完整藏文原文 · 德格版页 当前仅加载第 70 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ལྷ་གཞན་ལས་ཆེས་ཁྱད་པར་དུ་འཕགས་པ་རྣམས་ཀྱི་ནང་དུ་སྐྱེའོ། །རྒྱལ་པོར་ཡང་འགྱུར་ལ་རྒྱལ་པོའི་བློན་པོའམ་གང་ཡང་ཐར་པའི་ཆ་དང་འཐུན་པའི་ལས་བྱེད་དོ། །གང་ཡང་སེམས་བརྩོན་པ་ནི་བྱང་ཆུབ་གསུམ་ལས་གཞན་གང་རུང་ཞིག་འཐོབ་པ་དེའི་
D287.070.0068a01.01ཡང་ན་རྒྱལ་པོ་འཁོར་ལོས་སྒྱུར་བར་ཡང་དང་ཡང་དུ་འགྱུར་ཏེ། དགེ་བའི་ལས་བསགས་པ་དེའི་དགེ་བའི་ལས་ཀྱིས་སོ། །གལ་ཏེ་དེ་ཉིད་ཀྱིས་ཡང་གང་དག་སེར་སྣར་གྱུར་པའི་ལས་བྱས་པ་ཉེ་བར་མ་བརྟགས་པར་དང་། སེམས་བསྒྲུབས་པར་དཀའ་བས་དགེ་བ་རྗེས་སུ་མི་སྒྲུབ་
D287.070.0068a02.01པས་དེ་སླར་ཡང་དམྱལ་བ་{ཡི་དགས་,ཡི་དྭགས་}དུད་འགྲོ་རྣམས་སུ་སྐྱེའོ། །གཞན་ཡང་དགེ་སློང་དེ་ཤིན་ཏུ་ངོ་མཚར་བར་གྱུར་པའི་ལས་རྨད་དུ་ཁྱེར་བའི་རྣམ་པར་སྨིན་པ་འདི་ལ་རྗེས་སུ་དཔྱོད་པར་བྱེད་པ་ན་དེས་མཐོང་བར་གྱུར་པ་ནི་གང་ཞིག་རབ་ཏུ་དད་པར་གྱུར་པས་བཅོམ་ལྡན་འདས་ཀྱི་སྐུ་བྲིས་པ་དང་།
D287.070.0068a03.01དང་བ་དང་ལྡན་པས་རིག་ཅིང་རབ་ཏུ་དང་བའི་སེམས་ཀྱིས་དམ་པའི་ཆོས་ཀྱི་པུ་སྟི་བྲིས་པར་གྱུར་པས་ཀྱང་བྱང་ཆུབ་འཐོབ་པར་འགྱུར་རོ། །རབ་ཏུ་མ་དད་པའི་སེམས་ཀྱིས་ཀྱང་མགྲིན་པ་དང་། བྲང་གི་དབུས་སུ་ཐམས་ཅད་བྲིས་པ་དེ་མཐོང་ནས་དེ་དད་པ་དང་ལྡན་པར་འགྱུར་རོ། །དེ་ཡང་དཔྲལ་བའི་
D287.070.0068a04.01ཡུལ་དུ་མཐོང་ནས་ཀྱང་དད་པ་དང་ལྡན་ནོ། །རབ་ཏུ་མ་དད་པའི་སེམས་ཀྱིས་སམ་རྒྱལ་པོའི་ཞབས་འབྲིང་བྱེད་པའི་འཇིགས་པས་དང་། དེ་ལས་གཞན་གྱིས་ཀྱང་བརྩོན་པ་མེད་པས་དང་། ཡང་དེ་འཚོ་བའི་དོན་དུ་ཡང་པུ་སྟི་འདྲི་བར་གྱུར་པ་དང་། སྐུ་གཟུགས་ཀྱང་སྟེ་མཐོ་རིས་སུ་སྐྱེས་པ་ན་
D287.070.0068a05.01ཡང་དེའི་ལས་མངོན་པར་བྲིས་པ་མངོན་པར་མཐོང་ནས་དད་པར་འགྱུར་རོ། །སླར་ཡང་བག་མེད་པ་མང་བར་འགྱུར་ཞིང་དེའི་དགེ་ལེགས་ཀྱི་ས་བོན་དུ་གྱུར་པའི་ལས་རྣམས་ཟད་པར་འགྱུར་ཏེ། བག་མེད་པ་དང་བྲལ་བའི་སེམས་དང་བྲལ་བར་གྱུར་པས་ཀྱང་སྟེ། དེ་ལྟར་ན་ལས་ཀྱིས་བྱས་པ་
D287.070.0068a06.01རྒྱུ་མེད་པར་འགྱུར་བ་ནི་ཅུང་ཟད་ཀྱང་ཡོད་པ་མ་ཡིན་ནོ། །དེ་ནས་གཞན་ཡང་ལྷ་དེ་དག་བག་མེད་པ་ལ་མངོན་པར་དགའ་བ་དང་། བག་མེད་པ་ལ་སྤྱོད་པས་ཀྱང་དེ་རྫས་ཀྱི་ཡུལ་གྱི་རྒྱགས་པས་རྟག་ཏུ་ངོམས་པ་མེད་དོ། །གཞན་ཡང་དེ་ལ་འདོད་པ་དུ་མ་འཕེལ་བས་ནི་རིན་པོ་ཆེ་འོད་འབྱུང་གི་རི་ལ་
D287.070.0068a07.01