完整藏文原文 · 德格版页 当前仅加载第 86 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
ནས། །སྔགས་པ་རྣལ་འབྱོར་སྟན་ལ་འདུག །དེ་བཞིན་གཤེགས་པ་རྗེས་དྲན་ཞིང་། །སློབ་མ་རྣམས་ཀྱི་སྤྱི་བོར་ནི། །ཀླད་ཀོར་བཅས་པའི་ཨ་བཞག་སྟེ། །འཇིགས་པ་མེད་པའི་བདག་ལུས་ལ། །དེ་ནས་མེ་ཏོག་འདོར་དུ་གཞུག །བརྟགས་ནས་དེ་ལ་བསྟན་པར་བྱ། །ཡང་ན་དེ་ལ་
D494.086.0215b01.01རིག་སྔགས་སྦྱིན། །ལུས་ཅན་རྣམས་ཀྱི་དམ་ཚིག་ཕྱིར། །འདི་ནི་དཀྱིལ་འཁོར་གཙོ་བོར་འདོད། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། གསང་བའི་དཀྱིལ་འཁོར་དུ་གཟུད་པ་ལ་འཇུག་པའི་རིམ་པར་ཕྱེ་བ་རྒྱས་
D494.086.0215b02.01པའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ལ་ཕྱག་ན་རྡོ་རྗེས་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱི་དོན་དུ་ཚིགས་སུ་བཅད་པའི་དབྱངས་ཀྱིས་རིག་སྔགས་ཀྱི་བརྟུལ་ཞུགས་ཞུས་པ། ཅི་ལྟར་བརྟུལ་ཞུགས་སྤྱད་པ་ལགས། །
D494.086.0215b03.01ཚུལ་ཁྲིམས་ལ་གནས་ཅི་ལྟ་བུ། །གང་ན་ཅི་ལྟར་གནས་ཀྱང་རུང་། །མ་ཆགས་པར་ནི་ཅི་ལྟར་སྤྱོད། །དུས་ནི་ཅི་སྲིད་ལོན་གྱུར་ན། །བརྟུལ་ཞུགས་ཡོངས་སུ་རྫོགས་པར་འགྱུར། །དེའི་མཐུ་ཅི་ལགས་འཚལ་བར་གྱིས། །གནས་ནི་གང་དུ་བགྱི་བ་ལགས། །དུས་དང་ཡུལ་
D494.086.0215b04.01དང་བྱ་བ་ལས། །ཆོས་དང་ཆོས་མིན་རྣམ་སྤངས་པར། །དེ་ནི་ཅི་ལྟར་མྱུར་དུ་འགྱུར། །ཚད་ཀྱང་འདྲེན་པས་བཀའ་སྩོལ་ཅིག །གང་གིས་དངོས་གྲུབ་ཐོབ་འགྱུར་བ། །སངས་རྒྱས་རྣམས་ཀྱིས་སྔོན་བསྟན་པ། །མ་འོངས་འགྲོ་བའི་དོན་གྱི་ཕྱིར། །རྫོགས་པའི་སངས་རྒྱས་
D494.086.0215b05.01རྐང་གཉིས་གཙོ། །ཐམས་ཅད་མཁྱེན་ལ་བདག་ཞུ་བ། །རྒྱལ་བའི་གཙོ་བོ་དཔང་དུ་བཞུགས། །དེ་སྐད་གསོལ་ནས་བཅོམ་ལྡན་འདས། །རྣམ་སྣང་མཛད་ཆེན་དེ་ཡི་ཚེ། །སེམས་ཅན་རྣམས་ལ་བརྩེ་བའི་ཕྱིར། །འདི་སྐད་ཀྱི་ནི་ཚིག་གསུངས་སོ། །ལག་ན་རྡོ་རྗེ་མཐུ་བོ་ཆེ། །
D494.086.0215b06.01སེམས་དཔའ་ཆེན་པོ་དཔའ་བོ་ལེགས། །སྔོན་གྱི་སངས་རྒྱས་ཀྱིས་གསུངས་པའི། །བརྟུལ་ཞུགས་དམ་པ་བརྟན་པར་བྱའོ། །འཇིག་རྟེན་ལ་ནི་ཕན་བྱེད་པའི། །དངོས་གྲུབ་གང་གིས་ཐོབ་འགྱུར་བ། །རིག་པའི་བརྟུལ་ཞུགས་ལས་བྱུང་བའི། །བརྟུལ་ཞུགས་སངས་རྒྱས་བཞིན་
D494.086.0215b07.01