完整藏文原文 · 德格版页 当前仅加载第 70 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
ནོ། །གང་དག་ཞེ་ན། འདི་ལྟ་སྟེ། གྲགས་པས་རྗེས་སུ་དགའ་བར་གྱུར་ནས་གྲོང་ཁྱེར་དང་ཡུལ་ལྗོངས་ཕུན་སུམ་ཚོགས་པར་འགྱུར་བ་དང་། དེ་དག་རྣམས་ཀྱིས་ཡོངས་སུ་སྤོང་བར་ཡང་མི་འགྱུར་རོ། །དེས་ཡུལ་ལྗོངས་གཞན་གྱི་མཆོད་པ་ཡང་
D287.070.0241a01.01བླ་ན་མེད་པ་དུ་མ་འཐོབ་བོ། །དེ་ཉིད་མངོན་པར་ཀུན་དུ་མཐོང་ནས་ཀྱང་ཕས་ཀྱི་དཔུང་རྣམས་ཀྱིས་ཀྱང་ཟིལ་གྱིས་མི་ནོན་ནོ། །འདི་ལ་དགྲ་རྣམས་ཀྱིས་བར་དུ་གཅོད་པ་ཕྲ་མོ་ཙམ་ཡང་བྱ་བར་གླགས་མི་ཐོད་དོ། །དེ་ཡུལ་དང་གྲོང་ཁྱེར་གྱི་མཆོག་རྣམས་དང་ལྡན་པར་འགྱུར་བ་ནི་
D287.070.0241a02.01གོམས་པར་མ་གྱུར་པ་རྣམས་ལ་ཡང་མཐོང་བའི་ཆོས་ཀྱི་སྦྱིན་པའི་འབྲས་བུ་ཡིན་ནོ། །གང་ཡང་ཞིང་དང་། དངོས་པོ་དང་། བསམ་པ་ཕུན་སུམ་ཚོགས་པས་སྦྱིན་པ་བྱིན་པར་གྱུར་པ་རྣམས་ལ་ལྟ་ཅི་སྨོས། དེས་ནི་གཅིག་ཏུ་དགའ་བར་གྱུར་པ་དང་། གཅིག་ཏུ་ངན་སོང་གི་
D287.070.0241a03.01སྒོ་རྣམ་པར་སྡོམ་པ་དང་། གཅིག་ཏུ་རྣམ་པར་སྨིན་པ་བདེ་བར་འགྱུར་རོ། །དེ་ལ་སྦྱིན་པ་སྦྱིན་པར་བྱ་བ་རྣམས་ནི་རྣམ་པ་དུ་མ་ཡོད་དོ། །རྣམ་པ་དུ་མ་དེ་ཡང་གང་ཞེ་ན། འདི་ལྟ་སྟེ། ཟང་ཟིང་གི་སྦྱིན་པ་དང་། མི་འཇིགས་པའི་སྦྱིན་པ་དང་། ཆོས་ཀྱི་སྦྱིན་པའོ། །
D287.070.0241a04.01རྣམ་པ་དེ་ལྟ་བུའི་སྦྱིན་པ་རྣམས་གང་གི་ཚེ་རྒྱལ་པོ་དེས་དགེ་སྦྱོང་དང་བྲམ་ཟེ་རྣམས་ལ་གཏོང་བར་བྱེད་པ་དེ་ཡང་ལུས་ཞིག་ནས་མཐོ་རིས་བདེ་འགྲོའི་འཇིག་རྟེན་འཐབ་བྲལ་བའི་ལྷ་རྣམས་ཀྱི་བདག་པོར་ལས་དེའི་རྒྱུ་དང་རྐྱེན་རྣམས་ཀྱིས་འགྱུར་རོ། །གཞན་ཡང་རྒྱལ་པོ་རྒྱལ་
D287.070.0241a05.01རིགས་སྤྱི་བོ་ནས་དབང་བསྐུར་བ་ལ་གཅེས་པར་འགྱུར་བའི་ཆོས་འཇིག་རྟེན་གཉིས་ལ་ཕན་པར་བྱེད་པ་ཡོད་དེ། འདི་ཡང་གང་ཞེ་ན། ཆོས་བྱེད་པ་མ་ཡིན་པ་རྣམས་མི་འཛིན་པའོ། །རྒྱལ་པོ་རྒྱལ་རིགས་རྣམས་ཀྱང་གང་གི་ཕྱིར་ཆོས་དང་ལྡན་པ་དང་། ཆོས་ཀྱི་རྗེས་
D287.070.0241a06.01སུ་འཇུག་པ་ཡིན་ནོ། །ཆོས་བྱེད་པ་མ་ཡིན་པའི་སྐྱེ་བོ་རྣམས་ངེས་པར་འགེགས་པར་མི་བྱེད་པ་དང་། འཛིན་པར་བྱེད་པ་དང་། ཆོས་བྱེད་པ་མ་ཡིན་པ་རྣམས་ཀྱིས་མགྲིན་པ་མི་གཙང་བར་བྱེད་པ་པོ་ལོག་པར་ལྟ་བས་{རི་དགས་,རི་དྭགས་}ཀྱི་འཁོར་བ་འགྲོལ་བར་བྱེད་པ། མཆོད་
D287.070.0241a07.01