完整藏文原文 · 德格版页 当前仅加载第 70 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་ཐམས་ཅད་ལས་ངེས་པར་སྒྲོལ་བར་འགྱུར་བ་གཞན་ནི་ཡོད་པ་མ་ཡིན་ནོ། །ཡེ་ཤེས་ཀྱིས་ནི་ཇི་ལྟ་བ་བཞིན་དུ་བདེ་བ་མཆོག་གི་ས་བོན་དུ་འགྱུར་ཏེ་བསྟེན་པ་དང་བསམས་པ་དང་བསྙེན་བཀུར་བྱས་པ་དེ་དག་གིས་ཤེས་རབ་དེ་ལྟ་ཡོན་ཏན་དང་ལྡན་པས་ན་ངེས་པ་ཁོ་
D287.070.0022a01.01ནར་མྱ་ངན་ལས་འདས་པ་མཐར་བྱེད་པར་འགྱུར་རོ། །ལྷ་གང་དག་བག་མེད་པར་རྣམ་པར་རྒྱུ་བ་རྣམས་ཀྱིས་བྱ་དེ་དག་རྣམས་ཀྱི་རྣམ་པར་བརྗོད་པ་ཉེ་བར་བཟུང་ནས་དེ་དག་རྣམས་ཡུད་ཙམ་ཞིག་བག་མེད་པ་ཉེ་བར་ཞི་བར་འགྱུར་རོ། །གཞན་ཡང་ལྷ་དེ་དག་རྣམས་དེ་ཉིད་ཀྱིས་ནགས་
D287.070.0022a02.01དང་ཉེ་བའི་ནགས་དགའ་བ་དེ་ན་རིན་པོ་ཆེ་དུ་མས་རྣམ་པར་གསལ་བའི་རྩེ་མོར་ལྷ་དེ་དག་འདོད་པའི་ཡོན་ཏན་ལྔ་ཡང་དག་པར་ལྡན་པར་གྱུར་པས་རྣམ་པ་དུ་མར་དགའ་ཞིང་ཀུན་ཏུ་ཡང་སྤྱོད་དེ་ཇི་སྲིད་དུ་འདོད་པ་དང་སྡུག་པ་དང་ཡིད་དུ་འོང་བ་བྱས་ཤིང་བསགས་པའི་ལས་རྣམས་ཟད་པར་
D287.070.0022a03.01མ་གྱུར་བར་དུའོ། །དེས་དེ་དག་རྣམས་ཟད་ནས་གཞན་ཡང་རྣམ་པར་འཇུག་ཅིང་རབ་ཏུ་ཡང་ལྟུང་སྟེ་ཇི་ལྟར་ལས་རྣམས་ཀྱིས་ཉེ་བར་འགྲོ་བ་དམྱལ་བ་དང་{ཡི་དགས་,ཡི་དྭགས་}དང་དུད་འགྲོ་རྣམས་སུ་སྐྱེའོ། །ལྷག་མ་རྣམས་ཀྱིས་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན་དེ་རྟག་
D287.070.0022a04.01ཏུ་སྐྱིད་པའི་མཆོག་ཏུ་འགྱུར་རོ། །སྐྱེས་པ་ནས་བཟུང་ནས་གཞན་རྣམས་ཀྱིས་ཀྱང་བཀའ་མི་སྒོ་བ་དང་། རང་ཅི་འདོད་པ་བཞིན་དུ་བྱེད་པ་དང་མཆོག་ཏུ་ལོངས་སྤྱོད་དང་ལྡན་པ་དང་ཤེས་རབ་ལ་མཆོག་ཏུ་དགའ་བ་དང་མཆོག་ཏུ་ཡོན་ཏན་དང་གཟུགས་ཕུན་སུམ་ཚོགས་པ་དང་།
D287.070.0022a05.01སྐྱེ་བོ་ཐམས་ཅད་ཀྱིས་བྱམས་ཤིང་སྙིང་དུ་སྡུག་ལ་ཡིད་དུ་འོང་ཞིང་འཐུན་པར་འཛིན་པ་དང་སྐྱེ་བོ་ཐམས་ཅད་ཀྱིས་མཆོད་པར་བྱེད་པ་དང་དགའ་ཞིང་འདོད་པའི་ཡུལ་རྣམས་སམ་ཚོང་འདུས་དང་གྲོང་ཁྱེར་རྣམས་སུ་སྐྱེ་བར་འགྱུར་རོ། །རང་གི་སྐྱེ་བོ་དང་གྲོགས་དང་གཉེན་འདུན་རྣམས་
D287.070.0022a06.01ཀྱིས་ཀྱང་མཆོད་པར་འགྱུར་རོ། །རྒྱལ་པོའམ་རྒྱལ་པོའི་བློན་པོ་རྣམས་སུའམ་སེམས་དྲང་པོའི་རང་བཞིན་ཅན་ཆོས་དང་ལྡན་པ་ཆོས་ཀྱི་རྗེས་སུ་འཇུག་པའི་ཡང་དག་པའི་ལྟ་བ་ཅན་དུ་ལས་དེའི་རྒྱུ་འཐུན་པར་འགྱུར་རོ།། །།འཕགས་པ་དམ་པའི་ཆོས་དྲན་
D287.070.0022a07.01