完整藏文原文 · 德格版页 当前仅加载第 70 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དང་སེམས་ལས་བྱུང་བ་རྣམས་རྙོག་པ་ཅན་དུ་བྱས་པ་ལས་ཀྱང་འཇིགས་པ་དང་བཅས་པར་འགྱུར་བ་དང་། ཉེ་བར་འཚེ་བ་དང་བཅས་པའི་སྡུག་བསྔལ་རྣམས་སེམས་དང་སེམས་ལས་བྱུང་བ་རྣམས་ལ་སྐྱེད་པར་བྱེད་དོ། །དེ་ལ་གཟུགས་ཀྱི་ཚོགས་དེ་དག་རྣམས་ཀུན་ལ་དང་
D287.070.0301b01.01པོར་འདི་འཇུག་པར་འགྱུར་བ་ནི། འདི་ལྟ་སྟེ་དགྲ་བོ་དང་ཕྲད་པའམ་སྡིག་པའི་གྲོགས་པོའི་སྐྱེས་བུ་དང་ཕྲད་པའོ། །དེ་བཞིན་དུ་རྣ་བས་ཀྱང་སྒྲ་རྣམས་ཐོས་པ་ན་མི་ཕན་པ་དང་མི་སྡུག་པ་དང་ཡིད་དུ་མི་འོང་ཞིང་རྗེས་སུ་མི་འཐུན་པ་རྣམས་འདི་ལ་སྐྱེད་པར་བྱེད་པ་དང་། ཡིད་ཀྱི་རྒྱུན་
D287.070.0301b02.01ཀྱང་རྙོག་པ་ཅན་དུ་བྱེད་པ་འདི་ནི་མི་སྡུག་པ་དང་ཕྲད་པའི་སྡུག་བསྔལ་གཞན་ཡིན་ནོ། །དེ་ལ་མི་འཐུན་པའི་སྒྲ་རྣམས་ཀྱི་ཕུལ་དུ་ཕྱིན་པ་ནི་འདི་ཡིན་ཏེ། འདི་ལྟར་དམ་པ་མ་ཡིན་པའི་ཆོས་སྒྲོགས་པ་ན་ཡང་དེ་ཉན་པར་བྱེད་པའོ། །འདི་ཐོས་ནས་ལུས་ཞིག་པ་ན་ཡང་ངན་སོང་ལོག་
D287.070.0301b03.01པར་ལྟུང་བ་དམྱལ་བ་རྣམས་སུ་སྐྱེ་བར་འགྱུར་རོ། །གང་ཡང་གཞན་ཅུང་ཟད་སྒྲ་མི་སྙན་པ་དང་མི་སྡུག་པ་དང་མི་འཐུན་པ་དང་ཀུན་ནས་ཉོན་མོངས་པ་ཅན་རྣམས་གང་དག་ཐོས་ནས་འདི་དག་རྣམས་ཀྱི་ཡིད་མི་བདེ་བ་སྐྱེད་པར་བྱེད་པ་དང་། སེམས་ཀྱི་རྒྱུད་ཀྱང་རྙོག་པ་ཅན་
D287.070.0301b04.01དུ་བྱེད་པར་འགྱུར་བ་དང་། མི་འདོད་པ་མི་སྡུག་པ་ཡིད་དུ་མི་འོང་བ་འདི་ནི་མིའི་འཇིག་རྟེན་པའི་མི་རྣམས་ཀྱི་མི་སྡུག་པ་དང་ཕྲད་པ་ལས་སྐྱེས་པའི་སྡུག་བསྔལ་ཞེས་བརྗོད་དོ། །ལྷ་དག་གང་མི་རྣམས་ཀྱི་མིའི་འཇིག་རྟེན་དུ་མི་འཐུན་པ་དང་ཕྲད་པ་ལས་སྐྱེས་པའི་སྡུག་བསྔལ་གསུམ་པ་
D287.070.0301b05.01གཞན་གང་ཞེ་ན། འདི་ལྟ་སྟེ་སྣས་ཇི་སྲིད་དུ་དྲི་རྣམས་སྣོམ་པར་བྱེད་པ་ན་མི་འདོད་པ། མི་སྡུག་པ། ཡིད་དུ་མི་འོང་བ་རྣམས་དང་། གང་ཡང་འདིས་བསྣམས་པར་གྱུར་པས་སེམས་ཀྱི་རྒྱུད་རྙོག་པ་ཅན་དུ་སྐྱེད་པར་བྱེད་པ་དང་། ཡང་ཡིད་ཀྱི་རྗེས་སུ་མི་འཐུན་པར་གྱུར་པ་
D287.070.0301b06.01གང་གིས་འདི་ཀུན་ནས་ཉོན་མོངས་པ་ཅན་གྱི་སྡུག་བསྔལ་རྣམས་སྐྱེད་པར་བྱེད་པའོ། །ཀྱེ་ཧོ་ལྷ་དག་དེ་ལ་འདི་ནི་མི་རྣམས་ཀྱི་མིའི་འཇིག་རྟེན་ན་མི་སྡུག་པ་དང་ཕྲད་པ་རྣམས་ཀྱི་ཕུལ་དུ་ཕྱིན་པ་ཡིན་ཏེ། དགེ་ལེགས་སུ་གྱུར་པའི་སྐྱེས་བུ་གཞན་དག་གང་ཡང་རུང་བ་རྣམས་ཀྱིས་ཆོས་
D287.070.0301b07.01