完整藏文原文 · 德格版页 当前仅加载第 70 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཇི་ལྟར་རང་ཉིད་འདོད་པར་གྱུར་པ་འཐབ་བྲལ་གྱི་མངའ་བདག་མུ་སུ་ལུན་དྷའི་ནགས་དེ་ལྟར་མཐོང་སྟེ། གཟུགས་དུ་མ་ཕན་ཚུན་དུ་དགའ་བ་རྣམས་ནི་འཐབ་བྲལ་གྱི་བདག་པོ་དེའི་མཛེས་པ་སྔ་ན་མེད་པ་ཡིན་ནོ། །དེ་ནས་ལྷ་དེ་སྔ་ན་མེད་པའི་གཟུགས་མཐོང་བ་བཞིན་དུ་ནགས་དེ་ལྟ་
D287.070.0076b01.01ཞིང་འཇུག་པར་ཡང་བྱེད་དེ། ལྷ་དེ་དག་དགའ་བར་འགྱུར་བའི་རྒྱན་དང་ཆ་བྱད་དགའ་བར་གྱུར་པ། སྟེང་དུ་སྐྱེས་པའི་ལྷ་རྫས་ཀྱི་ཙན་དན་གྱིས་ཉེ་བར་བྱུགས་པའི་ལུས་ཅན་རྣམས་དེ་བཞིན་དུ་གོས་མཆོག་བགོས་པ་མཐོ་རིས་དང་རྗེས་སུ་འཐུན་པའི་རྒྱན་དང་ཆ་བྱད་ཅན་གྱིས་རྣམ་པར་བཀྲ་བའི་ནགས་
D287.070.0076b02.01དེ་ཡང་དེས་ཡང་དག་པར་མངོན་པར་མཐོང་ནས་དེ་ངོ་མཚར་བ་ཀུན་ཏུ་སྐྱེའོ། །ལས་རྣམ་པ་སྣ་ཚོགས་པ་ཡང་རྗེས་སུ་མཐོང་བར་འགྱུར་ལ་རྣམ་པ་སྣ་ཚོགས་པ་མཐོང་ནས་ཀྱང་སྔ་ན་མེད་པར་དགའ་བའི་ཡང་ནགས་རྣམས་དལ་བུས་ཉེ་འཁོར་བལྟས་ནས་ཕྱི་ནས་དགའ་བར་བྱེད་པ་དང་། རྣམ་
D287.070.0076b03.01པར་ལྟ་བར་བྱེད་པ་དང་། ཕན་ཚུན་དུ་བརྒྱན་པར་གྱུར་པ་དང་། ཕན་ཚུན་དུ་པད་མའི་རྫིང་བུ་དེར་འཇུག་པར་ཡང་བྱེད་དེ། ཤིན་ཏུ་འདས་པར་ཞུགས་ནས་མང་དུ་ལྟའོ། །ནེ་ཙོ་ཡང་ཚང་གི་སྒོ་ནས་མཉམ་པར་རྣམ་པ་སྣ་ཚོགས་པའི་རིན་པོ་ཆེའི་ཕྲེང་བ་ལ་སོགས་པ་འཛིན་པར་གྱུར་པས་
D287.070.0076b04.01ཉེ་འཁོར་ན་ཕན་ཚུན་དུ་ཤིན་ཏུ་ཆགས་པར་གྱུར་པས་མཆུ་ལ་མུ་ཏིག་གི་ཕྲེང་བ་རྣམས་རྒྱགས་པས་གཡས་ཕྱོགས་ནས་སྐོར་བར་བྱེད་དོ། །ནགས་དེ་དག་ན་ཚིགས་སུ་བཅད་པ་ཡང་བརྗོད་པ་ཇི་ལྟར། རང་གི་ལས་ཀྱིས་བསྐུལ་བ་ཡིས། །འཁོར་ལོ་འདི་དག་ཐམས་ཅད་འཁོར། །འདི་ནི་རྒ་ཤི་འཕྱང་མོ་ཡང་། །སྐྱོ་བར་འགྱུར་བ་
D287.070.0076b05.01མ་ཡིན་ནོ། །འགྲོ་བ་དང་ནི་འགྲོ་གཞན་འགྲོ། །ལྷ་དང་ལྷ་མིན་དེ་བཞིན་མི། །རང་སེམས་ཡོངས་སུ་ཟློག་པ་ཡི། །དེ་ཉིད་མཁྱེན་པ་ལྟོས་པ་མེད། །དེ་བཞིན་འཁོར་ལོ་འཁོར་བ་མིན། །གང་འདི་ཀུན་ཏུ་འཁོར་བྱེད་ནི། །ལས་ཀྱི་ལག་པས་ཡོངས་བསྐུལ་བ། །སེམས་ཅན་
D287.070.0076b06.01འཁོར་ལོ་མྱུར་བའང་ཡིན། །འབྱུང་གནས་བཅུ་གཉིས་ཡན་ལག་ལྡན། །རྨོངས་པ་དང་ཡང་ཀུན་ནས་ལྡན། །རྟེན་འབྲེལ་འཁོར་ལོ་འཁོར་བ་ཡང་། །འཇིག་རྟེན་གྱིས་ནི་རྟོགས་པ་མིན། །དེ་ལྟར་ནེ་ཙོའི་ཁ་ནས་ངེས་པར་འབྱུང་བའི་ཚིགས་སུ་བཅད་པ་རྗོད་པ་ལྷ་དེ་དག་རྣམས་
D287.070.0076b07.01