完整藏文原文 · 德格版页 当前仅加载第 70 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཏུ་སྦྱོར་བའི་ཆོས་ཀྱིས་འཐབ་བྲལ་བའི་བརྗོད་པ་དང་ལྡན་པས་ཀུན་ཏུ་སྦྱོར་བ་ཐོབ་པར་འགྱུར་ན་ཞེས་རྒྱུ་འདིས་ལྷའི་བུ་མོ་རྣམས་ཀུན་ཏུ་རྟོག་པས་ངེས་པར་འོང་བར་འགྱུར་ཏེ། རེ་རེ་ཞིང་ཐམས་ཅད་ཀྱང་ཇི་ལྟར་བདག་ཁོ་ནས་ཐམས་ཅད་ཀྱིས་འཐུན་པར་
D287.070.0009a01.01བྱའོ། །བདག་ཉིད་ཐམས་ཅད་ཀྱིས་ངས་ལྷ་ཉིད་དང་ལྷན་ཅིག་ཏུ་དགའ་བར་བྱའོ། །རྒྱུ་འདིས་བདག་མུ་སུ་ལུན་དྷ་དང་ལྷན་ཅིག་ཏུ་དགའ་བར་བྱའི་གཞན་རྣམས་དང་ནི་མ་ཡིན་ལ་བདག་གཅིག་པུས་སྡུག་པར་ལྟའི་གཞན་འགའ་ཞིག་གིས་ཀྱང་དེ་ལྟར་རྗེས་སུ་འཐུན་པས་
D287.070.0009a02.01ནི་མ་ཡིན་ནོ། །བདག་གིས་གྲོང་པའི་ཆོས་ཀྱི་ཡང་ཐ་མལ་པའི་ཀུན་ཏུ་སྦྱོར་བའི་ཆོས་ཀྱིས་འཐབ་བྲལ་བའི་བརྗོད་པ་དང་ལྡན་པས་ཀུན་ནས་སྦྱོར་བ་ཇི་ལྟ་བ་འཐོབ་པར་འགྱུར་བ་ཡིན་ནོ། །རྒྱུ་འདིས་དེ་དག་རྣམས་ཐམས་ཅད་དེ་བཞིན་དུ་ཀུན་ནས་འོང་བར་འགྱུར་རོ། །
D287.070.0009a03.01རེ་རེ་ཞིང་ཐམས་ཅད་ཀྱང་ངས་འདི་ལ་འཐུན་པ་ཐམས་ཅད་བྱའོ། །ངས་བདག་ཉིད་ཐམས་ཅད་ཀྱིས་ལྷ་དང་གཉིས་རྒྱུ་འདིས་ལྷན་ཅིག་ཏུ་དགའ་བར་བྱའོ། །སླར་ཡང་ལྷ་གསར་དུ་སྐྱེས་པ་དེ་གང་ན་མུ་སུ་ལུན་དྷ་ལྷ་རྣམས་ཀྱི་བདག་པོ་ཡོད་པ་དེར་ཉེ་བར་ལེགས་
D287.070.0009a04.01པར་འགྲོའོ། །དེ་དང་ཤིན་ཏུ་ཐག་ཉེ་བར་ཕྱིན་ནས་མཐོང་བ་ལྷ་བརྒྱ་སྟོང་ཕྲག་དུ་མས་ཡོངས་སུ་བསྐོར་བའི་དབུས་ན་ཡང་ཆེས་གསལ་བར་གྱུར་པའི་དཔལ་དང་ལྡན་པ་རྣམ་པ་དུ་མ་ནས་ཡོན་ཏན་ཐམས་ཅད་ཕུན་སུམ་ཚོགས་པའི་ཚིག་རྣམས་ཀྱིས་དགའ་བར་བྱེད་དོ། །
D287.070.0009a05.01དེས་ལྷ་རྣམས་དང་གསར་དུ་སྐྱེས་པ་ཡང་མི་རྟོགས་པ་ནི་འགའ་ཡང་ཡོད་པ་མ་ཡིན་ནོ། །དེས་བརྒྱ་ལ་ཞིག་ན་ལྷ་གསར་དུ་སྐྱེས་པ་དེ་མཐོང་ན་གང་ན་ལྷ་གསར་དུ་སྐྱེས་པ་ཡོད་པ་དེར་བཞིན་མངོན་དུ་བསྒྱུར་ནས་མིག་གཏོད་པར་བྱེད་དོ། །ལྷ་གཞན་རྣམས་ཀྱིས་
D287.070.0009a06.01ཚིག་སྙན་པ་ཇི་ལྟ་བུ་དང་ལྡན་པས་གསར་དུ་སྐྱེས་པའི་ལྷ་དེ་ལ་སྐུལ་བར་བྱེད་དེ། གཟིགས་པར་མཛད་པ་འདི་ནི་ཇི་ལྟ་བ་བཞིན་དུ་ལྷ་རྣམས་ཀྱི་རྒྱལ་པོ་ཡིན་ནོ། །དེ་ཡིན་པས་ན་ཕྱག་ལེགས་པར་འཚལ་བར་གྱིས་ཤིག །དེ་ལྟར་དེ་བཞིན་དུ་ལྷ་གསར་དུ་སྐྱེས་པ་དེ་དང་
D287.070.0009a07.01