完整藏文原文 · 德格版页 当前仅加载第 70 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་ནོ། །དགེ་བའི་ལས་རྣམས་ཡོངས་སུ་སྤངས་པར་གྱུར་པ། གྲོགས་ཚངས་པ་མཚུངས་པར་སྤྱོད་པ་རྣམས་ཀྱིས་སྨད་པར་གྱུར་པ། དུང་གི་སྒྲ་དང་མཚུངས་པར་སྤྱོད་པ་ཡིན་ནོ། །ཐོས་པ་མེད་པ་དང་ཤེས་པ་མེད་པའི་ཕྱིར་ན་འདིའི་ཡིད་ཀྱིས་བསམས་པའི་མྱ་ངན་ལས་འདས་པར་འགྲོ་
D287.070.0157b01.01བ་ཡང་འགྲུབ་པར་མི་འགྱུར་རོ། །ལྷ་རྣམས་ཀྱིས་ཀྱང་སྤོང་བར་བྱེད་དོ། །དེ་ལ་འདི་དང་པོ་ཁོ་ནར་བསམ་གཏན་ལ་སྙོམས་པར་ཞུགས་པ་ན་རྣམ་པར་སྲེག་པར་གྱུར་ནས་མཆོག་ཏུ་ཡང་ཡིད་རྣམ་པར་གཡེང་བར་བྱེད་པ། ལྟུང་བ་རྣམས་ལ་ཤིན་ཏུ་དགའ་བར་གྱུར་པ། ཕྱི་ནས་འགྱོད་པར་བྱེད་པ་པོ་
D287.070.0157b02.01རབ་ཏུ་བྱུང་བ་ཐམས་ཅད་ཀྱིས་རྣམ་པར་སྤང་བར་བྱ་བ་འདི་ལྟ་སྟེ། ཚོགས་པ་འདུས་པ་ལ་དགའ་བའོ། །ཚོགས་པ་འདུས་པ་ལ་དགའ་བ་ཡང་སེམས་མ་བསྡམས་པ་ཡིན་ནོ། །མ་བསྡམས་པར་སྤྱོད་པ་རྣམས་ཀྱང་རང་བཞིན་གྱིས་རྒོད་པར་འགྱུར་བའི་ཕྱིར་ན་རྟག་ཏུ་ཡང་ཡིད་ཀྱིས་ཀུན་བརྗོད་
D287.070.0157b03.01པར་འགྱུར་རོ། །སེམས་ཤིན་ཏུ་རྣམ་པར་གཡེང་བ་རབ་ཏུ་གཡོ་བའི་རྟོག་པ་རབ་ཏུ་གཡོ་བའི་བློ་དང་རྣམ་པ་དེ་ལྟ་བུ་ཉིད་ལ་སྟེན་པར་བྱེད་པ་དང་། གང་དག་ལ་ཡོད་པ་གང་ཡིན་པའི་སེམས་རྣམ་པར་གཡེང་བར་གྱུར་པ་ན་གང་རྟག་ཏུ་ཡང་གར་དང་བྲོ་ལ་དགའ་བས་ཀུན་ཏུ་ལྟར་འགྲོ་བ་ལ་སོགས་པས་
D287.070.0157b04.01དེ་མ་བསྡམས་པ་ཁོ་ནར་རྟག་པར་སྤྱོད་པར་འགྱུར་ཏེ། གྲོང་ཁྱེར་དང་། ཡུལ་ཆུང་དང་། གྲོང་དང་། གྲོང་རྡལ་དུ་འགྲོ་བར་བྱེད་དོ། །རྟག་ཏུ་ཡང་སྤྲོ་བས་ལྟ་བ་པོར་འགྱུར་རོ། །ཚོགས་པ་འདུས་པ་རྣམས་ལ་ཀུན་ཏུ་ལྟ་བ་དེ་དག་རྣམས་ལྷན་ཅིག་ཏུ་འགྲོགས་ནས་རྒྱུན་དུ་ཡུལ་ནས་ཡུལ་དུ་འགྲོ་བར་བྱེད་དོ། །
D287.070.0157b05.01ཐམས་ཅད་དུ་འགྲོ་བར་བྱེད་ཅིང་མ་བསྡམས་པར་གྱུར་པས་རྟག་ཏུ་ཡང་ཁ་ན་མ་ཐོ་བའི་ཚིག་བརྗོད་པ་ལ་མངོན་པར་དགའ་བ་ལ་གཅིག་ཏུ་ཞུགས་པའི་བློ་ནི་ཉིན་མོ་དང་མཚན་མོར་ཡང་སྡོད་པ་མ་ཡིན་ནོ། །དེ་ནི་བློ་རྣམ་པར་གཡེང་བར་གྱུར་པ་ཐོས་པ་དང་མི་ལྡན་པ་ཡིན་ཏེ། གཞན་གྲོགས་
D287.070.0157b06.01ཚངས་པ་མཚུངས་པར་སྤྱོད་པ་རྣམས་ཀྱིས་རྣམ་པར་སྨོད་པར་བྱེད་དོ། །དེ་ལ་བཤེས་པར་གྱུར་པ་ཡང་བདག་ཉིད་རང་གིས་ཀུན་ཏུ་མི་རྟོགས་སོ། །དེ་དག་ཚུལ་ཁྲིམས་དང་ལྡན་པ་རྣམས་ཀྱི་དྲུང་ན་ཡིད་ཀྱི་བྱ་བ་བྱེད་དོ། །དེ་ལུས་ཞིག་པར་གྱུར་པ་ན་ངན་སོང་ལོག་པར་ལྟུང་བར་ལྷུང་ནས་དམྱལ་བར་
D287.070.0157b07.01