完整藏文原文 · 德格版页 当前仅加载第 70 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་ཙམ་འབའ་ཞིག་པ་ཚུལ་བཞིན་མ་ཡིན་པའི་ཡིད་ལ་བྱེད་པ་ཀུན་དུ་སྐྱེད་པར་བྱེད་པ་འབྲེལ་པ་མེད་པ་རྣམས་རྗོད་པར་བྱེད་པ་དང་ལྡན་པར་གྱུར་པ་དེ་དག་ལ་ཡང་དགེ་སྦྱོང་ངན་པ་འདི་དད་པར་བྱེད་དོ། །དེ་ཡང་དང་ཡང་དུ་ཉན་པར་བྱེད་པས་ཐོས་པ་ངན་པའི་ལམ་དེ་ཉིད་ཀྱིས་འཁྲིད་པར་བྱེད་དོ། །དེས་
D287.070.0168b01.01ཁྲིད་པར་གྱུར་པས་སླར་ཉིད་ཀྱང་ཁྱིམ་པར་འགྱུར་རོ། །དེ་ཡང་དམ་པའི་ཆོས་ལས་ཀྱང་ཡོངས་སུ་ཉམས་པར་འགྱུར་རོ། །དེ་ནི་སྙན་དངགས་ལ་མངོན་པར་དགའ་བ་ཉིད་ཀྱིས་དགའ་བར་གྱུར་པ་དེ་སྡེབས་བྱེད་པར་གྱུར་གྱི། དེ་བསམ་གཏན་སྒོམ་པ་ལ་ནི་ལེ་ལོ་ཅན་དུ་འགྱུར་ཞིང་དགེ་འདུན་གྱི་ནང་
D287.070.0168b02.01དུ་འཇུག་པ་དང་ལྡན་པ་ཡང་མ་ཡིན་ནོ། །ཟས་དང་གནས་ལ་ལོངས་སྤྱོད་པ་རྣམས་ཐམས་ཅད་ཀྱིས་ཀྱང་དེའི་བར་དུ་གཅོད་པར་འགྱུར་རོ། །གང་དག་ལེ་ལོ་ཅན་དུ་གྱུར་པ་རྣམས་དང་པོ་ཁོ་ནར་ཚུལ་ཁྲིམས་འཆལ་བས་ནི་དགེ་འདུན་གྱི་ནང་དུ་འཇུག་པར་མི་བྱ་ན་གནས་མལ་རྣམས་དང་།
D287.070.0168b03.01ནད་ཀྱི་རྐྱེན་སྨན་གྱི་ཚད་དུ་གྱུར་པ་དང་། གཞན་རྣམས་ལྟ་བརྗོད་ཀྱང་ཅི་དགོས་ནས། གསོང་པོར་སྨྲས་པ་དང་། ཕྱག་བྱས་པས་ཀྱང་ལེ་ལོ་ཅན་གྱི་བར་ཆད་བྱེད་པར་འགྱུར་རོ། །བསམ་གཏན་དུ་བྱ་བ་ལས་སྙན་དངགས་གང་བསྡེབས་པར་གྱུར་པ་ལ་ཆེད་ཆེར་བྱེད་པས་བརྩམ་པར་འོས་པའི་སྙན་
D287.070.0168b04.01དངགས་དེ་དག་བྱེད་ལ་དེ་དག་འབའ་ཞིག་ཏུ་ནི་མ་ཟད་ཀྱི། ཡང་དང་ཡང་དུ་དེ་ལ་འགྲོ་བ་ཁོ་ན་དང་། དེའི་ཚེ་དེ་ལ་རྟེན་པ་ལ་སེམས་མངོན་པར་དགའ་བ་དང་། རྣམ་པ་སྣ་ཚོགས་པའི་ཐབས་རྣམས་ཀྱི་བློ་རྣམ་པ་སྣ་ཚོགས་པ་དང་། རྣམ་པར་རྟོག་པ་དུ་མ་རྣམས་ཀྱིས་ཀུན་ནས་བཅོམ་པ་དང་།
D287.070.0168b05.01རྣམ་པ་སྣ་ཚོགས་པའི་རོ་རྣམས་སྐྱེད་པར་བྱེད་པའི་སྙན་དངགས་བྱེད་དོ། །དེས་དེའི་ཡིད་རྣམ་པར་དཀྲུགས་པར་གྱུར་པས་ཚེའི་འདུ་བྱེད་རྣམས་ནི་ཟད་པར་གྱུར་ལ། འཆི་བདག་གི་རྒྱལ་པོ་ནི་ཉེ་བར་འོངས་པར་གྱུར་པས་བྱ་བ་རྣམས་མ་བྱས་པར་ཡང་གྲོགས་མེད་ཅིང་། འཇིག་རྟེན་
D287.070.0168b06.01འདས་པའི་ལམ་དང་རྣམ་པར་བྲལ་བ་གང་ཡིན་པའི་ཕྱོགས་སུ་འགྲོ་བར་བྱ་དགོས་སོ། །དེ་ཡང་སྙན་དངགས་ཀུན་དུ་སྡེབ་པ་དེ་ལ་བློ་སོང་བར་གྱུར་པ་ཡིན་ནོ། །སྐྱེས་བུ་འདི་ནི་དེས་རྨོངས་པར་གྱུར་ནས་བར་དུ་གཅོད་པ་ཆེན་པོ་རྣམས་ཀྱིས་བསླུས་པའི་མཆོག་ཐོབ་པར་འགྱུར་རོ། །གྱ་རྒུད་
D287.070.0168b07.01