完整藏文原文 · 德格版页 当前仅加载第 70 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །དེ་དེ་ལ་ཡང་ལོག་པར་སྨྲ་བར་འགྱུར་རོ། །དེ་ལུས་ཞིག་ནས་ཤི་བར་གྱུར་པའི་འོག་ཏུ་ངན་སོང་དུ་ལོག་པར་ལྷུང་ནས་དམྱལ་བ་རྣམས་སུ་སྐྱེ་བར་འགྱུར་ཏེ། ཚོགས་པ་འདུས་པ་འདིའི་ཡལ་ག་གྱེས་པ་རྣམས་ནི་སྐྱོན་ཆེན་པོ་མང་བར་འགྱུར་རོ། །དེ་ནས་དེའི་དུས་ན་བཅོམ་ལྡན་
D287.070.0158b01.01འདས་འོད་སྲུང་དེས་ཚིགས་སུ་བཅད་པ་གསུངས་པ། ཇི་ལྟར། འཆིང་བ་དུ་མའི་ཚིག་རྐང་ལྡན། །ཡིད་ནི་རྣམ་པར་གཡེང་བྱེད་པ། །ཚངས་པར་སྤྱོད་པ་ཆུད་གཟོན་པའོ། །མྱ་ངན་འདས་འགྲོ་སུན་འདོན་པའོ། །རྟེན་ཅིང་རྟག་ཏུ་སྦྱོར་བྱེད་པ། །རང་བཞིན་གྱིས་ནི་ཚུལ་ཁྲིམས་
D287.070.0158b02.01སྤངས། །བསམ་གཏན་མངོན་དགའ་དེ་ཉིད་མཐོང་། །རྟག་ཏུ་དེ་ནི་ཡོངས་སུ་སྤངས། །རྒོད་པའི་རྩ་བ་གཅིག་ལས་ནི། །ཡིད་ལ་བྱེད་པ་རབ་ཆུད་གཟོན། །མྱ་ངན་འདས་པ་གསལ་སྟོན་པའི། །ཚངས་པར་སྤྱོད་པ་ཆུད་གཟོན་པའོ། །སྡུག་བསྔལ་ལས་ནི་ཟློག་བྱེད་པ། །མཐོ་
D287.070.0158b03.01རིས་ལམ་ལས་ཉམས་བྱེད་པོ། །ཕོ་ཉ་{ཡི་དགས་,ཡི་དྭགས་}འཇིག་རྟེན་གྱིས། །དུད་འགྲོའི་སྐྱེ་གནས་སུ་སྐྱུར་བ། །འཁོར་བ་མ་ལུས་ཀུན་གྱི་མ། །ཚོགས་པ་འདུས་པའི་མིང་ཡང་སྤོངས། །བསམ་གཏན་སྙོམས་འཇུག་ཡང་དག་ལྡན། །དགེ་སློང་ཡིད་ནི་དག་རྣམས་ཀྱིས། །དེ་ལྟར་བཅོམ་
D287.070.0158b04.01ལྡན་འདས་འོད་སྲུང་དྲང་སྲོང་གི་མཆོག་དེས་ཚོགས་པ་འདུས་པའི་སྐྱོན་འདི་དག་རྣམས་གསུངས་སོ། །གཞན་ཚོགས་པ་འདུས་པ་མ་ཡིན་པའི་ཡོན་ཏན་རྣམས་སྟོན་པར་མཛད་དེ། དགེ་སློང་གང་དག་སེམས་ཤིན་ཏུ་མཉམ་པར་བཞག་པར་གྱུར་པ་དམ་པའི་ཆོས་འབའ་ཞིག་ལ་
D287.070.0158b05.01མངོན་པར་དགའ་བ། དམ་པའི་ཆོས་འབའ་ཞིག་སྟོན་པར་བྱེད་པ། དམ་པའི་ཆོས་ཉིད་སེམས་པར་བྱེད་པ། དམ་པའི་ཆོས་རྟོགས་པར་འགྱུར་བ། སངས་རྒྱས་ལ་རབ་ཏུ་འདུད་པར་བྱེད་པའི་རང་བཞིན་ཅན་དུ་གྱུར་པ་དེ་དག་རྣམས་ཀྱིས་ནི་གང་བལྟ་བར་བྱ་བའི་ཞབས་དྲུང་
D287.070.0158b06.01དེ་དག་ཉིད་མཐོང་བར་འགྱུར་རོ། །ཚོགས་པ་འདུས་པའི་སྲིད་པ་རྣམས་ལས་གྲོལ་བ། རྩེ་གཅིག་ཏུ་དགའ་བར་གྱུར་པ། གཅིག་ཏུ་འཁོར་བའི་འཇིགས་པ་རྣམས་ཀྱིས་སྐྲག་པ། གཞན་དུ་ན་དེ་དག་རྣམས་ཀྱི་ངག་གི་ངལ་བ་འབྲས་བུ་དང་བཅས་པ་ནི་གང་འཕགས་
D287.070.0158b07.01