完整藏文原文 · 德格版页 当前仅加载第 70 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
པ་པོ་དང་། སྦྱིན་བདག་རྣམས་དང་། དགེ་སྦྱོང་དང་། བྲམ་ཟེ་རྣམས་ཀྱིས་དང་། ཁྱིམ་བདག་རྣམས་ཀྱིས་ཁྱིམ་ཡང་བཤིག་ནས་གང་ན་སངས་རྒྱས་བཞུགས་པ་དེར་འོང་ངོ་། །དེའི་ཚེ་ཡང་དག་པའི་རྒྱུ་མཚན་དུ་གྱུར་པ་སྟོན་པར་མཛད་པའི་རྒྱུ་མཚན་རྣམས་ཀྱང་དགེ་སྦྱོང་དང་བྲམ་ཟེ་རྣམས་ཀྱིས་འདི་
D287.070.0175b01.01ལྟར་ཉེ་བར་མཚོན་པར་འགྱུར་རོ། །ཇི་ལྟར་ཆུང་དུ་ན་འདིར་སངས་རྒྱས་བཅོམ་ལྡན་འདས་ཀྱི་ལེགས་པར་བསྟན་པའི་གསུང་གིས་དམ་པའི་ཆོས་དག་གི་ཆར་འབེབས་པར་འགྱུར་ཏེ། སྦྱིན་པ་པོ་དང་། སྦྱིན་བདག་རྣམས་དང་། དགེ་སྦྱོང་དང་། བྲམ་ཟེ་དང་། ཁྱིམ་བདག་རྣམས་གང་དག་ཡིན་པ་
D287.070.0175b02.01དེ་དག་རྣམས་གང་ན་བཅོམ་ལྡན་འདས་སྤྲིན་དང་ལྡན་པར་གྱུར་པས་ཆར་མངོན་པར་འབེབས་པར་མཛད་པ་དེར་ཉེ་བར་ལེགས་པར་འགྲོ་བར་བྱེད་དོ་ཞེས་པའི་རྒྱུ་མཚན་འདི་དག་ནི་མཆོག་ཡིན་གྱི་ཐ་མལ་པའི་ཆར་འབབ་པར་འགྱུར་བའི་རྒྱུ་མཚན་ནི་མ་ཡིན་ནོ། །གཞན་ཡང་དགེ་སྦྱོང་ངན་པ་དགེ་སྦྱོང་དུ་
D287.070.0175b03.01ཁས་འཆེས་པ་འདི་དག་གིས་ཟླ་བ་གཟས་འཛིན་པའི་རྒྱུ་མཚན་ཉེ་བར་རྟོག་པར་བྱེད་དོ། །མ་ཐ་ཡང་ཟླ་བ་གཟས་འཛིན་པ་འབྱུང་བར་འགྱུར་ཏེ། ཇི་ལྟར་ཆུར་མར་ནག་ནུབ་པར་འགྱུར་རོ། །རྒྱུ་མཚན་དེ་དག་རྣམས་ནི་མཛེས་པ་མ་ཡིན་ཞིང་ཞི་བར་འགྱུར་བ་ཡང་མ་ཡིན་ནོ། །དགེ་སྦྱོང་གིས་གང་
D287.070.0175b04.01མཛེས་པར་གྱུར་པའི་རྒྱུ་མཚན་འཇིག་རྟེན་ལས་འདས་པ་འདི་དུ་མ་རྣམས་དཔྱད་པར་བྱའོ། །ཆུང་དུ་ན་དུས་ཐ་མར་གྱུར་པ་རྩོད་ལྡན་གྱི་དུས་ན་དམ་པའི་ཆོས་ཟླ་བ་གཟས་འཛིན་པ་འབྱུང་བར་འགྱུར་ཏེ། ཇི་ལྟར་དམ་པའི་ཆོས་ཀྱི་མར་ནག་འདི་དག་རྣམས་ལོག་པར་ལྟ་བའི་སྐྱེ་བོ་རྣམས་ཀྱི་སྙིང་ལ་ནུབ་པར་འགྱུར་
D287.070.0175b05.01རོ། །འབྱིན་པར་མི་བྱེད་དོ། །རྒྱུ་མཚན་འདི་དག་རྣམས་མཆོག་ཡིན་གྱི་འཇིག་རྟེན་པའི་ཟླ་བ་གཟས་འཛིན་པའི་རྒྱུ་མཚན་ནི་མ་ཡིན་ནོ། །གཞན་ཡང་གལ་ཏེ་དགེ་སྦྱོང་ངན་པ་དགེ་སྦྱོང་དུ་ཁས་འཆེས་པ་འདི་འཇིག་རྟེན་པའི་ཟླ་བ་གཟས་འཛིན་པ་མཆོག་ཡིན་པའི་རྒྱུ་མཚན་རྣམས་ཉེ་བར་མཚོན་པར་བྱེད་
D287.070.0175b06.01དོ། །ཇི་ལྟར་ཟླ་བ་གཟས་འཛིན་པར་འགྱུར་ཏེ། ཇི་ལྟར་བྱ་འདི་དག་རྣམས་ཀྱང་ནམ་མཁའ་ལ་དམའ་བ་ནས་འཕུར་རོ་ཞེས་ཉེ་བར་འཛིན་པའི་རྒྱུ་མཚན་འདི་ནི་མཛེས་པ་མ་ཡིན་ནོ། །དགེ་སྦྱོང་རྣམས་དང་དགེ་སྦྱོང་དུ་ཁས་འཆེས་པ་རྣམས་ཀྱིས་མཛེས་པར་གྱུར་པ་འཇིག་རྟེན་ལས་འདས་པའི་རྒྱུ་མཚན་
D287.070.0175b07.01