完整藏文原文 · 德格版页 当前仅加载第 86 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་གདངས་པ། ལག་ན་རལ་གྲི་དང་ཞགས་པ་དང་བེ་ཅོན་དང་རིལ་བ་སྤྱི་བླུགས་ཐོགས་པ་སྙིང་ག་སུམ་མདོའི་རིས་མཚན་ཅན། ཡི་གེ་རས་མཚན་པ། གདོང་ཁྲོ་གཉེར་བསྙེར་བ། ཧཱུྃ་ཞེས་བྱ་བ་དང་བཅས་པ་འབར་བ་གནག་ཅིང་རྩུབ་པ་ཟངས་ལྟ་བུའི་
D494.086.0239a01.01འོད་ཟེར་འཕྲོ་བའི་ཕྲེང་བ་ཅན། འཇིག་པའི་དུས་མངོན་དུ་བྱུང་བ་བཞིན་དུ་འདུག་པ་དེ་ལྟ་བུའི་མེ་བསམས་ནས་བསང་གཏོར་བྱས་ཏེ། བྱུག་སྤོས་ལ་སོགས་པ་རང་གི་རིག་སྔགས་ཀྱིས་སྦྱིན་ནོ། །ཨོཾ་ཨགྣ་ཡེ་ཛཱ་ཧི་ཏྲད་ཊ་ཧཱུྃ་ཕཊ། དེ་ནས་ཡུངས་མར་ཚ་བ་དང་སྦྱར་བའི་
D494.086.0239a02.01ཀྲི་ས་རའི་སྲེག་བླུགས་གསུམ་སྦྱིན་ལ། དུག་དང་ཁྲག་དང་སྐེ་ཚེའི་སྲེག་བླུགས་བདུན་སྦྱིན་ནོ། །ཡང་ན་ཤིང་བྷ་ལ་ཏ་དང་། བ་རུ་རའི་ཤིང་གི་ཡམ་སྲེག་ཤིང་རྩེ་མོ་རྣོན་པོར་གཞོགས་པ་ཡུངས་མར་ཚ་བ་དང་སྐེ་ཚེར་སྨྱུགས་པ་སྦྱིན་ནོ། །དེ་ནས་དཀྱིལ་འཁོར་གྱི་བདག་
D494.086.0239a03.01པོ་ལ་སོགས་པའི་ལྷ་རྣམས་སྔ་མ་བཞིན་དུ་བསམས་ཏེ་རྫས་དེ་དག་ཉིད་ལས་རང་གི་རིག་པས་སྲེག་བླུགས་དབུལ་ལོ། །དེ་ནས་རང་གི་ལྷ་སྔ་མ་བཞིན་དུ་བསམས་ཏེ་བཞག་ལ། རང་གི་རིག་པ་ལས་བྱུང་བའི་རྫས་ཅི་ལྟ་བ་བཞིན་དུ། མཛུབ་མོ་དང་མཐེ་བོས་གཟུང་སྟེ་ཁྲོ་བ་
D494.086.0239a04.01དང་བཅས་པར་གསང་སྔགས་ཟློས་ཤིང་། ཕཊ་དང་བཅས་པར་ཅི་སྲིད་འདོད་པ་དེ་སྲིད་དུ་སྲེག་བླུགས་དབུལ་ལོ། །དེ་ནས་སྔ་མ་བཞིན་དུ་བྱང་ཆུབ་ཀྱི་སེམས་བསྒོམ་པ་ལ་སོགས་པས་ངལ་བསོ་བར་བྱའོ། །སྔགས་པ་གང་ཞིག་འདི་ལྟ་བུའི། །རབ་ཏུ་དྲག་པོའི་ལས་
D494.086.0239a05.01བྱེད་པ། །དེ་ནི་སུམ་ཅུ་རྩ་གསུམ་གྱི། །གནས་ཀྱང་རྩ་མཆོག་བཞིན་དུ་སྲེག །འདིར་ཡང་ཆོ་ག་འདི་ལྟར་བྱའོ། །དཔལ་ལྡན་གོས་ནི་སྔོན་པོ་བགོས། །བྱུག་སྤོས་ཕྲེང་བ་སྔོན་པོས་བརྒྱན། །སྲད་བུ་སྔོན་པོ་སེ་རལ་ཐོགས། །བྱང་ཆུབ་སེམས་ལ་རྟག་ཏུ་གཞོལ། །ཚ་དང་
D494.086.0239a06.01ཁ་དང་བསྐ་བ་དང་། །ཀྲི་ས་ར་ཡི་ཁ་ཟས་བཟའ། །ལྷ་རྣམས་དགོད་པའི་དོན་ལ་མཁས། །གཙང་ཞིང་མཆོག་ཏུ་ཚུལ་ཁྲིམས་ལྡན། །སྤྲོ་བ་ཆེ་ཞིང་དཔའ་སྙིང་ཅན། །ཁྲོས་པ་འཇིག་རྟེན་མཐར་བྱེད་བཞིན། །ལྷོ་ཕྱོགས་ཁ་བལྟས་མི་སྨྲ་ཞིང་། །འདུག་པའི་ཐབས་ནི་
D494.086.0239a07.01