完整藏文原文 · 德格版页 当前仅加载第 70 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་བདག་པོའི་དགེ་བ་དང་མི་དགེ་བས་བྱས་པའི་སྐྱེ་བ་རྣམ་པ་དུ་མ་རྣམས་ལྟ་བར་རྩོམ་མོ། །གཞན་ཡང་རྩིག་པའི་ལོགས་གཞན་ཞིག་ལ་ཀུན་ཏུ་བལྟ་བར་བརྩམས་པ་ན། དེ་ནས་གཏུམ་པ་མ་ཡིན་པའི་གཟུགས་ཞེས་བྱ་བའི་འཐབ་བྲལ་གྱི་མངའ་བདག་མཐོང་བར་གྱུར་ཏོ། །
D287.070.0150a01.01དེ་ལས་གང་གིས་འཐབ་བྲལ་བ་རྣམས་ཀྱི་མངའ་བདག་བྱས་པར་གྱུར་ནས། དེ་དག་མཐོང་བར་གྱུར་པ་ཇི་ལྟར་སྔོན་གྱི་དུས་ན་མིའི་འཇིག་རྟེན་དུ་མང་པོར་བྲམ་ཟེར་གྱུར་ནས་ཡང་དག་པའི་ལྟ་བས་ཚུལ་ཁྲིམས་བཟང་པོ་དང་ལྡན་པར་གྱུར་པས་བཙོན་ཁང་དུ་བཅིངས་པ་རྣམས་དང་། ཤིན་ཏུ་སྡུག་བསྔལ་
D287.070.0150a02.01བ་རྣམས་དང་། མགོན་མེད་པ་རྣམས་དང་། མུ་གེས་མནར་བ་རྣམས་ལ་སེམས་ཀྱིས་ཟིན་པར་བྱས་ཏེ། རབ་ཏུ་དང་བར་གྱུར་པའི་ཡིད་ཀྱིས་ཟས་བསོད་པར་གྱུར་པ་རབ་ཏུ་མང་པོ་རྣམས་བྱིན་ལ་སྡོམ་པ་ཡང་དུས་ཚིགས་ལ་བཟུང་ངོ་། །དེ་རྒྱུ་དེ་དང་། རྐྱེན་དེ་དང་། བཙོན་ར་ན་
D287.070.0150a03.01བཅིངས་པའི་མི་རྣམས་བཀྲོལ་བའི་གཞི་དེ་དག་རྣམས་ཀྱིས་དེ་ལུས་ཞིག་ནས་མཐོ་རིས་བདེ་འགྲོ་ལྷར་སྐྱེས་སོ། །དེ་ལྟར་སྦྱིན་བདག་བྲམ་ཟེ་དེ་ལུས་ཞིག་ནས་མཐོ་རིས་བདེ་འགྲོའི་འཇིག་རྟེན་རྣམས་ལས་འཐབ་བྲལ་བའི་བདག་པོར་གྱུར་ཏོ། །རབ་ཏུ་གཏུམ་པ་མ་ཡིན་པའི་གཟུགས་
D287.070.0150a04.01ཞེས་བྱ་བ་དེས་འཐབ་བྲལ་བ་རྣམས་ཀྱི་མངའ་བདག་བྱས་ནས་ལས་བྱས་པར་གྱུར་ནས་རབ་ཏུ་ཤི་འཕོས་ཏེ་མིར་སྐྱེས་པར་གྱུར་པ་ལ་རྫུ་འཕྲུལ་ཆེན་པོ་དང་ལྡན་པ་མཆོག་ཏུ་གཟི་བརྗིད་ཆེ་བའི་རྒྱལ་པོར་གྱུར་ཏོ། །དེ་དེར་རྒྱལ་པོར་བྱས་པར་གྱུར། ལུས་ཞིག་པ་ན་ཕྱིས་ཡང་སུམ་ཅུ་རྩ་གསུམ་
D287.070.0150a05.01པ་རྣམས་ཀྱི་ལྷར་སྐྱེས་སོ། །དེ་དེ་ལ་རྣམ་པ་དུ་མར་བདེ་བ་ཆེན་པོ་རྣམས་ལ་ཉེ་བར་ལོངས་སྤྱད་ནས་དུས་རྣམས་འདས་པ་དང་། རབ་ཏུ་ཤི་འཕོས་པར་གྱུར་ཏེ། ལྷ་མ་ཡིན་དུ་སྐྱེས་པར་གྱུར་ནས་རྫུ་འཕྲུལ་ཆེ་བ་དང་། སྟོབས་ཆེན་པོ་དང་ལྡན་པར་གྱུར་ཏོ། །དེ་དེ་ལས་ཀྱང་ཤི་འཕོས་པར་གྱུར་
D287.070.0150a06.01ཏེ་སླར་ཡང་མིར་སྐྱེས་ནས་སྟོབས་ཆེན་པོ་དང་ལྡན་པའི་ཁྱིམ་བདག་ནོར་ཆེ་བར་གྱུར་ཏོ། །དེ་ལས་ཀྱང་ཤི་འཕོས་པར་གྱུར་ནས་ཕྱིས་ཡང་བ་ལང་སྤྱོད་པ་རྣམས་ཀྱི་གླིང་གི་མིར་སྐྱེས་སོ། །དེ་ལས་ཀྱང་ཤི་འཕོས་པར་གྱུར་ནས་སླར་ཡང་མི་རྣམས་ལས་ཡུལ་ཆུང་གི་སྐྱེ་བོར་སྐྱེས་སོ། །དེས་སེམས་
D287.070.0150a07.01