完整藏文原文 · 德格版页 当前仅加载第 70 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་དང་རྩེ་དགའ་བ་མངོན་པར་མཐོང་ཞིང་སྒྲ་རྣམ་པར་བརྗོད་པ་རྣམས་ཀྱང་ཐོས་ནས་རབ་ཏུ་དགའ་བའི་ཡིད་ཀྱིས་དེ་ལྷའི་འཇིག་རྟེན་རྣམས་ལ་མངོན་པར་ལྟ་བར་བྱེད་པ་ན་དེས་མཐོང་བ་ནི་བརྩེགས་པ་རྒྱུ་བའི་རི་དེ་ཀུན་ཏུ་ཁྱབ་པར་ལྗོན་ཤིང་བརྒྱ་སྟོང་ཕྲག་དུ་མ་རྣམས་འོད་ཀྱི་ཕྲེང་བ་དང་ལྡན་པ་
D287.070.0024b01.01རྣམས་མཐོང་བ་དང་། འབབ་ཆུ་བརྒྱ་སྟོང་དང་རབ་ཏུ་ལྡན་པ་བྱའི་ཚོགས་རྣམས་ཀྱིས་སྒྲ་ཀུན་ནས་སྒྲོགས་པའི་སྒྲ་རྣམས་ཐོས་པར་འགྱུར་རོ། །རྣམ་པ་སྣ་ཚོགས་པའི་རིན་པོ་ཆེའི་སྒྲོས་སྤྲས་པ་རྣམ་པ་སྣ་ཚོགས་པར་དགའ་བར་འགྱུར་བའི་པད་མའི་རྫིང་བུ་བརྒྱ་སྟོང་དང་ལྡན་པ་ལ་བུང་བའི་ཚོགས་སྒྲ་
D287.070.0024b02.01འབྱིན་པས་ཉེ་བར་མཛེས་པར་གྱུར་པ་སྔ་ན་མ་མཐོང་བ་ཤིན་ཏུ་དགའ་བར་གྱུར་པའི་རི་གཞན་དང་མི་འདྲ་བ་འཐབ་བྲལ་གྱི་འཇིག་རྟེན་རྣམས་དེས་མངོན་པར་མཐོང་ནས་དེ་དང་འདྲ་བའི་ངོ་བོའི་དགའ་བ་ཐོབ་པར་གྱུར་ཏོ། །དེ་ཤིང་གི་དྲུང་དེ་ལས་ལངས་ནས་དེ་རང་གི་ལུས་ལ་ཀུན་ཏུ་ལྟའོ། །དེས་ལེགས་
D287.070.0024b03.01པར་མངོན་པར་མཐོང་བ་ནི་རང་གི་འོད་རྣམས་ཀྱིས་གསལ་བར་གྱུར་པ། འོད་ཟེར་བརྒྱ་ཕྲག་དུ་མ་རྣམས་ཀྱིས་རབ་ཏུ་གསལ་བར་བྱེད་པ་མཆོག་ཏུ་གྱུར་པའི་དཔལ་གྱིས་ཆོས་སྣང་བར་གྱུར་པས་མཐོང་ན་ཤིན་ཏུ་ངོ་མཚར་བར་རང་གི་ལུས་མངོན་པར་མཐོང་ནས་གཟུགས་ཀྱི་རྒྱགས་པས་
D287.070.0024b04.01དྲེགས་པར་འགྱུར་རོ། །དེའི་རྗེས་ལ་རྒྱགས་པ་གཉིས་པ་འདི་དེའི་སྙིང་ལ་འཇུག་པར་འགྱུར་བ་ནི་འདི་ལྟ་སྟེ་དེ་འདི་སྙམ་དུ་སེམས་པར་འགྱུར་རོ། །ང་ལྟ་བུ་འགའ་ཞིག་ཡོད་པ་མ་ཡིན་ཞེས་དེའི་སེམས་སྐྱེད་པ་ཙམ་ཉིད་ན་ལྷ་གང་དག་གིས་གང་དག་རྣམས་ལས་སེམས་པར་བྱེད་
D287.070.0024b05.01པ་དེ་དག་རྣམས་ཉིད་ཕུན་སུམ་ཚོགས་པར་འགྱུར་རོ། །དེའི་ནང་དུ་ཡང་རྒྱགས་པ་གསུམ་པ་སྙིང་ལ་འཇུག་པར་འགྱུར་ཏེ། དེའི་རྗེས་ལ་འདིའི་དབང་པོ་ལྔ་ཡུལ་ལྔ་པོ་རྣམས་ལ་དེའི་སྙིང་དང་སེམས་དགའ་བར་འགྱུར་རོ། །དེ་དེ་ལྟར་རྣམ་པ་བདུན་དུ་ཡིད་འཕྲོག་པ་གང་ཡིན་པ་དེའི་དགེ་བའི་ཆོས་ལ་
D287.070.0024b06.01བརྩོན་པར་བྱ་བ་དེ་དག་རྣམས་ཐམས་ཅད་ཀྱང་དེ་བཞིན་དུ་བརྗེད་པར་འགྱུར་ཏེ་སེམས་ཡང་བར་གྱུར་པའི་ཕྱིར་དང་། བག་མེད་པ་མང་བར་གྱུར་པའི་ཕྱིར་དང་། རྟག་ཏུ་བག་མེད་པས་བག་མེད་པར་གནས་པའི་ཕྱིར་ཡང་སྟེ། ཡུལ་ལྔའི་ཞགས་པས་བཅིངས་ཤིང་སྲིད་པའི་འཆུམས་
D287.070.0024b07.01