完整藏文原文 · 德格版页 当前仅加载第 86 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་དེ་ལ་ཅི་སྐད་དུ་བསྒྲགས་པའི་གནས་རྣམས་སུ་དཀྱིལ་འཁོར་ཀྱི་ཚད་ཁྲུ་གང་པ་ཡན་ཅད་དཔག་ཚད་མན་ཆད་ཀྱི་ཚད་དུ་བྱའོ། །དཔག་ཚད་གཅིག་ལས་ལྷག་པར་ནི་མི་བྱའོ། །དེ་ལ་ས་གཞི་མཉམ་
D494.086.0245b01.01ལ་འཇམ། །བྱུག་སྤོས་དག་གིས་ལེགས་པར་བསྐུས། །ཡང་ན་འཇིམ་པ་གཙང་མ་ཡིས། །སྔགས་པས་ནན་ཏན་བསྐུ་བར་བྱ། །དེ་ནས་ཕུར་བུ་སོར་བརྒྱད་པ་ལ་ལས་ཐམས་ཅད་པའི་གསང་སྔགས་ཀྱིས་བརྒྱ་རྩ་བརྒྱད་བཟླས་ཏེ་གྲྭ་བཞིར་མཉམ་པར་བཏབ་ན་དཀྱིལ་
D494.086.0245b02.01འཁོར་ཀུན་ཏུ་ཅིས་ཀྱང་མི་ཚུགས་པར་བྱིན་གྱིས་བརླབས་པར་འགྱུར་རོ། །ན་མཿས་མནྟ་བཛྲཱ་ཎཱན། ཧཾ་ཀོ་ཊ་ཡ་ས་མེ་མ་ཧཱ་ཙཎྜ་ལི་ཧཱུྃ་ཕཊ། དེ་ནས་ཕྱི་དེ་ཉིན་དཀྱིལ་འཁོར་གྱི་ཡོ་བྱད་རྣམས་བསགས་ཏེ་སྟ་གོན་བྱས་ལ་ལས་ཐམས་ཅད་ཀྱི་གསང་སྔགས་སམ་འཕགས་
D494.086.0245b03.01པ་མི་གཡོ་བས་བསྲུང་བ་བྱས་ཏེ་དཀྱིལ་འཁོར་གྱི་བྱང་ཕྱོགས་སུ་འཇོག་ཏུ་གཞུག་གོ། །ཡང་ན་བྱིན་གྱིས་བརླབས་ལ་བདག་ཉིད་ཀྱིས་གཞག་གོ། །དེ་ནས་ཕྱི་དེ་ཉིན་སློབ་མ་རྣམས་གཟུང་བར་བྱ་སྟེ་དད་པ་ཆེ་བ་གཙང་སྦྲ་ཆེ་བ་ཆོས་ལ་འབད་པ་ཆོ་རིགས་བཙུན་པ། མོས་
D494.086.0245b04.01པ་རྒྱ་ཆེ་བ་གཅིག་གམ་གཉིས་སམ་གསུམ་མམ་ཅི་སྙེད་འདོད་པ་རྣམས་གཟུང་ངོ་། །ལས་ཐམས་ཅད་པའམ་འཕགས་པ་མི་གཡོ་བའམ་མི་བཟོད་པའི་གསང་སྔགས་ཀྱིས་བུ་མོས་བཀལ་བའི་སྐུད་པའམ། སྐུད་པ་གཞན་ནམ་ཡང་ན་རྩྭ་ཀུ་ཤ་ཡང་རུང་མདུད་པ་
D494.086.0245b05.01གསུམ་བོར་ལ། དེ་ནས་སྔགས་ཀྱིས་བརྒྱ་འམ་ནི། །ཡང་ན་ལྷག་པར་མངོན་བསྔགས་ཏེ། །སློབ་མའི་ལས་རྣམས་འགྲུབ་པའི་ཕྱིར། །དཔུང་པ་གཡོན་པར་བཅིང་བར་བྱ། །ཨུ་དུམ་བཱ་རའི་སོ་ཤིང་ནི། །མེ་ཏོག་དྲི་ལ་སོགས་པས་བསྐུས། །ཤིན་ཏུ་བཟང་
D494.086.0245b06.01པོ་བསྲུང་བ་བྱས། །སོར་བརྒྱད་ཚད་ལ་རྩེ་གཅིག་པ། །བཟང་པོ་ཡིད་དུ་འོང་བ་དག །དེ་ནས་མཁས་པས་སྦྱིན་པར་བྱ། །ཤར་རམ་བྱང་དུ་ཁ་བལྟས་ཏེ། །སོ་ཤིང་དག་ནི་བཅའ་བར་བྱ། །དེ་ནས་བློ་ལྡན་མི་བཟའ་ཞིང་། །དཔྱད་པ་མེད་པར་དོར་བར་བྱ། །
D494.086.0245b07.01