་སོ། །གང་དག་འདི་ལྟར་སྒྲུབ་པར་ལྷུར་ལེན་པ་དེ་དག་ལ་ཕན་པ་དང་བདེ་བར་བྱ་བའི་ཕྱིར། བསྟན་པ་འདི་ལ་དེ་དག་བཅིང་བ་བདག་གིས་བཤད་ཀྱིས་
D494.086.0229a05.01ཡིད་གཅིག་ཏུ་བསྡུས་ལ་ཉོན་ཅིག །རྐང་པ་གཡོན་པ་བཏེག་ནས་ནི། །གཡས་པ་བརྟན་པོར་ལེགས་པར་གཟུགས། །མིག་ནི་རྐེད་པའི་ཕྱོགས་སུ་བལྟ། །ལག་པ་གཉིས་ཀ་གདེག་པར་བྱ། །གཡས་བརྐྱང་གདེངས་ཀའི་ཚུལ་དུ་གནས། །འཁོར་ལོ་ཡང་དག་ལྡན་པ་
D494.086.0229a06.01བཅིང་། །འཁོར་ལོའི་ཕྱག་རྒྱ་རབ་སྦྱར་བས། །ཕྱོགས་ཀུན་ཏུ་ནི་གཞོམ་པར་བྱ། །ཕྱག་རྒྱ་སྟོབས་ཆེན་མཐོང་ནས་ནི། །རྡོ་རྗེ་འཛིན་པ་བདག་ཉིད་དམ། །གང་དག་འཇིག་རྟེན་པ་ཡང་རུང་། །དེ་དག་ཐམས་ཅད་འཇིག་པར་འགྱུར། །རྐང་པ་གཉིས་ནི་མཉམ་བཞག་ནས། །
D494.086.0229a07.01