完整藏文原文 · 德格版页 当前仅加载第 86 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
དང་བཅས། །དེར་ཡང་གཙུག་ཏོར་གཞག་པ་ནི། །ཆ་གསུམ་ལ་ནི་གནས་པར་བྱ། །དབུས་མའི་ཆ་ནི་བོར་ནས་སུ། །དེར་ཡང་སྤྱན་ནི་བྲི་བར་བྱ། །རང་གི་འོད་འབར་དབུས་ན་གནས། །མདོར་ན་ས་བོན་ལྡན་པར་བྱ། །བྱང་ཆུབ་སེམས་དཔའ་ཐམས་ཅད་ཀྱི། །ཡིད་
D494.086.0211a01.01བཞིན་ནོར་བུ་རྒྱལ་བས་གསུངས། །དེ་ཡི་དཀྱིལ་འཁོར་བཤད་པ་ནི། །ཆུ་ཡི་ཡིན་ཏེ་ཐམས་ཅད་སྒོ། །ཤིན་ཏུ་དྲི་མེད་རབ་ཏུ་ཞི། །རེ་བ་ཐམས་ཅད་རྫོགས་བྱེད་པའོ། །དེ་ནས་ཤཱཀྱ་སེང་གེའི་ཡང་། །དེས་པས་དཀྱིལ་འཁོར་མཉན་པར་གྱིས། །དེར་ནི་དབང་ཆེན་ཞེས་བྱ་བ། །ཁ་
D494.086.0211a02.01དོག་སེར་པོས་ཉེ་བར་བརྒྱན། །ཀུན་ཏུ་གྲུ་བཞི་ལྷམ་པ་ལ། །དབུས་སུ་རྡོ་རྗེ་སྔ་མ་བཞིན། །དེ་ཡི་སྟེང་དུ་པདྨ་ནི། །ཀུན་ཏུ་ཁ་དོག་སེར་པོ་གཞག །དེ་སྟེང་ལྷུང་བཟེད་ཆེན་པོ་སྟེ། །རྡོ་རྗེས་མཚན་པ་འབར་དང་བཅས། །ཡང་ན་ཆོས་གོས་འཁར་གསིལ་དག །{གོ་རིམས་,གོ་རིམ་}བཞིན་དུ་
D494.086.0211a03.01གཞག་པར་བྱ། །གཙུག་ཏོར་ལྔ་པོ་གང་བསྒྲགས་པ། །དེ་རྣམས་ཕྱག་རྒྱ་ཤེས་བྱ་བ། །གདུགས་དཀར་པོས་ནི་གདུགས་སུ་བྱ། །རྒྱལ་བའི་གཙུག་ཏོར་བློ་ལྡན་ནི། །མཚན་མ་རལ་གྲིར་གཞག་པ་ནི། །འོད་ཟེར་རྣམས་ནི་འཕྲོ་བར་བྱ། །རྣམ་པར་རྒྱལ་བའི་འཁོར་ལོ་ཡིན། །རྣམ་
D494.086.0211a04.01པར་འཐོར་བའི་ལྕགས་ཀྱུར་འདོད། །གཟི་བརྗིད་ཕུང་པོ་སྐལ་ཆེན་གྱི། །གཙུག་ཏོར་བཟང་པོ་ཡིན་པར་འདོད། །ཆེར་འབྱུང་བའི་ནི་རྡོ་རྗེ་ཡིན། །མངོན་པར་འབྱུང་བ་པད་མར་འདོད། །དུང་ནི་མཐའ་ཡས་སྒྲ་དབྱངས་ཀྱི། །ཁ་དོག་བྱེ་བྲག་ལས་ཤེས་བྱ། །མཛོད་སྤུའི་ཡིད་བཞིན་ནོར་བུ་
D494.086.0211a05.01ཡིན། །སྤྱན་གྱི་ཡང་ནི་འདི་ཉོན་ཅིག །གཙུག་ཏོར་ཐམས་ཅད་སེར་པོ་སྟེ། །རྡོ་རྗེའི་མཚན་མས་མཚན་པར་བྱེད། །གཞན་གྱིས་མི་ཐུབ་མ་ཡིས་ནི། །ལག་པ་ངོ་མཚར་པདྨ་ཅན། །གཞན་གྱིས་མི་ཐུབ་ཞེས་བྱ་བའི། །ཁ་ཆེན་པདྨ་གནག་ལ་གནས། །གཙང་མར་གནས་པ་གང་གྲགས་
D494.086.0211a06.01པ། །གཙང་མར་རྟོགས་པའི་སྤྱོད་ཡུལ་ཅན། །དེ་དག་གི་ནི་ཕྱག་རྒྱ་ཡི། །མཚན་ཉིད་དགོད་པ་དེས་པས་ཉོན། །སེམས་དཔའི་ལག་དང་དགེ་བའི་ལག །འཛུམ་པའི་ལག་ཀྱང་དེ་བཞིན་གཞན། །ལག་ན་མེ་ཏོག་ནམ་མཁའི་ལག །ཆོ་ག་རྒྱས་པར་བྲི་བར་བྱ། །ས་ཡི་ལྷ་མོའི་བུམ་
D494.086.0211a07.01