完整藏文原文 · 德格版页 当前仅加载第 70 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པས་འདོད་ཆགས་དང་བྲལ་བར་ཡང་མི་འགྱུར་རོ། །དེ་ནས་ལྷའི་བདག་པོ་མུ་སུ་ལུན་དྷས་དེ་སྐད་ཅེས་ལྷ་རྣམས་ལ་ཆོས་ཀྱི་དོན་དང་ཡང་དག་པར་ལྡན་པའི་ཚིག་བརྗོད་པས་དེ་ལ་ལྷ་གང་དག་རང་གི་བློ་སྐྱོན་མེད་པས་དེ་དག་རྣམས་ཚིག་གི་བདུད་རྩིའི་
D287.070.0016a01.01རོ་དེ་ལ་དམིགས་པས་ཀྱང་ཆགས་པ་དང་བྲལ་བའི་བློ་སྐྱེས་པར་གྱུར་ནས་དེ་དག་གིས་ལྷའི་རྒྱལ་པོ་དེ་ལ་འདི་སྐད་ཅེས་གསོལ་པ་ནི་ཇི་ལྟར། ཕན་པ་གང་ཡང་དེ་བཞིན་ཡང་། །གང་ཡང་རྣམ་གསུམ་དང་ལྡན་པ། །དེ་ཁོ་ན་ཡི་ཚིག་གང་ནི། །ཕན་པ་མཛད་པའི་ལྷ་
D287.070.0016a02.01ཡིས་གསུངས། །གང་ཞིག་ཞི་བདག་འཛིན་བྱེད་པ། །བདེ་བ་དམ་པ་རབ་ཏུ་འཐོབ། །བདེ་བ་ལས་ཀྱང་ཆེས་བདེ་བ། །ངེས་པར་རྟག་ཏུ་འགྲུབ་པར་འགྱུར། །གང་དག་དེ་ལས་བཟློག་པ་ཡང་། །བག་མེད་པ་ཡིས་ཉེར་བཅོམ་ལྷ། །རྨོངས་པ་ཡི་ནི་བདག་ཉིད་དེ། །
D287.070.0016a03.01དམྱལ་བར་སྐྱེ་བར་འགྱུར་བ་ཡིན། །དེ་ལྟར་ལྷ་དེས་ལྷ་གཞན་ལ་བརྗོད་ནས་གཞན་ཡང་ལྷ་དེ་ཀུན་ནས་སྐྱོ་བའི་ཡིད་ཀྱིས་ལྷའི་རྒྱལ་པོ་དེ་ལ་འདི་སྐད་ཅེས་སྨྲས་པ། ཇི་ལྟར་ལྷ་དབང་རྣམ་པ་ཐམས་ཅད་དུ་བདག་ཅག་ཐེ་ཚོམ་དུ་གྱུར་ཏེ་ཁང་བུར་ཞུགས་པའི་ལྷ་དེ་རྣམས་
D287.070.0016a04.01ཅི་ཞིག་ནོངས། དེ་ལྟར་ཀུན་ནས་སྐྱོ་བའི་ཡིད་མངོན་པར་མཐོང་བ་དང་། བག་ཡོད་པར་གནས་པ་ཡང་ཡིད་ཀྱིས་ཀུན་ཏུ་མཐོང་ནས་དེ་བཞིན་དུ་རྟོགས་པས་དེའི་དབང་དུ་བྱས་པ་སྤངས་ཏེ། སླར་ཡང་ལྷ་དེ་དེ་དག་ཉིད་ཕན་ཚུན་དུ་ལེགས་པར་སྟོན་པར་བྱེད་དོ། །དེ་ནས་
D287.070.0016a05.01དེ་དག་རྣམས་ཕན་ཚུན་དུ་མངོན་པར་མཐོང་ནས་རྗེས་སུ་འཐུན་པར་སྤྱོད་པའི་ཚོགས་ཀུན་དང་མཆོག་ཏུ་དགའ་བ་དང་ལྡན་པར་གྱུར་ཏོ། །དེ་ནས་དེ་དག་ཉིད་ཁོ་ན་ཡིད་རབ་ཏུ་དགའ་བ་རྣམས་ལ་གཞན་ཡང་མུ་སུ་ལུན་དྷས་བརྗོད་པ། ཇི་ལྟར་ལྷ་རྣམས་ཕན་ཚུན་དུ་མ་
D287.070.0016a06.01མཐོང་བ་ནི་ངའི་རྫུ་འཕྲུལ་གང་དག་གི་སྟོབས་ཀྱིས་བཀབ་པར་གྱུར་པ་ཡིན་ལ། ཡང་གང་གི་ཚེ་ཤུགས་ཆེན་པོ་དང་ལྡན་པ་རབ་ཏུ་འཇིགས་པ་རབ་ཏུ་འཇོམས་པའི་འཆི་བདག་རྒྱལ་པོ་དེ་འོང་བར་གྱུར་ནས་དམྱལ་བ་དང་{ཡི་དགས་,ཡི་དྭགས་}དང་དུད་འགྲོར་སྐྱེས་པར་གྱུར་པ་དེའི་ཚེ་
D287.070.0016a07.01