完整藏文原文 · 德格版页 当前仅加载第 70 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བའི་ནགས་ན་ཡིན་ནོ། །སྣའི་བློ་འཕྲོག་པར་བྱེད་པ་ཡང་ནགས་དེ་ན་རྣམ་པ་སྣ་ཚོགས་པའི་མེ་ཏོག་གི་ཉེ་བར་མཁོ་བ་རྣམས་མཐོང་བས་རྣམ་པར་མཛེས་སོ། །ནགས་དེ་གཟུགས་རྣམ་པར་བཀྲ་བར་གྱུར་པ་རྣམས་དང་། དྲི་ཡང་རྣམ་པ་སྣ་ཚོགས་
D287.070.0224a01.01པའི་རྣམ་པར་རྟོག་པ་དང་ལྷན་ཅིག་ཏུ་སྒྲའི་ཚོགས་ཀྱིས་རྣམ་པར་བརྗོད་པས་ཏེ། དེ་ལྟར་ཡང་ནགས་དེ་མཛེས་པར་གྱུར་པའི་དྲི་དང་གཟུགས་དང་སྒྲ་རྣམས་ཀྱང་སྟེ། གླིང་བུ་དང་རྫ་རྔ་དང་པི་བང་གི་སྒྲ་དང་གླུ་སྙན་པའི་སྒྲ་དང་བྱ་རྣམས་ཀྱི་ཡང་སྒྲ་དང་སྒྲ་རྒྱ་ཆེན་པོར་གྱུར་པ་ཡིད་
D287.070.0224a02.01འཕྲོག་པ་རྣམས་སོ། །དབང་པོ་གཅིག་གི་ཡུལ་རྣམས་ཀྱིས་ཀྱང་ནགས་དེ་ནི་ཤིན་ཏུ་རྣམ་པར་མཛེས་པ་ཡིན་ནོ། །གཞན་ཡང་དབང་པོ་གཞན་རྣམས་ཀྱི་དོན་རྣམས་དང་ཡང་དག་པར་ལྡན་པས་ཀྱང་ནགས་དེ་ཤིན་ཏུ་རྣམ་པར་མཛེས་པར་བྱེད་པ་ལ་འདི་ལྟ་སྟེ། རྣམ་པ་སྣ་ཚོགས་པའི་
D287.070.0224a03.01རོ་མངོན་པར་འདོད་པར་གྱུར་པ་རྣམས་ལ་ཡང་དཔེར་ན་འབྲས་བུའི་རོ་དང་བཏུང་བའི་རོ་དང་ལྷ་རྫས་ཀྱི་སྨན་གྱི་རོ་རྣམས་ཀྱིས་ཀྱང་ཇི་ལྟར་འདོད་པ་ཉིད་ཀྱི་ལྷ་རྫས་ཀྱི་རོ་རྣམས་དང་ཡང་དག་པར་ལྡན་ནོ། །དགའ་བ་དུ་མ་དང་ལྡན་པའི་ནགས་དེ་ནི་ཆེས་ལྷག་པར་གྱུར་པའི་གཟི་བརྗིད་དང་ལྡན་
D287.070.0224a04.01པས་དགའོ། །གཞན་ཡང་དེ་ཉིད་ན་རྣམ་པ་གཞན་གྱི་ཆེས་ལྷག་པར་མངོན་པར་སྣང་བར་བྱེད་དོ། །འདི་ལྟ་སྟེ་རྩེད་མོའི་རི་དག་ལ་འཁྲི་ཤིང་གི་དྲ་བ་རྣམས་ཀྱིས་ཀུན་ནས་འདུད་པ་དང་། ཉེ་འཁོར་ཀུན་ན་ཡང་རིན་པོ་ཆེ་བདུན་གྱི་ཁང་{བཟངས་,བཟང་}རྣམ་པ་དུ་མ་རྣམས་ཀུན་ནས་འབར་བར་
D287.070.0224a05.01གྱུར་པའི་རྩིག་ལོགས་ལ་ཡོན་ཏན་དུ་མ་བྲིས་པ་རྣམས་ཀྱིས་སྤྲས་པས་ལེགས་པར་གང་བར་གྱུར་པས་གཉི་གར་སྡུག་པར་གྱུར་པ་རྣམས་ཀྱིས་ཀུན་ནས་བརྒྱན་པ་ཐམས་ཅད་དུ་ཡང་རབ་ཏུ་དགོད་པར་གྱུར་པ་བཞིན་དུ་ཆེས་ལྷག་པའི་དཔལ་རྣམ་པ་སྣ་ཚོགས་པས་ནགས་དེ་ན་ལྷམ་མེ་བར་
D287.070.0224a06.01གྱུར་ཏོ། །གཞན་ཡང་ནགས་དང་ཉེ་བའི་ནགས་རྣམས་དང་ལྡན་པར་གྱུར་པ་ཡིན་ལ། དེ་ལ་ཡོན་ཏན་རྣམས་ཀྱིས་ཡོན་ཏན་ཕུན་སུམ་ཚོགས་པར་གྱུར་པ་ནི་བརྗོད་ཟིན་ནོ། །རི་དེའི་དགའ་བར་གྱུར་པ་ནི་འདི་དག་རྣམས་ཡིན་ཏེ། བཻ་ཌཱུརྱའི་འབྱུང་གནས་རྣམས་དང་ལྡན་པར་གྱུར་པ་ལ།
D287.070.0224a07.01