完整藏文原文 · 德格版页 当前仅加载第 70 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བརྟན་པ་དང་། །རྟག་ཏུ་ལས་ནི་བྱེད་རྣམས་ཀྱི། །དམ་པའི་གྲོགས་ཀྱིས་ལེགས་ཡོངས་བསྐོར། །རྒྱལ་པོ་ལྷ་ཡི་བདག་པོར་འགྱུར། །གང་གིས་གཡོ་སྒྱུ་ཅན་མི་སྟེན། །གཡོ་སྒྱུ་ཅན་ནི་སྤངས་པས་ཀྱང་། །དེ་ནི་བསྒྲུབ་བྱའི་ཡུལ་ལས་གྲོལ། །ལྷ་རྣམས་ལས་ནི་
D287.070.0262b01.01ལྷག་པར་འགྱུར། །ཁྲོ་དང་རྒོད་བག་རྣམ་པར་སྤངས། །གང་ཡང་སྡིག་ལ་དགའ་མི་འགྱུར། །དེས་ནི་སྡིག་རྫབ་ལེགས་བཀྲུས་ནས། །རྟག་ཏུ་ལྷ་ཡི་བདག་པོར་འགྱུར། །ཟས་དང་སྐོམ་ལ་ཆགས་པ་མིན། །དགེ་བ་རྣམས་ལ་རྟག་ཏུ་ཆགས། །དམ་པ་ཆོས་ལེགས་
D287.070.0262b02.01མཐོང་བ་དེ། །བློ་རབ་རྒྱལ་ནས་ལྷག་པར་མཛེས། །ལེགས་པར་བསམས་པ་སེམས་པར་བྱེད། །དམ་པའི་ཆོས་ལ་འཇུག་པར་བྱེད། །དམ་པའི་ཆོས་ཀྱི་གདམས་ངག་གིས། །ཇི་བཞིན་ལྷ་ཡི་ནང་དུ་འགྲོ། །དོན་སྐོར་མིན་དང་མྱུར་བར་ཡང་། །གང་ཞིག་ཆོས་ཀྱི་རྗེས་སུ་འཇུག །
D287.070.0262b03.01སྡུག་བསྔལ་དེ་ནི་མྱུར་གྲོལ་ནས། །ལྷ་ཡི་འཇིག་རྟེན་དུ་ཉེར་འགྲོ། །མི་བདག་གང་ཡང་ཆོས་ཀྱིས་ནི། །རྟག་ཏུ་སྐྱེ་དགུ་ཡོངས་སྐྱོང་བ། །རབ་ཏུ་བསྔགས་པའི་ཆོས་བྱེད་བདག །ལྷ་ཡི་འཇིག་རྟེན་ས་བདག་འགྱུར། །དགེ་བའི་ཆོས་བཅུ་བདག་གིས་ནི། །གང་བཤད་
D287.070.0262b04.01དེ་ཉིད་མཐོང་བ་ཡིས། །གང་དེ་བྱེད་པའི་བློ་ལྡན་ནི། །ལྷ་ལས་ལྷག་པར་མཛེས་པ་ཡིན། །རྒྱུ་དང་རྐྱེན་ནི་ལེགས་པར་མཐོང་། །ལམ་དང་ལམ་མིན་དེ་བཞིན་ཏེ། །དེ་ནི་ལྟ་བའི་དྲི་བྲལ་ནས། །དེ་བློ་ལྷག་པར་ཁྱད་པར་འགྲོ། །ཇི་ལྟར་འོས་པར་ས་བདག་གི། །ལྷ་གང་
D287.070.0262b05.01དག་ནི་མཆོད་བྱེད་པ། །ལྷ་རྣམས་མཆོད་པས་དེ་ལྟར་ཡང་། །ལྷ་རྣམས་ལས་ནི་ལྷག་པར་འགྱུར། །རྙོག་པ་མེད་པའི་ཡིད་ཀྱིས་ནི། །བུ་དང་བུ་མོ་འཛིན་བྱེད་པ། །རང་གི་ཆུང་མས་ཆོག་ཤེས་དེ། །ལྷ་རྣམས་ཀྱི་ནི་བདག་པོར་འགྱུར། །བྱིས་པ་ཐམས་ཅད་འཕྲོག་བྱེད་པའི། །ཡུལ་རྣམས་
D287.070.0262b06.01གྱིས་ནི་འཕྲོག་མི་འགྱུར། །རྟག་ཏུ་ཚུལ་ཁྲིམས་ཀྱིས་བསྲུངས་པའི། །ཚུལ་ཁྲིམས་ལྡན་དེ་ལྷ་ཡུལ་འགྲོ། །གདུལ་བར་མི་ནུས་རྟག་ཏུ་སྤངས། །སྟེན་པ་གང་ཡང་ཆོས་བྱེད་ལ། །དམ་པའི་ཆོས་སེམས་གཙང་མ་ནི། །ལྷར་འོས་པ་ཡི་ཕུན་ཚོགས་ལྡན། །རིགས་པས་བརྩམས་
D287.070.0262b07.01