完整藏文原文 · 德格版页 当前仅加载第 70 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
པད་མའི་ནང་ཉིད་ཀྱི་སྙིང་པོ་ལ་ཉེ་བར་གནས་པར་གྱུར་ཅིང་ནམ་མཁའི་དཀྱིལ་དུ་འཕགས་ནས་སོ། །གཞན་དག་རྣམས་ནི་རིན་པོ་ཆེ་བདུན་གྱི་རང་བཞིན་གྱི་བྱའི་རྒྱབ་ཏུ་ལེགས་པར་ཞོན་པར་གྱུར་ནས་ནམ་མཁའི་དབྱིངས་ན་མཛེས་པར་གྱུར་པས་གང་ན་བྱའི་ནགས་ཡོད་པ་དེར་ཉེ་བར་
D287.070.0222b01.01ལེགས་པར་འགྲོའོ། །དེ་ལྟར་རྣམ་པར་འགྱུར་བ་དུ་མར་གྱུར་པའི་རྣམ་པར་རྟོག་པའི་དོན་དུ་མཛེས་པ་དང་ཡང་དག་པར་ལྡན་པས་ལེགས་པར་འོངས་པའི་ལྷ་དེ་དག་རྣམས་ལ་ཇི་ལྟ་བ་བཞིན་དུ་དེ་ཁོ་ན་ཉིད་བརྗོད་པ་ཞེས་བྱ་བའི་བྱ་དེ་དག་གིས་ཚིགས་སུ་བཅད་པ་བརྗོད་པ་ཇི་ལྟར། ལས་
D287.070.0222b02.01ཀྱི་རང་བཞིན་བཞོན་པ་ལས། །བཞོན་པས་ཁྱད་པར་བྱེད་གཞན་མེད། །ལས་ཀྱི་བཞོན་པས་སྐྱེས་བུ་རྣམས། །ཁམས་གསུམ་དུ་ནི་རྣམ་པར་རྒྱུ། །གང་གིས་གང་ལ་ཇི་ལྟ་བཞིན། །མཛེས་པ་བྱས་པར་གྱུར་པས་ནི། །དེ་ཡི་དེ་ལ་དེ་བཞིན་ལས། །ལུས་ཅན་རྣམས་ལ་སྨིན་པར་
D287.070.0222b03.01འགྱུར། །ལས་ཀྱི་བློ་ཡི་རི་མོ་ནི། །སེམས་ཀྱི་རྒྱུ་ཡིས་རབ་ཏུ་བཅུག །དུས་རིང་བར་ཡང་ཞུགས་རྣམས་ཀྱི། །བསྒྲུབ་བྱ་ཅུང་ཟད་དམིགས་པ་མིན། །ལས་ཀྱི་རྒྱུ་ཡིས་ཀུན་བསླང་བའི། །བདེ་བ་རྣམ་པ་སྣ་ཚོགས་རྣམས། །བདེ་བའང་རྣམ་པ་སྣ་ཚོགས་ཀྱང་། །ལས་ཟད་པ་
D287.070.0222b04.01ཡིས་རབ་ཏུ་འཇིག །དེ་ཕྱིར་ལས་ཀྱི་བདེ་བ་ནི། །ཇི་སྲིད་ཟད་པ་མ་མཐོང་བ། །དེ་སྲིད་བདེ་བའི་སྐལ་ལྡན་པའི། །ལས་གཞན་དག་ནི་ཁྱེད་ཀྱིས་གྱིས། །ལེ་ལོ་དང་ནི་ལྡན་པའི་ཡིད། །བག་མེད་པས་ནི་རྣམ་པར་བརྒྱལ། །སླུ་བ་མེད་པའི་ཞབས་ཀྱིས་ནི། །རབ་ཏུ་ལྟུང་བར་
D287.070.0222b05.01རབ་ཉམས་འགྱུར། །འདས་པའི་བདེ་རྣམས་ཐམས་ཅད་དབྲལ། །སྡུག་བསྔལ་ཆེན་པོའི་འབྱུང་གནས་རྣམས། །ཁམས་དང་ཕུང་པོ་འགག་པ་ལ། །འཆི་བདག་ཞེས་ནི་དེ་ལ་བརྗོད། །དེ་འདིར་མྱུར་དུ་འོང་འགྱུར་ཏེ། །གསོན་པའི་བར་ཆད་ཆེར་བྱེད་དོ། །འདི་ཡང་ལེགས་པར་
D287.070.0222b06.01མཐོང་མིན་ཏེ། །ཡུལ་གྱིས་ཤིན་ཏུ་རྨོངས་པས་སོ། །དེ་ལྟར་བྱ་དེ་ལེགས་པར་བྱས་པའི་ལས་དང་རབ་ཏུ་འབྲེལ་པ་ལྷ་དེ་དག་རྣམས་ལ་རྗེས་སུ་འདོམས་སོ། །དེ་ནས་དེ་དག་ལ་མ་དཔྱད་པ་དང་དེ་ཁོ་ནའི་ཚིག་ཀྱང་སྤངས་པར་གྱུར་ཏེ། སླར་ཡང་ཡུལ་གྱི་སྲེད་པས་གདུངས་པར་
D287.070.0222b07.01