完整藏文原文 · 德格版页 当前仅加载第 70 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་ཆེ་འདི་ནི་རྣམ་བསམས་ནས། །སྲིད་པའི་རྒྱ་མཚོ་ལས་ནི་སྐྱོ་བར་མི་འགྱུར་བ། །དེ་ནི་འདོད་པའི་དུག་གི་མདའ་ཡི་ཤུགས་ཀྱིས་རྨོངས། །སྡུག་བསྔལ་གྱི་ནི་གནས་སྐབས་དམྱལ་བ་འཐོབ་པར་འགྱུར། །ཐོག་མ་ཐ་མའི་འདོད་པའི་བདེ་བ་རྣམས་ཀྱང་
D287.070.0125a01.01སྤོངས། །བྱིས་རྣམས་ཅི་ཕྱིར་འདོད་པའི་ལོངས་སྤྱོད་རྣམས་ལ་དགའ། །ཤིན་ཏུ་མི་བཟད་འཇིགས་པ་དེ་དག་རྣམས་ཀྱང་ནི། །འཆི་བདག་འབར་བས་གསལ་བར་མ་འོངས་མི་ཤེས་པ། །གསོན་པ་འདི་དག་འདིས་ནི་འཇོམས་པར་བྱེད་པ་ཡི། །ཇི་སྲིད་འཆི་བདག་འཇིག་
D287.070.0125a02.01རྟེན་ཐམས་ཅད་མི་འཇོམས་པ། །དེ་སྲིད་དུ་ནི་ཕན་དང་སྐྱིད་དང་བདེ་བ་དང་། །མྱ་ངན་མེད་ཀྱིས་དེ་དག་སྐྱེས་བུ་རྣམས་ཀྱིས་བྱོས། །ཆུད་གཟོན་ཀུན་གདུང་བྱེད་པ་པོ། །འདོད་པའི་སྐྱེ་གནས་ཀུན་ཐོབ་པ། །རྣམ་དུར་རྨོངས་པས་དེ་ལྟ་ན་འང་། །འདོད་པའི་སྤྱོད་པ་ཚིམ་པར་
D287.070.0125a03.01བྱེད། །དེ་ལྟར་ནམ་མཁའ་ལྡིང་གི་རྒྱལ་པོ་ངང་པས་འགྲོ་བར་ཡང་བྱེད་པ་དང་། རྗེས་སུ་སྟོན་པར་ཡང་བྱེད་དོ། །ལྷ་གང་དག་བག་མེད་པར་གྱུར་པས་ཆོས་སྒྲོགས་པ་རྣམས་ལ་ཆེད་ཆེར་བྱས་ནས་ཉན་པར་མི་བྱེད་པ་དང་། གང་ཡང་དམ་པའི་ཆོས་ཉན་པ་ལས་ཆེད་ཆེར་བྱེད་པ་དེ་
D287.070.0125a04.01དག་རྣམས་ཉིད་ལ་ལྷན་ཅིག་ཏུ་ངང་པ་དེས་རྗེས་སུ་བསྟན་པའི་ཚིགས་སུ་བཅད་པ་དེ་དག་རྣམས་སྒྲོགས་པ་ཡིན་ཏེ། དེ་རྣམས་དམ་པའི་ཆོས་ཉན་པ་ལ་གུས་པ་ལེགས་པར་སྐྱེས་ནས་རིངས་པར་གྱུར་པས་གང་ན་ཐོས་ན་མི་དགའ་བ་མེད་པ་ཞེས་བྱ་བའི་ས་ཡོད་པ་དེར་ཉེ་བར་ལེགས་
D287.070.0125a05.01པར་འགྲོ་བར་བྱེད་ལ། དམ་པའི་ཆོས་ཉན་པ་ལ་གུས་པ་སྐྱེད་པའི་ཡིད་ཅན་གྱི་ལྷ་དེ་དག་རྣམས་རྒྱུག་པར་བྱེད་པ་ན། ཁང་བུའི་ཕྱི་བཞིན་གྱིས་ལམ་རྣམས་སུ་ཡོན་ཏན་སྟོང་ཕྲག་བརྒྱས་ཡང་དེ་དག་རྣམས་ཀྱི་འོད་ཟེར་རྣམས་རབ་ཏུ་དང་བར་འགྱུར་རོ། །རྒྱུག་པ་དེ་དག་རྣམས་ལས་
D287.070.0125a06.01གཞན་པའི་ལྷ་བག་མེད་པས་རྣམ་པར་རྒྱུ་བ་དེ་དག་རྣམས་ཀྱི་གཟི་བརྗིད་རྣམས་ནི་དམན་པར་འགྱུར་རོ། །འདི་རྣམས་ནི་ཉེ་བར་བཅོམ་པར་འགྱུར་རོ། །དེའི་མཐུ་སྟོབས་རྣམས་ཀྱང་ཉེ་བར་བཅོམ་པར་འགྱུར་རོ། །དེ་ལ་འདི་དག་རྣམས་ནི་ལྷ་གང་དག་གི་མཐོང་བའི་ཆོས་ཀྱི་འབྲས་
D287.070.0125a07.01