完整藏文原文 · 德格版页 当前仅加载第 86 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
ཧཱུྃ་ཞེས་བྱ་བ་འབྲུག་སྐད་སྒྲོགས། །རྔམ་ཞིང་སོས་ནི་མ་མཆུ་མནན། །ཁྲོ་དང་བཅས་པས་མགོ་བསྟོད་དེ། །བསྡིགས་ན་ཆོམས་པར་འགྱུར་བ་ཡིན། །རྐང་པ་གཉིས་ནི་རྟིང་སྤྲད་ནས། །མདུང་གི་ཕྱག་རྒྱས་དེ་དག་ཀུན། །བཅོམ་ན་མོད་ལ་ཐལ་བར་འགྱུར། །གོམ་
D494.086.0229b01.01གཅིག་མྱུར་དུ་བོར་ནས་ནི། །རྐང་པ་བཏེག་སྟེ་ལུས་བསྒྱུར་ནས། །གཞུ་ཡི་ཚུལ་གྱིས་ས་སྟེང་ཀུན། །ཀུན་ནས་གཞོམ་པར་བྱས་ནས་ནི། །ལྷ་དང་ལྷ་མིན་གནོད་སྦྱིན་རྣམས། །གང་དག་ས་སྟེང་གནས་པ་འདིར། །གང་ཚེ་སྔགས་པ་འདིར་གནས་ན། །བགེགས་
D494.086.0229b02.01ནི་རྟག་ཏུ་མེད་པར་བྱེད། །རྐང་པ་གཡོན་པ་བརྐྱང་ནས་ནི། །ལག་གཉིས་པདྨ་ལྟར་སྦྱར་ཏེ། །སྔགས་པ་འབར་བས་ཀླད་ལ་བསྐོར། །རྐང་པས་སེང་གེའི་སྟབས་བཞིན་འདོར། །ཁྲོ་དང་བཅས་པས་བགེགས་བཅོམ་ན། །གལ་ཏེ་སངས་རྒྱས་ཀྱིས་བྱས་
D494.086.0229b03.01ཀྱང་། །བགེགས་དེ་ཐལ་བར་བརླགས་པའམ། །ཐེ་ཙོམ་མེད་པར་འཆི་བར་འགྱུར། །མཁས་པས་རྒྱུད་རྣམས་ཐམས་ཅད་ལས། །དངོས་གྲུབ་ཅི་སྙེད་གསུངས་པ་རྣམས། །དེ་དག་ཐམས་ཅད་མདོར་བསྡུ་ན། །རྣམ་པ་བཞིར་ནི་མ་ལུས་འདུས། །ལས་ཀྱི་དང་
D494.086.0229b04.01པོ་ཞི་བ་སྟེ། །དེ་བཞིན་གཞན་ཡང་རྒྱས་པ་དང་། །དབང་དང་དྲག་ཤུལ་སྤྱོད་པའི་ལས། །རྣམ་པ་འདི་བཞིར་རབ་ཏུ་བསྒྲགས། །དེ་ལ་ཐར་པ་ལ་སོགས་པའི་དངོས་གྲུབ་དང་། གདོན་ལ་སོགས་པའི་གནོད་པ་ཞི་བར་བྱ་བ་དང་། ཚེ་རིང་བར་བྱ་བ་ནི་ཞི་བའོ། །ཡིད་
D494.086.0229b05.01བཞིན་གྱི་ནོར་བུ་དང་། རལ་གྲིའི་རིག་སྔགས་འཆང་དང་། འཁོར་ལོས་སྒྱུར་བའི་རྒྱལ་སྲིད་ལ་སོགས་པ་དང་། ནོར་བསྒྲུབ་པ་གང་ཡང་རུང་སྟེ། དེ་དག་ཐམས་ཅད་ནི་རྒྱས་པའོ་ཞེས་གསང་སྔགས་ལ་མཁས་པ་རྣམས་སྨྲའོ། །སྐྱེས་པ་དང་། བུད་མེད་དང་། ཁྱེའུ་
D494.086.0229b06.01དང་། བུ་མོ་དང་། རྒྱལ་པོ་དང་། བློན་པོ་ལ་སོགས་པ་དང་། ལྷ་དང་ཀླུ་དང་གནོད་སྦྱིན་དང་གནོད་སྦྱིན་མོ་དང་ལྷ་མ་ཡིན་མོ་དང་ཤ་ཟ་མོ་ལ་སོགས་པ་དབང་དུ་བྱ་ཞིང་དགུག་པ་ནི་དབང་དུ་བྱ་བའོ་ཞེས་རིག་སྔགས་འཆང་རྣམས་སྨྲའོ། །བཅིང་བ་དང་། གནོད་པར་བྱ་བ་དང་།
D494.086.0229b07.01