完整藏文原文 · 德格版页 当前仅加载第 70 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
བློ་གྲོས་དམན་པ་རྣམས་སྲིད་པ་ལ་མངོན་པར་ཞེན་པས་ཚུལ་ཁྲིམས་ལ་སྤྱོད་པར་བྱེད་དེ་རྒྱུ་གང་གིས་གང་དག་སྲིད་པ་ལ་སྲེད་པའི་བློ་དམན་པ་ཚུལ་ཁྲིམས་ལ་སྤྱོད་ལ། ཇི་ལྟར་ཚུལ་ཁྲིམས་དེས་བདག་ཅག་རྣམས་ལྷར་སྐྱེ་བར་འགྱུར་རོ་ཞེས་སྙམ་པའི་བློ་དེ་བཟློག་པར་བྱ་བའི་
D287.070.0005b01.01དོན་དུ་འདི་དག་རྣམས་མི་རྟག་པ་དང་། འཕོ་བར་འགྱུར་བ་དང་། འཐུན་པ་རྣམས་དང་རྣམ་པར་འབྲལ་བར་འགྱུར་བའི་སྐྱོན་རྣམས་བརྗོད་དོ། །སྲིད་པ་ལ་མངོན་པར་སྲེད་པའི་རྒྱུ་ཅུང་ཟད་ཙམ་པོ་གང་ཡིན་པས་ཀྱང་དགེ་བའི་ཆོས་རྣམས་ཐམས་ཅད་ཀྱི་བར་ཆད་བྱེད་
D287.070.0005b02.01པར་འགྱུར་རོ། །སྟེང་དང་འོག་དང་ཐད་ཀར་བསྡུས་པ་ནི་གནས་རྣམས་ན་གང་དག་རྟག་པ་དང་ཐེར་ཟུག་དང་། རྣམ་པར་མི་རྟོག་པར་འགྱུར་བའི་གོ་སྐབས་དེ་ནི་ཡོད་པ་མ་ཡིན་ནོ། །རྒྱུ་འདིས་ཀྱང་མཐོ་རིས་འདི་དག་རྣམས་ཀྱི་བསྔགས་པ་བརྗོད་ཀྱི་སྲིད་པ་ལ་སྲེད་པ་འབའ་
D287.070.0005b03.01ཞིག་གིས་ནི་མ་ཡིན་ནོ། །དེ་ནས་ཡང་ལྷའི་བུ་མོ་དེ་དག་ལྷ་དེ་དག་ལ་ཉེ་བར་བརྟེན་ནས་རྣམ་པར་རྟོག་པ་དུ་མས་གླུ་ལེན་ཅིང་འཇོ་ཞིང་སྒེག་པར་ཡང་བྱེད་དོ། །དེ་ནས་གསར་དུ་སྐྱེས་པས་སྔར་མ་མཐོང་བ་རྣམས་མཐོང་ནས་འདི་སྙམ་དུ་སེམས་པར་གྱུར་ཏེ། འདི་
D287.070.0005b04.01རྣམས་ནི་གང་ཡིན་ཅི་ཞིག་རྟོགས་ནས་འདིར་འོངས་ཏེ། གང་དག་གིས་བདག་ལ་སྟེན་པར་བྱེད། དེ་ནས་སེམས་བསྐྱེད་པ་ཙམ་ཉིད་ན་དེ་ལྟར་ལེགས་པར་བྱས་པའི་ལས་ཀྱིས་བསྐུལ་ནས་གཞོན་ནུ་མ་དེས་འདི་སྐད་ཅེས་སྨྲས་ཏེ། ཇི་ལྟར་ཁྱོད་བདག་ཅག་ལ་དབང་ཆེ་བ་
D287.070.0005b05.01དང་། ཁ་དྲག་པར་ཡང་གྱུར་ཏེ་གསར་པ་ཁྱོད་ལ་ཕན་པ་དང་། བདེ་བ་ལ་གནས་པར་བྱ་བའི་དོན་དུ་རྗེས་སུ་སྤྱོད་ཅིང་ཞབས་འབྲིང་བྱེད་པ་ཡིན་ལ། ཁྱོད་ནི་བདག་གི་ཇོ་བོ་ཡིན་ན་བདག་ཅག་ཅིའི་ཕྱིར་སྨྲ་བར་མི་བྱེད། དེ་ནས་དེས་ཀྱང་དེ་བཞིན་དུ་དེ་དག་རྣམས་གོ་
D287.070.0005b06.01ནས་སྨྲས་པ། གལ་ཏེ་ཇི་ལྟར་ཁྱེད་རྣམས་ཇི་ལྟ་བ་བཞིན་དུ་གལ་ཏེ་ངའི་ཡིན་པར་གྱུར་ན། དེ་དག་རྣམས་ཀྱིས་ཅིས་ཀྱང་བདག་ནགས་དང་ཉེ་བའི་ནགས་རྣམས་ཀུན་ཏུ་ལྟ་བའི་དོན་དུ་འབད་པར་བྱེད་པར་འགྱུར་བ་ཡིན་ལ། ཡིན་པའི་རྒྱུ་མཚན་ཡང་གང་ཡིན་
D287.070.0005b07.01