完整藏文原文 · 德格版页 当前仅加载第 70 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ཞིང་། དུས་ཡུན་རིང་དུ་འདས་པའི་ཕྱིར་དང་། དེའི་ལས་རྣམས་ཀྱང་ཟད་པས་དང་། མི་རྟག་པའི་ཐོག་ངེས་པར་བབ་པས་དང་། ངེས་པར་མྱོང་བར་འགྱུར་བ་ཡིན་པས་ཏེ། སེམས་ཅན་ཐམས་ཅད་ཀྱིས་ངེས་པར་མྱོང་བར་འགྱུར་བར་ངེས་པ་ནི་གང་ལོངས་སྤྱོད་དང་
D287.070.0053b01.01ན་ཚོད་དང་ཤེས་པ་རྣམས་སེམས་ཅན་ཐམས་ཅད་ཀྱིས་ངེས་པར་མྱོང་བར་འགྱུར་བ་ནི་མི་རྟག་པའི་དབང་གིས་ན། ཚེ་ཡོངས་སུ་ཟད་པས་དང་། ལེགས་པར་བྱས་པའི་ལས་རྣམས་ཀྱང་ཡོངས་སུ་ཟད་པར་གྱུར་ནས་འཆི་འཕོས་ནས་དགའ་ལྡན་གྱི་ལྷའི་རིགས་དེ་ལས་ལྟུང་བ་ཡིན་ནོ། །
D287.070.0053b02.01འབྱུང་བར་འགྱུར་བའི་འདུས་བྱས་དེ་ནི་སྣ་ཚོགས་པའི་བུད་ཤིང་དང་ཆུ་དང་ཡང་དག་པར་ལྡན་པས་འདི་ལྟ་སྟེ། སྐྱེ་བ་དང་ལྡན་པའི་ཡན་ལག་རྣམས་ཀྱང་གར་སྐྱེས་པའི་འདུས་བྱས་རྣམས་ནི་སྟོབས་ཀྱིས་མི་འཇིགས་པ་དེ་ནི་ཁམས་གསུམ་ན་ཡོད་པ་མ་ཡིན་ཏེ། མི་ཟད་པ་དང་མཐར་
D287.070.0053b03.01ཐུག་པར་མི་འགྱུར་ན་ནི་དེ་དག་རྟག་པར་འགྱུར་བ་ཞིག་ན། སེམས་ཅན་དང་བཅས་པ་རྣམས་ལ་གནས་སྐབས་འདི་ནི་དམིགས་པ་ཡང་མ་ཡིན་ཏེ། འདུས་བྱས་རྣམས་ནི་འཇིག་པར་འགྱུར་བའི་ངོ་བོ་ཡིན་པའི་ཕྱིར་རོ། །སེམས་ཅན་ངེས་པར་ལྟུང་བའི་མཐའ་པ་ཡིན་པས་བདག་
D287.070.0053b04.01ཅག་གི་ལྷའི་རིས་སུ་དེ་དགའ་ལྡན་ནས་ལྷུང་ངོ་། །དེའི་ཡང་ལེགས་པར་བྱས་པའི་ལས་ཟད་ནས་དེའི་རྗེས་ཉིད་ལ་འཆི་འཕོ་བར་འགྱུར་རོ། །སྣུམ་དང་སྡོང་བུ་ཟད་པ་ན་སྒྲོན་མ་སྒྲོན་མའི་ཡུལ་ཕྱོགས་སུ་དུས་ཀྱི་རླུང་གིས་ཡིད་རྣམས་རབ་ཏུ་ཉམས་པར་འགྱུར་རོ། །ཇི་ལྟར་ས་བོན་གྱི་རྣམ་
D287.070.0053b05.01པ་ཉམས་པའི་དུས་ཀྱི་རྗེས་ཐོགས་ལ་མྱུ་གུ་སྐྱེ་བར་འགྱུར་བ་དེ་བཞིན་དུ་ལས་དང་བཅས་པར་ལྐོག་ཏུ་གྱུར་པའི་ཚེ་ཡོངས་སུ་ཟད་པར་གྱུར་པ་དེ་དག་དེའི་རྗེས་ལ་དེ་ལྟར་འཆི་འཕོའོ། །དེའི་འོད་དེ་དག་ཁྱེད་ཀྱིས་མཐོང་བར་ཟད་དོ། །ལས་ཡོངས་སུ་ཟད་ནས་ཤི་བའི་རོ་དེའི་ལུས་རྣམ་པར་ཉམས་
D287.070.0053b06.01པ་དེའི་འོད་ཀྱང་འདི་ཡིན་ན། གང་ཡང་གཞན་ལས་གཅིག་གིས་ཡོངས་སུ་སྤྲུལ་པའི་མཆོག་ཏུ་རྒྱ་ཆེ་བས་མཆོག་ཏུ་རྒྱ་ཆེ་བར་གྱུར་པ་ངེས་པར་འབྱུང་བའི་ལས་ཀྱི་འབྲས་བུ་དགེ་བས་སྤྲུལ་པ་མཆོག་ཏུ་འོད་ཀྱི་རང་བཞིན་ཡིན་པ་དེའི་དཔེ་བརྗོད་པ་འདིས་ནི། ཀྱེ་འཐབ་བྲལ་
D287.070.0053b07.01